ძნელია ქვეყნად ვინმემ გაგრიყოს

ძნელია ქვეყნად ვინმემ გაგრიყოს

(dznelia qveynad vinmem gagriyos)


ძნელია ქვეყნად ვინმემ გაგრიყოს,
ფურცლებს შევყურებ უკვე წლებია,
ისეთი, ოღონდ ყალბი არ იყოს
ხშირად წერტილიც მომნატრებია.
მე ლექსი მხიბლავს თავის სიმცირით,
სიპატარავით უფრო მანცვიფრებს,
ხშირად ერთ სიტყვას მეტად მივტირი,
ვიდრე პოემას, ანდა მანიფესტს.
ცხოვრება რაა?!-უცებ გაგთელავს!
იმედი რაა?!-ისიც გაგწირავს!
იფრინა როგორც ციცინათელამ,
ჩემი სიცოცხლის ერთმა ნაწილმა.
უკვე გამაკრეს ძელზე სიტყვებმა,
უკვე წაიღეს სუნთქვა ბგერებმა,
ახლა უბრალო აზრიც მისხლტება,
ახლა პატარა სიოც მერევა.
რა ვარ, რა ვიყავ?!--ჩემი ხელები,
დაშვებულია, როგორც ნიჩბები,
მოჩვენებითი ბედნიერებით,
გაურკვეველი კითხვის ნიშნებით...


გიორგი შალამბერიძე - Giorgi Shalamberidze

გიორგი შალამბერიძე

შენ რომ იცოდე - shen rom icode


- Giorgi Shalamberidze


გიორგი შალამბერიძე - Giorgi Shalamberidze

გიორგი შალამბერიძე

ფიქრები, ფიქრები


Giorgi Shalamberidze (fiqrebi, fiqrebi)


გიორგი შალამბერიძე - Giorgi Shalamberidze

გიორგი შალამბერიძე



ზანგური გიორგი - Zanguri Giorgi

მანძილი

(mandzili)


ყველაზე სულის ნაწილებს,
ყველაზე ღრმას და მიუღწევს,
ერთი სული აქვს გესცილდეს
ტანს და ვარსკვლავებს მიუწვეს.

ყველაზე ცოდვის ატანას,
ყველაზე უხმოდ ტარებას,
მე დავამარცხებ სატანას _
ძილში კოშმარულ ზმანებას.

ყველაზე უთქმელ ტრფობას და
ყველაზე ფარულ ამბორებს,
შევხვდები ტყემლის თოვასთან
ჩემი ლექსების გამგონეს.

ყველაზე თეთრი ფანტელის
ყველაზე ცივი შეხებით
წელში გამტყდარი სანთელის
ცოდვილ ვედრებას შევხვდები.

ყველაზე სევდის გაძლება,
ყველაზე ტანჯვის ლახვარი,
ცისფერ ვენებში დაძვრება
სისხლი, უგულოდ ნახმარი.

ყველაზე დედის ლოცვებმა,
ყველაზე იავნანინა,
დღეს მიმატოვა ოცნებამ
ყველაზე ჩემიანიდან.

ყველაზე ტრაგიკომედის
ყველაზე ამტან ჰისტრიონს
სჭირდება ძალა კომეტის,
რომ თქვენს სურვილებს მისდიოს.

ყველაზე დიდი ბიძგიდან,
ყველაზე გულის ნაწილი
მჭირდება დედამიწიდან
ცას გასაფრენი მანძილი.


ზანგური გიორგი - Zanguri Giorgi

ფეხები მიადგი ლამაზო ერთმანეთს

(fexebi miadgi lamazo ertmanets)


ფეხები მიადგი ლამაზო ერთმანეთს,
კაბის ქვეშ გიყურებს მთელი დედამიწა
გვირილა კანჭებზე გაკოცებს,
ღმერთმანი შეგრცხვება იცოდე და მე ვერ დაგიცავ…

გულთან შეიბნიე ჩახსნილი ღილები,
ვერ ხედავ მთელი ცა მკერდში რომ ჩაგცქერის
მზე სხივებს წაგატანს თუ გაგეღიმება და
გვაინ მიხვდები ძვირფასო რაც გელის…

თმას ასე თამამად ნურასდროს გაიშლი.
ნიავი აგირევს ფიქრს აგიცანცარებს
რა ვნებიანია თან ქარი მაისში არ იცი?!
მაგრამ მე ხომ ვიცი რაც არის….

ეგ ყელი მაღალი როგორმე დამალე,
იწვიმებს იცოდე და მაინც მოგიწევს
თუ არ დამიჯერებ,წვეთს შემოგაპარებს
მუცლამდე ჩაგიღვრის და გვერდში მოგიწვენს….

ვერავინ დაიცავს შენს უმანკოებას,
ცოტა მოერიდე ხალხსა და სამყაროს
თორემ ჭორაობა დაიწყეს რტოებმა
რა უბიწოებით გარყვნილი რამ ხარო…


ზანგური გიორგი - Zanguri Giorgi

უშენოდ მგონი მოვკვდები

(ushenod mgoni movkvdebi)

ერთ ბედნიერ დღეში გავცვლი ყველაფერს,
სიყვარულსაც ცრემლიანი დავტოვებ,
აკრძალული ყველა კარი შევაღე,
სადაც დამხვდა მტანჯველი სიმარტოვე.

ჩემი გული გაყინული მგონია,
ჩემი ყველა საქციელი უხეში,
ამ ქალაქში მეფობს ეიფორია,
თავჩარგული ბედისწერის უბეში.

მე არ ვიცი ვინ ჩემია, ვინ არა,
სამუდამოდ რომელ გულში მოვხვდები,
ნეტა ერთხელ ჩუმად გამაცინა და
მერე შენი ოცნებებით მოვკვდები.

უშენოდ მგონი მოვკვდები.
უშენოდ მგონი მოვკვდები.
უშენოდ მგონი მოვკვდები.


ზანგური გიორგი - Zanguri Giorgi

საღამო

(sagamo)

თვალი თევზივით დავამარილე,
მლაშე ცრემლები მიახმა ლოყას,
დგას ღვთისმშობელი, ვით მარმარილო,
სანთლებს ვედრება ხატებთან მოჰყავს.
წმინდანებს თითქოს სიყვარულს უხნის,
ისე გულწრფელად ლოცულობს ბერი,
სამრეკლოს შერჩა თებერვლის სუსხი
მკაცრი ტყემლების ყვავილის ფერი.
ქარმა გაჩეჩა მატყლივით ქუჩა
ლამაზ ქალწულთა გაშლილი თმებით,
სკდება აპრილი, როგორც ალუჩა
და სიმპათიურ საღამოს ვხვდები…


ზანგური გიორგი - Zanguri Giorgi

გამოცანა

(gamocana)


ნუშმა იმრუშა მდიდარ აპრილთან
და უკანონო ეყოლა კვირტი.
ჭერამი იცვამს პერანგს ყვავილთა,
ატამს გაუბა ნიავმა ფლირტი.

ალუბლის ყვავილს ფუტკარი წველის,
ვაშლის ტოტებზე დახტის ბეღურა,
ტირიფმა ხშირი მოუშვა წვერი,
ალუჩას ქუდად ნისლი ეხურა.

მიეყრდნო ღობეს დაღლილი თხილი
მზემ ხელის გულზე შინდი დაისვა.
თუთას დააჯდა პეპელა ფრთხილი
და ბაღმა ჩუმად გაიმაისა...

გაზაფხულია!


ზანგური გიორგი - Zanguri Giorgi

ჰაერობანა

(haerobana)


-გინდა ეზოში ჩავიდეთ და ჰაერობანა ვითამაშოთ?
-როგორ, არ ვიცი?
-სულ ადვილია დაიხუჭები და მე დამიცდი,
ვიდრე ყვავილებს დაგიკრეფ ფერადს.
-რამდენ ხანს უნდა გიცადო ასე,
შენი თამაშის მე აღარ მჯერა.
-ნახე, მთვარეა როგორი სავსე
გეთამაშები გინდა ბალიბოლს?
-ჯერ ვარსკვლავების ჰამაკში ჩამსვი!
-ჩაგსვამ, ღრუბლები ქარმა გარიყოს!
-გუშინ თოჯინას ვუჩხვლიტე ნემსი.
-მე მზე მოვარტყი მეზობლის შუშას,
გინდა თამაში დამტვრეულ გემში?
-რომ დაგვინახონ?
-ო, არა უშავს.
-ვარდის ფურცლები მაჩუქეს გუშინ.
ფოსტის მარკებში გაგიცვლი გინდა?
-გინდა გამთბარი ჰერი ყურში?
-ჩურჩულობანას თამაში გინდა?