ჭერათხევი (მდინარე საქ.) - Cheratkhevi (mdinare saq.)

ჭერათხევი — მდინარე ხაშურის მუნიციპალიტეტში. მდინარე სურამულას მარცხენა შენაკადი. სათავეს იღებს ლიხის ქედის აღმოსავლეთ კალთაზე ზღვის დონიდან 1078 მეტრზე. სიგრძე 27 კმ. აუზის ფართობი 128 კმ². წყალდიდობა გაზაფხულზეა. წყალმცირობა წლის დანარჩენ პერიოდში. საშუალო წლიური ხარჯი შესართავთან 2,23 მ³/წმ.


ჭოროხი (მდინარე საქ.) - Chorokhi (mdinare saq.)

ჭოროხი — მდინარე თურქეთსა და საქართველოში. მდინარის სიგრძე 438 კმ-ია, მათ შორის 26 კმ-იან მონაკვეთზე მიედინება აჭარის ავტონომიური რესპუბლიკის ტერიტორიაზე. აკამფსისი (ბერძნ. Akampsis), მდ. ჭოროხის სახელწოდება რომაულ და ბიზანტიურ წყაროებში.
ჭოროხი ძირითადად მიედინება ტექტონიკურ ხეობაში ლაზისტანისა და ჭოროხის ქედებს შორის და ქალაქ ბათუმის სამხრეთით ერთვის შავ ზღვას. აუზის ფართობი 22 ათასი კვ.კმ-ია, წყლის საშუალო ხარჯი - 285 კუბ.მ/წმ, ახასიათებს გაზაფხულ-ზაფხულის წყალდიდობები, გამოიყენება სარწყავად. მდინარე ჭოროხზე თურქეთის მხარეს მდებარეობს ქალაქი ბაიბურთი, სპერი (ისპირი), ართვინი, ბორჩხა, აგებულია ჰესები, საქართველოს საზღვართან ახლოს მიმდინარეობს დერინერის კაშხალის მშენებლობა. ჭოროხის აუზში ქართული კულტურის მრავალი ძეგლია შემორჩენილი.


ჭურია (მდინარე საქ.) - Churia (mdinare saq.)

ჭურია – მდინარე საქართველოში, სამეგრელოს და ზემო სვანეთის მხარის ხობის მუნიციპალიტეტში, წარმოიქმნება მდინარეების მუნჩიისა და ოჩხომურის შეერთებით, ერთვის შავ ზღვას. სიგრძე 12 კმ, აუზის ფართობი 296 კმ2, ტიპური ჭაობის მდინარეა. ძირითადად საზრდოობს წვიმის წყლით. დამახასიათებელია წყალმოვარდნები,საშუალო წლიური ხარჯი შესართავთან 5.9 მ3/წმ.


ხანისწყალი (მდინარე საქ.) - Khaniswyali (mdinare saq.)

ხანისწყალი – მდინარე ბაღდათის მუნიციპალიტეტში. სათავე აქვს მესხეთის ქედის ჩრდილოეთ კალთაზე, 2280 მეტრ სიმაღლეზე. ერთვის მდინარე რიონს მარცხნიდან, სოფელ ვარციხესთან. სიგრძე 57 კილომეტრი. აუზის ფართობი 914 კმ2. მთავარი შენაკადებია:ლაიშურა, ქერშავეთი, წაბლარასწყალი, საკრაულა. საზრდოობს თოვლის, წვიმისა და მიწისქვესა წყლით. წყალდიდობა იცის გაზაფხულზე, შემოდგომაზე – წყალმოვარდნები, ზამთარსა და ზაფხულში – წყალმცირობა. საშუალო წლიური ხარჯი შესართავთან 22,8 მ3/წმ. გამოყენებულია სარწყავად, გაყვანილია დიმი–როკითის, ვარციხისა და აბხანაურის სარწყავი არხები.


ხრამი (მდინარე საქ.) - Khrami (mdinare saq.)

ხრამი - მდინარე აღმოსავლეთ საქართველოში, მტკვრის მარჯვენა შენაკადი. ზემოწელში მას ქციას უწოდებენ. ხრამი სათავეს იღებს თრიალეთის ქედის კალთებზე, მიედინება ღრმა ხეობაში. მდინარის სიგრძე 201 კმ-ია, აუზის ფართობი - 8340 კვ.კმ, წყლის საშუალო ხარჯი - 51 კუბ.მ/წმ, მაქსიმალური - 448 კუბ.მ/წმ. საზრდოობს უპირატესად თოვლით, არ იყინება, ქვემოწელში გამოიყენება სარწყავად. ხრამზე აგებულია წალკის წყალსაცავი და 3 ჰიდროელექტროსადგური. ხრამის შენაკადებია: დებედა და მაშავერა (მარჯვენა).


ჯეჯორა (მდინარე საქ.) - Jejora (mdinare saq.)

ჯეჯორა, მდინარე ონის მუნიციპალიტეტში, რიონის მარცხენა შენაკადი. სათავე აქვს მაღრან-დვალეთის კავკასიონის სამხრეთ-დასავლეთ კალთაზე, 2975 მ სიმაღლეზე, სიგრძე 45 კმ, აუზის ფართობი 438 კმ2. საზრდოობს თოვლის, მყინვარული, წვიმისა და მიწისქვეშა წყლით. წყალდიდობა იცის გაზაფხულ-ზაფხულზე. მდგრადი წყალმცირობა - ზამთარში. წვიმებით გამოწვეული წყალმოვარდნა განსაკუთრებით დიდია შემოდგომაზე. წყალდიდობის დროს ჩამოედინება წლიური ჩამოდენის 65%, შემოდგომაზე - 21%, ზამტარში - 17%. საშუალო წლიური ხარჯი შესართავთან 12,2 მ3/წმ.


ხდე (მდინარე საქ.) - Khde (mdinare saq.)

ხდე (ხდისწყალი, ქისტურა) — მდინარე ყაზბეგის რაიონში, მდინარე თერგის მარჯვენა შენაკადი. სათავე აქვს მყინვარ კიბიშზე, 2900 მეტრ სიმაღლეზე. ერთვის თერგს მარჯვნიდან დარიალის ხეობაში. სიგრძე 19 კილომეტრი. საზრდოობს თოვლის, მყინვარული და წვიმის წყლით. საშუალო წლიური ხარჯი 2 მ3/წმ. ამ მდინარეზეა დარიალჰესი.