შხამიანი შუბის ბაყაყები - shkhamiani shubis bayayebi

ეს ფერადი, ლამაზი და ეგზოტიკური არსებები საკმაოდ საშიშნი არიან. ნათელი ფერებით აფრთხილებენ ყველას, მათგან თავი შორს დაიჭირონ.

შხამიანი შუბის ბაყაყები ბრწყინვალე და ნათელი ფერებით გამოირჩევიან. მათი საბინადრო არეალი მოიცავს კოსტა რიკიდან ბრაზილიამდე არეალს, ტროპიკულ ტყეებს, სადაც სითბო და სინათლეა. კანის ფერი შეიძლება იყოს ყვითელი, ოქროსფერი, სპილენძისფერი, წითელი, მწვანე, ლურჯი ან შავი.

სიგრძეში შეიძლება სულ 2-3 სმ იყოს, წონით კი 30 გრამამდე, მაგრამ საკმაოდ ძლიერი შხამი აქვს. ისინი ითვლებიან დედამიწაზე არსებულ ერთ-ერთ ყველაზე საშიშ შხამიან არსებებად. მაგალითად, ოქროსფერი ბაყაყის შხამს შეუძლია 20 000 თაგვი იმსხვერპლოს.

მეცნიერები ფიქრობენ, რომ შხამს გამოიმუშავებენ იმ მწერებისგან, რომლებსაც მიირთმევენ. მწერები იკვებებიან შხამიანი მცენარეებით, შემდეგ კი ეს ბაყაყის ორგანიზმში ხვდება. ტყვეობაში გაზრდილ ბაყაყებს შხამი არ აქვთ, რადგან მათი დიეტა სხვანაირია.

მსხვერპლის დასაჭერად გრძელ და სწრაფ ენას იყენებენ. იკვებებიან ხილის ბუზებით, ჭიანჭველებით, ტერმიტებით, ჭრიჭინებით, ასევე პატარა ხოჭოებით, რომლებიც სავარაუდოდ, შხამის წყაროს წარმოადგენენ.

დღისით განსაკუთრებულად აქტიურები არიან. თუმცა მზეს ერიდებიან, რადგან შეიძლება კანი დაუზიანდეთ. ამიტომ უმეტესად მცენარეების ჩრდილში არიან. წყვილდებიან წვიმის სეზონის პერიოდში. მამრი მდედრს ზუზუნით ან ყიყინით იხმობს თავისთან. ასევე დარაჯობენ ტერიტორიებს, რომ სხვა მამრი არ შემოვიდეს.

ოქროსფერ შუბის ბაყაყს ერთადერთი ბუნებრივი მტერი ჰყავს: გველი, რომელზეც არ მოქმედებს ბაყაყის შხამი. ეს გველი გახლავთ Leimadophis epinephelus.

ადგილობრივები, რომლებიც ამ ბაყაყების საბინადრო არეალებთან ცხოვრობენ, იჭერენ მათ და სანადირო შუბებზე უსვამენ შხამს. ამ შუბით საშუალო ცხოველი რეტიანდება, პატარა კი მალევე კვდება. მონადირეები იმ ადგილს ამოჭრიან ხოლმე, რათა შხამი ორგანიზმში არ გავრცელდეს.

ტყვეობაში შუბის ბაყაყი 10 წელს ცოცხლობს. მათი ბევრი სახეობა საფრთხის ქვეშაა. ფერმერობისა და სხვა მიზნების გამო ტროპიკულ ტყეებს ჩეხავენ, რის გამოც ამ არსებებს საბინადრო არეალი ეზღუდებათ.

შხამს მათი კანი შეიცავს. ადამიანისთვის ძალიან სახიფათოა, თუმცა დადებითი მიზნითაც გამოიყენება – მედიცინაში გარკვეული წამლების დასამზადებლად. შხამი შეიცავს ისეთ ნივთიერებებს, რომ მისი მეშვეობით მომავალში შეიძლება მძლავრი ტკივილგამაყუჩებელი შექმნან.


შოკოლადი - shokoladi

შოკოლადის ისტორიას საკმაოდ დიდი ხანი შეუსრულდა, ის დაახლოების 3000 წელს ითვლის. მის მთავარ ინგრედიენტს კაკაო შეადგენს, რომლის სამშობლოდაც სამხრეთ ამერიკა და ცენტრალური ამერიკა ითვლება. კაკაოს ხე ნუშის ფორმის ნაყოფს ისხამს, რომლის გულშიც 20 დან 40 მდე კაკაოს მარცვალია მოთავსებული. ადამიანთა ცივილიზაციის განვითარების შემდეგ შოკოლადის სხვადასხვა ნაირსახეობა ჩამოყალიბდა: შავი შოკოლადი, მწარე შოკოლადი, თხევადი შოკოლადი და ჰაეროვანი შოკოლადი. თუმცა შოკოლადის ყველა სახეობას თავისებური გემო ახასიათებს. შოკოლადის განვითარებაში დიდი წვლილი შვეიცარიამ და ბეგლიამ შეიტანეს და დღესდღეისობით ეს ორი ქვეყანა შოკოლადის უმსხიველესი მწარმოებელია. XXI საუკუნეში შოკოლადს თითქმის ყველა ნამცხვარსა და ტორტში იყენებენ, რის შედეგადაც ყველაფერი უფრო გემრიელი ხდება. მეცნიერებმა დაადგინეს, რომ შოკოლადი გემრიელთან ერთად სასარგებლოცაა. ნებისმიერი შოკოლადი შეიცავს არომატულ სურნელსა და კოფეინს, რაც საკმარისია მისი კარგი თვისებების გამოსამჟღავნებლად. შოკოლადის სურნელს შეუძლია გავლენა იქონიოს ადამიანის ფსიქიკაზე, რის შედეგადაც ხნის აგრესიულობას, ამშვიდებს და სულიერად აწონასრორებს მას.შოკოლადის ერთ ფირფიტაში არსებული კოფეინის შემცველობა აწერსიგებს გულსისხლძარღვთა და ნერვული სისტემის სტიმულირებას. ასევე დადებით გავლენას ახდენს ტვინის მუშაობაზე, მისი მიღების შედეგად ფართოვდება ტვინის სისხლძარღვები, რაც უფრო მეტ სისხლს აწვდის ტვინს და ტვინის მუშაობა უფრო აქტიური ხდება. შოკოლადი ენერგიაზე მოყვანისათვისაც სასარგებლოა მხოლოდ ისეთი ადამიანებისათვის, რომლებსაც დღე საკმაოდ აქტიური აქვთ და ძლიერ დაღლას განიცდიან.ასეთებისათვის შოკოლადი აუცილებოლაბასაც წარმოადგენს, თუმცა რათქმაუნდა დოზირებული სახით.საბოლოო ჯამში კი ეს გემრიელი და სასარგებლო პროდუქტი ზღვრულ ფარგლებში უნდა მიიღოთ ანუ 1-2 ფირფიტას დასჯერდეთ, რადგან "ზედმეტი" მარგებელიც უსარგებლოა.


ყველაზე მოხუცებული მამა - Yvelaze moxucebuli mama

რამაჯიტ რაღავი – მსოფლიოში ყველაზე მოხუცებული ადამიანია, რომელსაცაც შვილი შეეძინა.მას 54 წლის შაკუნტალა დევისგან( შვილი ეყოლა..
მშობლები ძალიან გახარებულები არიან და ბავშვს "ღვთის საჩუქრად” თვლიან. ისინი მომავალი წლისთვის მეორე შვილსაც გეგმავენ.
ყოფილ მოჭიდავეს რამაჯიტს სჯერა, რომ ჯანრმთელობის მხრივ კარგად იქნება და ნახავს თავისი ვაჟის გაზრდას. "მე მხოლოდ მაშინ მოვკვდები, თუ შავი გველი მიკბენს, მაგრამ ეს საეჭვოა. მეწვიეთ ათი წლის შემდეგ და მე იგივე გარეგნობით დაგხვდებით. ჩემი ყოველდღიური დიეტა შეიცავს : 3 ლიტრ რძეს, ნახევარ კილოგრამ ნუშს და კარაქს. "
რაჯიტ რაღავი ამტკიცებს, რომ იგი 100 წლისაა, თუმცა საპენსიო ჩანაწერები ამტკიცებს , რომ იგი 94 წლისაა. ასევე ექიმები აცხადებენ, რომ ამ ასაკში ბავშვი ნაკლებადმოსალოდნელია.
აქამდე ყველაზე მოხუცი მშობელი იყო 90 წლის ნანუ რამ ჯოგი.


აქლემის ობობა - Aqlemis oboba

აქლემის ობობა ინტერნეტ-სენსაციად იქცა 2003 წლიდან, როცა ერაყში მყოფმა ამერიკელმა ჯარისკაცებმა მას ფოტო გადაუღეს და გამოაქვეყნეს. მაშინვე აგორდა ხმები, რომ ეს იყო სისხლისმსმელი მონსტრი, რომელიც ზომით ადამიანის თითქმის ნახევარს შეადგენდა, ძალიან სწრაფი (50 კმ/სთ) სირბილი შეეძლო და 1 მეტრის სიგრძეზე ხტებოდა.

თუმცა როგორც ხშირად ხდება ხოლმე, აღმოჩნდა, რომ ბუზი სპილოდ აქციეს. რეალურად ეს არსება სულაც არაა გიგანტი – სიგრძეში 15 სმ-ს აღწევს, წონით კი 56 გრამამდეა. ჩაის ჭიქასთან შედარებით ასე იქნება:

მცდარია ის მოსაზრებაც, რომ აქლემის ობობა გაუმაძღარი მტაცებელია და სხვადასხვა ჯიშის ძუძუმწოვრებით იკვებება, რომ აქლემს მუცელში უძვრება (სახელიც აქედან მოდის) და შიგნეულობას უჭამს, რომ მძინარე ჯარისკაცებს ესხმის თავს და ა.შ. მართალია, მტაცებელი არის, მაგრამ ადამიანებს და დიდ ცხოველებს არ ეტანება. უფრო მეტიც, ის ობობაც არ არის, აქვს როგორც ობობის, ისე მორიელის მახასიათებლები. თუმცა ობობების მსგავსად, არაქნიდების კლასშია გაერთიანებული.

აქლემის ობობას ასევე ეწოდება ქარის მორიელი ან ეგვიპტური გიგანტური სოლფუჯიდი. სურათებზე ხშირად უფრო დიდი ჩანს, ვიდრე რეალურადაა – ეს იმის გამოა, რომ გადაღებისას მას წინა პლანზე “დებენ”, რაც ერთგვარ ილუზიას ქმნის. სწრაფები ნამდვილად არიან, თუმცა არაქნიდების კვალობაზე – მაქსიმალური სიჩქარე 16 კმ/სთ-ია.

სოლფუჯიდი ნიშნავს მზისგან გაქცევას, რაც ნამდვილად შეეფერება მას. მზიანი ადგილების ნაცვლად მშრალ, ქვიშიან ტერიტორიაზე ნებივრობას ამჯობინებს. საბინადრო არეალია ჩრდილოეთ აფრიკა და შუა აზია. სიცოცხლის ხანგრძლივობა 1 წელზე ნაკლებს შეადგენს. რამდენიმე ადამიანმა განაცხადა, რომ მათ აქლემის ობობა გამოეკიდათ. ამის ერთადერთი მიზეზი ის შეიძლებოდა ყოფილიყო, რომ ეს უკანასკნელი არა კონკრეტულად ადამიანს, არამედ ჩრდილს მისდევდა.

საჭმლის გადამუშავების პროცესი (მეტაბოლიზმი) საკმაოდ სწრაფად მიმდინარეობს, რადგან აქტიური მოძრაობის გამო ბევრ ენერგიას ხარჯავს. მუცელი შედგება 11 სეგმენტისგან. მხედველობისთვის აქვს ორი თვალი და 5 დამატებითი ორგანო, რომლებიც მის გენებში სავარაუდოდ წარსულიდანაა შემორჩენილი – ბევრ მორიელს ასევე 5 პატარა თვალი აქვს. სხეულის ზედაპირი დაფარულია თმითა და ძვლოვანი გამონაზარდებით, რაც მას საშუალებას აძლევს, მოახდინოს სწრაფი რეაგირება და იყოს მოქნილი.

აქლემის ობობას ნაკბენი მტკივნეულია, მაგრამ ადამიანისთვის მომაკვდინებელი არაა. ხოლო რაც შეეხება მწერებს, ტერმიტებს, მღრღნელებს, ხვლიკებსა და პატარა ჩიტებს – მათთვის ნამდვილად სიკვდილის მომტანია. უდაბნოს ამ მამაც მობინადრეს ძლიერი და განიერი ყბები აქვს, რომელიც ზოგჯერ ზომით მისი სხეულის მესამედს შეადგენს. მისი მეშვეობით მსხვერპლს მაგრად იჭერს და გაქცევის საშუალებას არ აძლევს, შემდეგ კი დაჩეხვასა და დანაკუწებას იწყებს, ბოლოს კი რბილობად აქცევს. ობობებისგან განსხვავებით, არ აკეთებს ქსელებს. ასევე შხამიანიც არ არის, თუმცა მსხვერპლის ხორცი რომ გაათხიეროს, კუჭიდან საჭმლის მომნელებელ მჟავას ამოტყორცნის ხოლმე, შემდეგ კი წვიანივით ხვრეპს მას.


ყველაზე მაღალი კალათბურთელი - Yvelaze magali kalatburteli

ყველაზე მაღალი კალათბურთელი

ყველაზე მაღალი კალათბურთელი NBA-ში
მისი სახელი და გვარი მანუტე ბოლია (Manute Bol) დაიბადა სუდანში, ერთ-ერთი ტომის მართველის ოჯახში, მისი სიმაღლის გამო ის მალე შენიშნეს და მიიწვიეს NBA-ში, სადაც ის თამაშობდა 80-იან წლებში, ის დღემდე რჩება ყველაზე მაღალ კალათბურთელად ვისაც ოდესმე უთამაშია NBA-ში, მისი სიმაღლე 2,31 მ.

მანუტე ბოლის თამაშები:

Washington Bullets (1985–1988, 1994)
Golden State Warriors (1988–1990, 1994)
Philadelphia 76ers (1990–1993)
Miami Heat (1993–1994)



ლუდი - Ludi

ლუდი — მცირეალკოჰოლიანი არომატული სასმელი, რომელსაც სვიის მომწარო გემო დაჰკრავს; ღებულობენ ქერის ალაოს,სვიისა და წყლისაგან მიღებული ტკბილის ალკოჰოლური დუღილით. ზოგიერთი ხარისხის ლუდის მისაღებად ქერის ალაოს ნაწილობრივ ცვლიან ბრინჯის, სიმინდის ან ქერის ფხვნილით, აგრეთვე შაქრით. ლუსის მიღების ტექნოლოგიური პროცესის ძირითადი სტადიებია: ქერის, ალაოსა და ლუდის ტკბილის დუღილი ლუდის საფუვრით; დადუღება (დამწიფება); გაფილტვრა და ჩამოსხმა. ალაოს მისაღებად ქერს წმენდენ, ახარისხებენ, ალბობენ, აღივებენ. შემდეგ მწვანე ალაოს აშრობენ, აცლიან ღივებს და აყოვნებენ. ლუდის ტკბილის მისაღებად ალაოს აპრიალებენ, აქუცმაცებენ და წყალში ურევენ, მიღებულ მასალაში განსაზღვრულ ტემპერატურაზე მიმდინარეობს ფერმენტაციული პროცესები, რომელთაგან ძირითადია სახამებლის დაშაქრება, რომლის დამთავრების შემდეგ მასალას ფილტრავენ და გამჭვირვალე ტკბილის სვიასთან ადუღებენ საჭირო სიმკვრივის ნარევის მიღებამდე. შემდეგ ტკბილს აცლიან სვიას, წმენდენ და აცივებენ. ტკბილს ადუღებენ ლუდის სპეციალური საფუვრით. სადუღარ აპარატებში (ტემპერატურა 5-9 °C, დროის ხანგრძლივობა -7-8 დღე-ღღამე), რის შედეგად მიიღება მჭვანე ლუდი, რომელსაც დასადუღებლად და დასამწიფებლად გადიტანენ დახურულ ცილინდრულ ჭურჭელში, ე.წ. ტანკში (დროის ხანგრძლივობა 21-90 დღე-ღამე, ტემპერატურა 0-2 °C). აქ ლუდი გაჯერდება ნახშირორჟანგით, იწმინდება და იღებს საჭირო გემოს. საბოლოოდ ლუდს ფილტრავენ, შემდეგ კი ჩამოასხამენ.


ეიფელის კოშკი - Eifelis koshki

ეიფელის კოშკი (ფრანგ. Tour Eiffel) პარიზის ყველაზე მაღალი ლითონის კონსტრუქციაა. იგი საფრანგეთის ყველაზე ცნობილი სიმბოლოა. სახელი დაერქვა პროექტის ავტორის ინჟინერი გუსტავ ეიფელის პატივსაცემად.
კოშკი შენდებოდა 1887-89 წლებში, საფრანგეთის რევოლუციის 100 წლისთავის აღსანიშნავად დაგეგმილი მსოფლიო გამოფენისათვის.

ეიფელის კოშკს 300 მუშა 2 წელიწადზე მეტ ხან აშენებდა. მათ 12000 დეტალი და 2,5 მილიონი ჭანჭიკი გამოიყენეს! მთელი იმ მეტალის მასა, რომლითაც აშენებულია ეიფელის კოშკი, 10000 ტონაა, რითაც დღევანდელი ტექნოლოგიებით სამი კოშკი აშენდებოდა. შეცდომის რისკი ძალიან დიდი იყო, ვინაიდან თანამედროვე ცათამბჯენთაგან განსხვავებით კოშკს ღია ჩონჩხი აქვს შუალედური სართულების გარეშე, ორი პლატფორმის გარდა. თუმცა, ვინაიდან ეიფელმა წინასწარი ზომები მიიღო მუშათა უსაფრთხოებისთვის, მშენებლობის პერიოდში მხოლოდ ერთი მათგანი დაიღუპა, ოტისის ლიფტების დამონტაჟებისას.

ზედა პლატფორმაზე ასასვლელი საფეხურების რაოდენობა იცვლებოდა კოშკის ისტორიის განმავლობაში, რამდენიმე რენოვაციის შედეგად: აშენების მომენტში 1889 წელს 1710 საფეხური ადიოდა სამიტის პლატფორმაზე 300.65 მ ნიშნულზე; 1980 წლის რენოვაციის შემდეგ საფეხურების რაოდენობა 1920-მდე გაიზარდა; ამჟამად 1665 საფეხუია, თუმცა ზედა პლატფორმაზე საფეხურებით ასვლა შეუძლებელია და დამთვალიერებლებს მხოლოდ ლიფტების გამოყენება შეუძლიათ.

კოშკის სიმაღლე 300 მეტრია, რაც დაახ. 75 სართულს უდრის. მის თავზე 24 მეტრის სიმაღლის ანტენაა. ამჟამად ეიფელის კოშკი საფრანგეთში სიმაღლით მეორე სტრუქტურაა, 350 მ სიმაღლის ალუის გრძელი ტალღების გადამცემი ანძის (1939) აგების შემდეგ. შემდეგ მოდის ლა ტურ მონპარნასი, პარიზის მონპარნასის უბანში (209 მ).

თავდაპირველად საზოგადოების რეაქცია კოშკის მიმართ მკვეთრად უარყოფითი იყო, ვინაიდან უმრავლესობას იგი თვალში ხინჯად ხვდებოდა. თუმცა ამჟამად ის მსოფლიოში ერთ-ერთ ყველაზე წარმტაც სტრუქტურულ ხელოვნების ნიმუშად მიიჩნევა.

კოშკის რემონტი მოიცავს ყოველ შვიდ წელიწადში 50 ტონა სამი ფენა საღებავის წასმას კონსტრუქციის ლითონის ზედაპირის ჟანგისგან დასაცავად. დროგამოშვებით საღებავის ფერი იცვლება—ამჟამად კოშკი მოყავისფროდაა შეღებილი. პირველ სართულზე ინტერაქტიული კონსოლებია დამონტაჟებული, რომელშიც მსურველებს შეუძლიათ კენჭი ჰყარონ კოშკის მომავალი შეფერილობის შესარჩევად.


დელფინი - Delfini

დელფინი ვეშაპების დიდი ოჯახის წევრია. მათ იდელური ტანის მოყვანილობა აქვთ, რაც ხელს უწყობს, იმისათვის რომ განავითარონ წყალში ძალიან დიდი სისწრაფე და უზომოდ მოქნილები იყვნენ. მისი განვითარებული სისწრაფე 100 კმ/სთ –მდე აღწევს. როგორც ზვიგენს ასევე დელფინსაც აქვს ზურგზე ფარფლი. ეს მათ ზღაში კოორდინაციაში ეხმარება. დელფინები ჯგუფებად ცხოვრობენ და მათ რაოდენად გასაკვირიც არ უნდა იყოს თავიანთი ენა გააჩნიათ. ისინი უსსტვენენ, ყიყინებენ და უცნაურ ხმებს გამოსცემენ. იგი ძალიან მხიარული ცხოველია , უყვარს თამაში, წყლიდან ამოხტომა და ერთობიან ერთმანეთში. ისინი იკვებებიან პატარა კიბორჩხალებით და თევზებით. მათ ადამიანზე 10 –ჯერ უფრო კარგი სმენის უნარი აქვთ, ამიტომაც არ გვესმის ჩვენ ბევრი ბგერა, რომელსაც ისინი გამოსცემენ. დელფინები თითქმის ყველა ზღვაში ცხოვრობს. ზაფხულში უფრო ცივ აგილებში არიან და ზამთარში უფრო თბილი ადგილებისკენ ინაცვლებენ. ისინი ნაყოფს 1 წლის მანძილზე ატარებენ მუცლით, შემდეგ იბადება და მაშინვე ჰაერისკენ მიისწრაფის, ამაში სხვა დელფინები ეხმარებიან. როცა დედა საკვების მოსატანად მიდის სხვა მდედრი დელფინები, როგორც ჩვენთან ძიძები J ისე უტოვებენ პატარას და ყურადღებას აქცევენ მას. დელფინი ყველაზე ჭკვიანი ძუძუმწოვარა ცხოველია. ლეგენდებიც არის მათზე ძველი რომიდნ და საბერძნეთიდან. ამბობდნენ , რომ ისინი ადამინებს გასაჭირში ეხმარებოდნენ და სიცოცხლეს უნარჩუნებდნენ. მათი ინტელექტის გამო ძალიან ადვილია მისი გაწყვრთნა და ადამიანებზე მიჩვევა, ამიტომაც იყენებენ დელფინებს ადამიანები უნარ შეზღუდული ადამიანებისთვის(კერძოდ წელს ქვევით მოწყვეტილებისთვის) ,ასევე მათ იყენებ საცირკო ნომრებში და ძალიან ბევრ ადამიანს აოცებს მისი შესაძლებლობით.


შოტლანდიაში 41-გრადუსიანი ლუდი მოხარშეს - Shotlandiashi 41-gradusiani ludi moxarshes

შოტლანდიაში მოხარშეს და გასაყიდად გამოიტანეს მსოფლიოში ყველაზე მაგარი ლუდი – იგი მაგარია არაყზეც და ვისკიზეც, ვინაიდან შეიცავს არა 40, არამედ 41 ალკოჰოლურ გრადუსს. ამით შოტლანდიურმა ლუდის მწარმოებელმა ფირმა „ბრევდოგ“-მა გააუმჯობესა თავისი გერმანელი კოლეგების რეკორდი – გერმანულმა ფირმა „შორშბროუ“-მ გამოუშვა 40-გრადუსიანი „შორშბოქ 40“. 41-გრადუსიანი ლუდი იყიდება კომპანიის საიტით, დიდი ბრიტანეთის ტერიტორიაზე შეტანით. 330 მილილიტრი ტევადობის ბოთლი 40 ფუნტი სტერლინგი ეღირება, პლუს 7 ფუნტი, ადგილზე მიტანისთვის. ეს გერმანული ლუდი იყიდება შოტლანდიაში. 25 მილილიტრი ტევადობის ბოთლი 10 ფუნტი სტერლინგი ღირს. სულ გამოშვებულია 40 ფაიფურის ბოთლი, თითოეული – ლუდის მხარშავის ავტოგრაფით. გლაზგოს ბარში ასეთი მხოლოდ ორი ბოთლი მიიღეს, ამიტომ მხოლოდ 25 ჭიქის გაყიდვა შეუძლიათ. შოტლანდიაში ზემაგარი ლუდის გავრცელებამ შეაშფოთა საზოგადოებრივი ორგანიზაცია „ალკოჰოლ ფოქუს სქოთლანდ“. მისმა გენერალურმა დირექტორმა, ჯეკ ლოუმ, განაცხადა: „გული გაგვიტეხა იმან, რომ ამ საწარმომ გადაწყვიტა, დაშვებულიყო მარკეტინგულ ილეთებამდე, რომელიც დაფუძნებულია ალკოჰოლის სიმაგრეზე. იმ დროს, როდესაც შოტლანდიაში სერიოზული ალკოჰოლური პრობლემებია. უფრო პასუხისმგებელი ლუდის მწარმოებელი თავის ძალისხმევას არ დაიშურებდა, შეექმნა მცირე სიმაგრისა და მაღალი ხარისხის ლუდი თავისი კლიენტებისთვის“. მაგრამ ბარის მეპატრონე პეტრე ვეტცელი არ ეთანხმება ლოუს განცხადებას და ამბობს, რომ ახალი ლუდი მხოლოდ გერმანული პროდუქციის კონკურენტია და ვერავინ შეძლებს ერთ ჭიქაზე მეტის დალევას.


5 ყველაზე უიღბლო ძარცვა - 5 yvelaze uigblo dzarcva

1. ახალგაზრდა კაცი შეიჭრა მაღაზიაში და გამყიდველს კასიდან ფულის ჩანთაში ჩაყრა მოთხოვა. მას შემდეგ რაც მთელი ფული ჩანთაში მოათავსა, თვალი მოკრა ვისკის დიდ ბოთლს და გამყიდველს მისი ჩანთაში ჩადება უბრძანა. გამყიდველმა პირადობის მოწმობა მოთხოვა, რადგან ეჭვობდა რომ თავდასხმელი 21 წლის არ იყო, რაზეც უარი არ მიიღო. მას შემდეგ, რაც შეისწავლა თავდასხმელის პირადობა ვისკი ჩანთაში ჩაუდო და დაემშვიდობა. უიღბლო დამნაშავე ორ საათში აიყვანეს, რადგან პირადობაზე ყველანაირი ინფორმაცია ეწერა მის შესახებ.

2. მოსეირნე ახალგაზრდა ბიჭი დაინტერესდა პოლიციელების ახალი კომპიუტერით, რომელიც დამონტაჟებული იყო მანქანაში და თხოვა ეჩვენებინა როგორ მუშაობდა. პოლიციელმა პირადობის მონაცემები გამოართვა და შეიყვანა კომპიუტერმა. აღმოჩნდა რომ ინტერესიანი ახალგაზრდა შეიარაღებული ძარცვისთვის იძებნებოდ.

3. ახალგაზრდა ამერიკელი დედა მაშინ დააკავეს, როცა მან თავის პოლიციელ შვილს სამსახურში მიაკითხა. ამ დროს ახალმიღებულ პოლიციელებს კინოლოგები ნარკოტიკებზე დაგეშილ ძაღლებთან მუშაობას ასწავლიდნენ. ერთ-ერთი ძაღლი ქალის ჩანთას ეცა და კბილებით ჩაბღუჯა. ჩანთის ჩხრეკისას პოლიციელებმა იქ მარიხუანა აღმოაჩინეს.

4. ქალმა პოლიციაში განაცხადი შეიტანა, რომ მისი მანქანა გაიტაცეს. განცხადებაში ისიც ეწერა, რომ მანქანაში მას მობილური ტელეფონი დარჩა. პოლიციამ მახვილგონივრული ოპერაცია დაგეგმა. ერთ-ერთმა პოლიციელმა ქალის მობილურ ტელეფონზე დარეკა და დამნაშავეს უთხრა, რომ გაზეთში წაიკითხა ამ მანქანის გაყიდვის შესახებ განცხადება და მისი შეძენა სურდა. გამტაცებელმა იფიქრა, მანქანასაც მოვიშორებ და ფულსაც ავიღებო, დათქმულ ადგილას მივიდა, თუმცა იქ მყიდველის ნაცვლად პოლიცია დახვდა. რასაკვირველია, წინდაუხედავი დამნაშავე დააკავეს.

5. შეიარაღებულ ძარცვაში ბრალდებულმა დენის ნიუტონმა სასამართლო პროცესზე ადვოკატი არ აიყვანა და განაცხადა, რომ თავისი თავის ადვოკატი თვითონ იქნებოდა. ბრალდებულს ადვოკატობა კარგად გამოსდიოდა, სანამ პროკურორმა მოწმედ არ გამოიძახა გოგონა, მაღაზიის მენეჯერი, რომელმაც მძარცველი ამოიცნო. როცა გოგონა პირზე დაადგა, მძარცველი შენ იყავიო, დენის ნიუტონს წამოსცდა: „სისულელე ჩავიდინე, რომ მაშინვე არ დაგახალე ერთი ტყვია მაგ ცარიელ თავში!" მსაჯულებს ოცი წუთი დასჭირდათ ნიუტონისთვის 30-წლიანი პატიმრობის მისასჯელად.