ბესარიონ გაბაშვილი - Besarion Gabashvili

ტანო ტატანო - Tano tatano

ტანო ტატანო, გულწამტანო, უცხოდ მარებო!
ზილფო-კავებო, მომკლავებო, ვერ საკარებო!
წარბ-წამწამ-თვალნო, მისათვალნო, შემაზარებო!
ძოწ-ლალ-ბაგეო, დამდაგეო, სულთ-წამარებო!
პირო მთვარეო, მომიგონე, მზისა დარებო!

თვალთა ნარგისი, დამდაგისი, შეგშვენის მწველად,
ყელსა ბროლებსა, უტოლებსა, გველი გყვა მცველად,
გესხნეს ხალები, მაკრძალები, ამარტის ველად,
ნარინჯნი ორნი, ტოლნი, სწორნი, მიქმოდენ ხელად,
მიწვევდენ შენად შესამკობლად, დამამწარებო!

ალვაო, გესხნეს ორნი ნორჩნი მოსარხეველნი,
მკლავნი მომკლავნი, თითნი თლილნი მოსახვეველნი,
ზარიფსა წელსა დაეკვირვნეს ქვეყანად მვლელნი;
ოდეს გნახვიდი, შევიმატნი ათასნი წელნი.
აწ დამლევიან ყოვლნი დღენი, უცხოდ ვარებო!

ბაგე მდუმრიად გიალერსებ, ბაგეო ვარდო!
თვალთა ჰსურიან ხილვა შენი, კეკელა მარდო!
გულსა სწყურიან დამაშვრალსა; რას შეგაფარდო?
თუმცა შენ დაგთმო, ვინღა ვჰპოვო, სად გავიზარდო?
უშენოდ ხილვა არვისი მსურს, შევიზარებო!

შენმა გონებამ მიმამსგავსა მილეულს მთვარეს:
სიცოცხლის ნაცვლად მოვინატრი სიკვდილსა მწარეს!
მოდით, მიჯნურნო, შემიბრალეთ, მოვლეთ ჩემს არეს,
მკვდარი მიჯნური დამიტირეთ, დამფალთ სამარეს!
ვაჲ, სიცოცხლეო უკუღმართო, დანაცარებო!


ქათმის ხორცის სალათა - Qatmis khorcis salata

საჭირო ინგრედიენტები:

1 ქათამი
1,5 ჩ/ჭ ბრინჯი
3-4 თავი ხახვი
3 სტაფილო
1 კონა კამა
200 გ. მაიონეზი
უცხო სუნელი, შავი პილპილი გემოვნებით

მომზადების წესი:

მოხარშულ ქათმის ხორცს მოვაცილოთ ძვლები და წვრილად დავჭრათ. ცალკე მოვხარშოთ ბრინჯი. წვრილად დაჭრილი ხახვი მოვშუსოთ გახეხილ სტაფილოსთან ერთად. ავურიოთ ყველაფერი ერთმანეთსი, დავუმატოთ მწვანილი, უცხო სუნელი, შავი პილპილი, მარილი და მოვასხათ მაიონეზი.


გემრიელად მიირთვით!


აჯაფსანდალი - Ajafsandali

საჭირო ინგრედიენტები:

2 კგ. ბადრიჯანი
1 კგ. პამიდორი
3-4 ბულგარული წიწაკა
2 სტაფილო
1 კგ. კარტოფილი
1-1 კონა მწვანილი

მომზადების წესი:

გათლილი, რგოლებად დაჭრილი ბადრიჯანი შევწვათ ორივე მხრიდან, ცალკე ზეთში მოვშუშოთ ხახვი, წვრილად დაჭრილი სტაფილო და წითელი ბურგალური წიწაკა. ასევე ცალკე ზეთში შევწვათ კარტოდილი. ღრმა ჭურჭელში ფენებად ჩავაწყოთ ბადრიჯანი, შემდეგ მოშუშული ხახვი, შემწვარი კარტოფილი. წვრილად დაჭრილი ქინძი, ოხრახუში, რეჰანი, კამა ავურიოთ გახეხილ პამიდორში, დავუმატოთ მარილი, წიწაკა და მოვასხათ ქვაბში ჩალაგებულ ბადრიჯანს და კარტოფილს.



გემრიელად მიირთვით!


შემწვარი ქათამი არაჟნით - Shemwvari qatami arajnit

საჭირო ინგრედიენტები:

1 ქათამი
1 ჩ/ჭ ორცხობილას ფხვნილი
50 გ კარაქი
1 ჩ/ჭ არაჟანი
მარილი გემოვნებით

მომზადების წესი:

გასუფთავებულ ქათამს მოვაყაროთ მარილი, დავდოთ ტაფაზე, მოვასხათ კარაქი და შევდგათ გახურებულ აირღუმელში. შეწვის შემდეგ ქათამი გადავიტანოთ თეფშზე. ტაფაზე დარჩენილ წვენს დავუმატოთ ცოტაოდენი წყალი ან ბულიონი, დავაყაროთ დანაყილი ორცხობილა, მოვშუშოთ, დავასხათ არაჟანი და შემზადებული წვენი დავასხათ დაჭრილ ქათამს. ზემოდან მოვაყაროთ წვრილად დაჭრილი ქინძი ან ოხრახუში.



გემრიელად მიირთვით!


ხორცი ტომატის გარნირით - Khorci tomatis garnirit

საჭირო ინგრედიენტები:

1 კგ ხბოს ხორცი
2 ს/კ ტომატის პასტა
4 თავი ხახვი
2 ს/კ ფქვილი
მარილი
ზეთი საჭიროებისამებრ.

მომზადების წესი:

ბრტყლად გაჭრილი ხბოს ხორცი ჩავდოთ ზეთიან ღრმა ტაფაში ისე, რომ სანახევროდ ფარავდეს და შევწვათ. გავაკეთოთ ტომატის სოუსი: ცალკე მოვშუშოთ ხახვი ტომატის პასტაში და დავუმატოთ მოშუშული ფქვილი, დავუმატოთ წვრილად დაჭრილი ოხრახუში და მარილი. დავჭრათ ხორცი სასურველი ფორმის ნაჭრებად, დავაწყოთ თეფშზე და გვერდით გარნირად დავასხათ მომზადებული ტომატის სოუსი.

გემრიელად მიირთვით!