ნეტა რამ შობა ჩემში ეს გრძნობა

ნეტა რამ შობა ჩემში ეს გრძნობა

(neta ram shoba chemshi es grdznoba)


ნეტა რამ შობა ჩემში ეს გრძნობა,
ასეთი ნაზი, ასე ლამაზი?!
ნეტა რა არის ის ჟრუანტელი
შენს დანახვაზე რომ მივლის ტანში?!
იმ იდუმალი სითბოთი სავსე
გული დამიწყებს სხვაგვარად ძგერას,
მხოლოდ შენს ნახვას, მხოლოდ შენს ამბორს
სხვას ვერ ვინატრებ ვერაფერს, ვერა.
და როცა გნახავ ვეღარ ვივიწყებ
ბედნიერების იმ ლამაზ წუთებს,
როს შენი ხილვით მე მომანიჭე
და ეს სიცოცხლე შემიმსუბუქე.
მაშინღა ვხვდები, რომ ეს ნიჭია
ღვთითბოძებული სიყვარულისა,
დაუდგომელი, ვით ქარიშხალი
მაღალ ღმერთისგან მე რომ მეღირსა.
ისე მძაფრია ეს სიყვარული,
როგორც გიჟური ტალღები ზღვისა,
აბობოქრებულ, აფეთქებული
ნაპირისაკენ რომ იქცევს პირსა.
აცხრება ნაპირს, ვით ტყვია ნადირს
და როგორც მეფე ისე იმონებს
ადამიანის გულის იმ ნაწილს,
რაშიც ეს გრძნობა გამოიგონეს.
ნეტა რამ შონა ჩემში ეს გრძნობა,
ასეთი ნაზი, ასე ლამაზი?!
ნეტა რა არის ის ჟრუანტელი,
შენს დანახვაზე რომ მივლის ტანში?!


სიყვარული სულგრძელია

სიყვარული სულგრძელია

(siyvaruli sulgrdzelia)


სიყვარული სულგრძელია,
სიყვარული არ ჩადის უწესობას,
ჭეშმარიტება ახარებს, ყველაფერი სწამს,
ყველაფრის იმედი აქვს და ყოველთვის ითმენს,
სიყვარული არასოდეს მთავრდება..


და თუ მივიღე მწარე უარი

და თუ მივიღე მწარე უარი

(da tu mivige mware uari)


და თუ მივიღე მწარე უარი,
ვით მათხოვარი სიონის კართან,
შემოვალ შიგნით შენს ხატებასთან
და დაგენთები მე წმინდა სანთლად.
ილოცებს იგი სანთელი მარტოდ
და შეავედრებს ღმერთს შენს სიყვარულს,
ილოცებს ვიდრე ცრემლებით სულმთლად
არ დაიღვრება შანდალში მარტოდ.
არ ქვრება მხოლოდ სურნელი მისი,
ვით უკვდავება არის სულისა
და ცივ ზამთარში თოვლის ფანტელი,
რომ დაადნება შენს ლამაზ ტუჩებს,
იცოდე იგი კოცნაა ჩემი
გამოუთქმელი სიყვარულისა...


ათასი ღამე შემომიწირავს

ათასი ღამე შემომიწირავს

(atasi game shemomiwiravs)

და განა ერთი? ათასი ღამე შემომიწირავს,
ათიათასჯერ თრთოლვით მითქვამს შენი სახელი,
შენი ლანდის წინ დამიჩოქია მე ვითა მწირსა,
და ცრემლიანი თვალებით მითქვამს შენი სახელი.
და მე სულ ასე შენზე ფიქრში გავათევ ღამეს,
და მე სულ ასე შენზე ფიქრში დამათენდება,
დაგელოდები, მთელი ცხოვრება დაგელოდები,
სანამ ჭაღარა თოვლის ფიფქად დამათოვდება...


იცი რას ვგრძნობ?

იცი რას ვგრძნობ?

(ici ras vgrdznob?)


იცი რას ვგრძნობ?
იმას, რასაც ანგელოზები ზეციურ ღვთაებას ეძახიან,
ეშმაკები ჯოჯოხეთის ტანჯვას,
ადამიანები კი - სიყვარულს...


რისთვის მიყვარხარ ?

რისთვის მიყვარხარ ?

(ristvis miyvarxar ?)


რისთვის მიყვარხარ?
მისთვის, რომ ცრემლსა ბადებს ჩემს თვალებში ეს სიყვარული,
მისთვის, რომ მტანჯველს ჩემს ავსა ბედსა, უფრო სასტიკად ებრძვის ეს გული.
რისთვის მიყვარხარ?
მისთვის, რომ შენს თვალს ჩემ გულის ალი არ უდნობს ცრემლსა,
მისთვის მიყვარხარ, რომ მაძლევ ტანჯვას და ამ ტანჯვაში სრულ სიამესა...


რად შეგეშინდა

რად შეგეშინდა

(rad shegeshinda)


რად შეგეშინდა?
მე სიყვარული არ მითხოვია არცერთი წამით,
მე ბალახი ვარ და ყველა ბალახს
უყვარს სიცოცხლის სპეტაკი ნამი,
მე რომ მიყვარდე ბოლოსდაბოლოს,
შენ რას გიშავებ ძვირფასო ამით?
რად შეგეშინდა?
მე სიყვარული არ მითხოვია არცერთი წამით...


ნუთუ მიყვარს

ნუთუ მიყვარს

(nutu miyvars)


დავწვები და მისი სახე მელანდება, ნუთუ მიყვარს??
ჩუმად, ყურში უცნობი ხმა ჩამჩურჩულებს -
გიყვარს, გიყვარს,
მაგრამ ამ გულს სიყვარული რომ არასდროს განუცდია?!
არ მინდა, რომ ჩემი თავი დავარწმუნო, ნუთუ მიყვარს??
ღამით, ფიქრით ძილგატეხილს, მე ჩემს თავზე მეცინება,
მომასვენე ფიქრის ხროვავ, მომასვენე!
მოდი ჩემთან, ჩამეხუტე სიმარტოვევ!
ჩუმად, გულში ვამბობ, ვფიქრობ - ნუთუ მიყვარს??
ჩუმად, ყურში უცნობი ხმა ჩამჩურჩულებს -
გიყვარს, გიყვარს!!


ღამე, როდესაც სუყველას ძინავს

ღამე, როდესაც სუყველას ძინავს

(game, rodesac suyvelas dzinavs)


ღამე, როდესაც სუყველას ძინავს,
მე ხიდთან ვხვდები პატარა გოგოს.
მას გონია, რომ მე იგი მიყვარს,
მაგრამ მე მისი თვალები მომწონს.
ჩემი ტუჩები მის თვალებს ეხება
და ის კრთის, როგორც ჩიტი-ჩიორა,
და მე იმ ღამეს ვაჩუქე კოცნა,
რომელიც კუბოს კარამდე მიჰყვა.
მოკვდა ისე, რომ ვერც კი გაიგო,
რომ მე მომწონდა და არ მიყვარდა,
და მე იმ დღიდან იმის საფლავთან
ლამაზ ყვავილთა კონა მიმქონდა.
ერთხელ, როდესაც ყვავილთა კონა,
დავუდე ლამაზს, ჩემთვის დაკარგულს,
ბრწყინავი ცრემლი შევნიშნე თვალზე,
თითქოს ტიროდა წარსულ სიყვარულს.
და მე იმ დღიდან სხვა ქალი მძულდა,
დროს მე მივყავდი, დროც მე მიმყავდა,
ხალხო გესმოდეთ, რომ ის გოგონა
ცოცხლად მომწონდა და მკვდარი მიყვარს!!


ჩემს თვალებს შეეჩვია თვალზე ორი ცრემლი

ჩემს თვალებს შეეჩვია თვალზე ორი ცრემლი

(chems tvalebs sheechvia tvalze ori cremli)


ჩემს თვალებს შეეჩვია თვალზე ორი ცრემლი,
ორად-ორი ცრემლი შენი მონატრების.
როცა მარტო ვრჩები ვცდილობ არ ვიტირო,
მაგრამ მაინც ჩნდება თვალზე ორი ცრემლი.
სანთელს ავანთებ და ხატთან დავიჩოქებ,
გულზე მომეშვება, ოდნავ დავმშვიდდები,
მაგრამ სანთლის შუქზე მაინც გაბრწყინდება
ორად-ორი ცრემლი შენი მონატრების...