შენთან ლამაზი სიყვარული მინდა

შენთან ლამაზი სიყვარული მინდა

(shentan lamazi siyvaruli minda)

შენ სადაც გძინავს იმ ოთახის ჰაერი მინდა . . .
გვერდით გეჯდე და მძინარეს გიცქერდე მინდა . . .
შენი თვალების სითბო და ეშხი მათბობდეს მინდა . . .
როდესაც მთვარე სადარაჯოდ ამოვა ცაზე,მე მოფერება მინდა . . .
შენი ხელების სიძლიერე მათბობდეს მინდა . . .
შენი ტუჩების სიწითლეს ვირეკლავდე მინდა . . .
მე შენი გრძნობის დამორჩილება მინდა . . .
მე შენთან ერთად მთელი ცხოვრება მინდა . . .
მე შენთან ერთად დედამიწის შემოვლა მინდა . . .
მე შენთან ერთად დაბერება და ლამაზი სიკვდილი მინდა . . .
მე შენთან ერთად მთვარეზე ჯდომა და მზის ამოსვლა მინდა . . .
მე მხოლოდ შენი თვალებით ნათქვამი სიტყვები მინდა . . .
მე მხოლოდ ერთი ადამიანი მინდა . . .
მე სიკდილი და შენი მფარველობა მინდა . . .
მე ერთი სიყვარული . შენი სიყვარული მინდა . . .
იცი რა მინდა ? . . . შენი სუნი, ოკეანე და ლურჯი ცა მინდა . . .
შენზე ზრუნვა, გაფრთხილება და ოცნება მინდა . . .
შენი ღიმილი, ყურადღება და შენთან ცხოვრება მინდა . . .

მ ი ყ ვ ა რ ხ ა რ მე შენთან ლამაზი სიყვარული მინდა


უსასოობა თვალებში მიმზერს


უსასოობა თვალებში მიმზერს

(usasooba tvalebshi mimzers)


უსასოობა თვალებში მიმზერს,
ასე მგონია დავრჩი წყალგაღმა,
თუმც ბევრს ვპოულობ ტირილის მიზეზს,
მაინც ვერ ვბედავ ტირილს ხმამაღლა.
ვიცი არსებობს ცრემლის სიმლაშე,
ვიღაცის შიში და მორიდება,
და მჯერა მართალს უფლის წინაშე,
თავის მართლება არ მომინდება.
ვიცი არ მომცემს სინდისი ნებას,
ვინმეს სიმხდალით თავი გავაცნო,
მე შეველევი უძირო გრძნობას,
უფრო მაღალი რწმენის სანაცვლოდ.
ვიცი სიკვდილზე ძნელია უფრო,
როცა ჭრელ მინდორს სეტყვა გადახნავს,
როდესაც რჩები ზეცაში უფრთოდ,
და გიკრძალავენ ტირილს ხმამაღლა


შენ რომ გიყვარვარ


შენ რომ გიყვარვარ

(shen tom giyvarvar)


შენ რომ გიყვარვარ, ეს ვიცი თორემ
შევიყვარებდი სხვა ვინმეს მაშინ.
სევდიან თვალებს რა ვუყო თორემ,
დარდს და სინანულს გაუძლებს კაცი.
მდინარე მოჰქუხს , არ ვეძებ ფონებს
ცხოვრება არის ,ო, როგორ მკაცრი
ნაღვლიან თვალებს რა ვუყო თორემ
დარდს და სინანულს გაუძლებს კაცი.
ნატვრა ტკბილია, ყველაზე ტკბილი
უკამკამესი როგორც მთის წყარო,
ნატვრა იგია, როცა გიყვარს და
უფლება არ გაქვს, რომ შეიყვარო!!!


თვალი დახუჭე, წარმოიდგინე

თვალი დახუჭე, წარმოიდგინე

(tvali daxuche, warmoidgine)


თვალი დახუჭე, წარმოიდგინე,
ზღვაში კუნძულზე რომ დგეხარ მარტო,
წარმოიდგინე ვიღაც მოცურავს
შენთან ყოფნაზე ფიქრობს და ნატრობს
წარმოიდგინე ის ვიღაც გეძებს
მისი იმედი გადადის ეჭვში
დიდ ტალღებს ებრძვის,თავს არ ანებებს
სიყვარულისგან დაჭრილი მკერდში
წარმოიდგინე პატარა ნავი
ტალღები არწევს ვით ბავშვის აკვანს
ნავში ვიღაც ზის,ძლიერ უყვარხარ
ის თავის კოცნას ზღვის ნიავს ატანს
ის თავის კოცნას ზღვის ნიავს ატანს
ნიავს კი კოცნა მოაქვს და მოქრის
ვიღაც ამღვრეულ ზღვას ებრძვის ისევ
ნიავს მოყვება ნიჩბების მოსმით...
თვალი დახუჭე,წარმოიდინე,
ზღვა თავის ნიავს შენს ტუჩებს სტყორცნის
ნიავს არა ჰგავს?ვიღაც მოვედი
ჩემი ტუჩები შენს ტუჩებს კოცნის...


შენ, შენ, შენ!

შენ, შენ, შენ!

(shen, shen, shen)


ფუნჯი არ მინდა,
თითით დაგხატავ სევდიანს.
ლამაზ თვალებში დაგიხატავ
მზისფერ ნახაზებს,
უფრო ლამაზი რომ გამოჩნდეს,
ღამე ნამთვრალევს.
შენ რომ შეგფერის ისეთს დაგხატავ,
მუდამ ბრაზიანს.
გაჩეჩილ წვერებს დაგივარცხნი
ლოყებს რომ ფარავს.
ბევრის ნაფერებ
თვალებს ნაღვლიანს
რომ ანათებენ მზისფერ სხივები,
მე დაგიკოცნი ამ ღამე ძილში.
შენც ხომ ეს გინდა,
ჩემი სითბო და ნახატი ძველი,
ჩემი ლექსები, გამთბარი ცეცხლით,
დამწვარი ეშხით და შენი მზერით.


რა ლამაზი ხარ

რა ლამაზი ხარ

(ra lamazi xar)


რა ლამაზი ხარ,
ალბათ ყველა ლამაზს გეძახის,
ნება მომეცი ეგ სახელი მეც დაგიძახო,
რა თვალები გაქვს
ალბათ ყველას აჯადოვებენ,
მეც შემომხედე...
თუმცა უკვე მომაჯადოვეს.
რა ტუჩები გაქვს,
მაგრამ ყველას როდი აკოცებ,
რაც გინდა მთხოვე,
მხოლოდ ერთხელ, ერთხელ მაკოცე,
რა ჭკვიანიხარ,
სიყვარულში არვის უტყდები,
რამე რომ გითხრა
მეც უზომოდ გამებუტები.
მე შენ მიყვარხარ,
მაგრამ ამას ვერ გეუბნები,
ჩემი რომ იყო,
გულში მაგრად ჩაგიხუტებდი ...


ისევ იბრძვიან მზე და ღრუბლები

ისევ იბრძვიან მზე და ღრუბლები

(isev ibrdzvian mze da grublebi)


ისევ იბრძვიან მზე და ღრუბლები,
ისევ წალეკავს ოცნება ფიქრებს…
შორს ისევ ვარსკვლავს ამინთებს ღამე,
ისევ ვერ ვაწვდენ ვარსკვლავებს სიტყვებს…

ისევ მიგორავს ცრემლი ღაწვებზე…
ისევ არ მინდობს უძირო ფიქრი…
ისევ ვიღლები მე ცის სიმაღლით,
დროც ისევ ისე, გიჟივით მიქრის…

მეც ისევ ვაძლევ სიყვარულს ნებას ,
ჩამახრჩოს თავის დიდებულ ზღვაში…
ათასი წელი რომ გავა, ნეტავ
ისევ ვიქნები თუ არ მაშინ


დაბრუნდი

დაბრუნდი

(dabrundi)


დავიწყებულ წუთს აღარ მივტირი,
სისხლიან თვალებში უშენოდ ბინდდება,
სიკვდილში არის ისეთი ინტიმი,
სიჩქარეს ვუმატებ და ფრენა მინდება.
თმაში ჩავიბნიე კარმენის ვარდივით
წითელი სიშიშვლე, ვით თავდავიწყება,
ახლა, უცნაური გიჟმაჟი მარტივით
მუხრუჭი აღარ მაქვს და აღარც მჭირდება.
არაფერს არა გთხოვ, არც არას გპირდები,
გაზაფხულს დაუგეს მახე ამინდებმა,
ყინულის მარცვლების აპრილში მიგდებით
ნუშებს დაეფინა თეთრად გარინდება.
სუნთქავს უცნაური შიში სხეულიდან,
გავწელე ეს სივრცე თამბაქოს რელსებით,
ჩამოგსვამ!


იცი გუშინ რაც მე გითხარი

იცი გუშინ რაც მე გითხარი

(ici gushin rac me gitxari)


იცი გუშინ რაც მე გითხარი
გთხოვ დაივიწყე მთვრალი ვიყავი
მგონი გითხარი მიყვარხარ ასჯერ
შენც დაიჯერე გაბრიყვდი მალე

ბახუსმა გითხრა ეგ ყველაფერი
შენ კი ააგე ოცნების კოშკები
მაგრამ ის სითბო ალერსი კოცნა
იყო მართალი და მეც მომწონდა

მე წამიერ გრძნობას ავყევი
შენ კი გეგონა ეს სამუდამო
მეორე დღესვე აღარ მახსოვდი
და ამ ნომერზე აღარ დარეკო


მწამდა

მწამდა

(mwamda)


შორს სადღაც ,ცის კაბადონზე...
გვირილებს მივყვები და
ოცნების წვეთები მაწვიმს ...
_ღამე სიჩუმეს მილამაზებს ...

ფიქრის ნიღაბს ვიხსნი ...
და ყველას მთავარ როლს ვთავაზობ ,
ვისაც თამაში არ ღლის ...
_ჩემი გრძნობების კარნავალია...

წუთიერს ყველაფერს ვგმობ და
განთიადს თამამი ფერი დაკრავს
...ხვალის
_დღეები ფანტავენ მოგონებებს ...

ხელახლა, წამებში ვიბადები
და მონობა არ მსურს არსების .
სამყარო ფერებით ხატავს ახალ სივრცეს .
_ სიკეთის მწამდა ყოველთვის ... !