შენი თვალები

შენი თვალები

(sheni tvalebi)


შენს თვალებს პირველად როგორც კი შევხედე
ვიფიქრე, ლამაზი თვალები ჰქონია,
ასეთი უძირო, ლამაზი თვალები
ალბათ არავის, არასდროს ჰქონია.
გიპოვი, შეგხედავ და თვალებს ძირს დავხრი,
დიდხანს რომ გიცქირო, დამწვავენ მგონია,
სულ გულში მექნება, ასეთი თვალები
ალბათ არასდროს, არავის ჰქონია.
დღემდე ვერ მივმხვდარვარ და ვერ გამიგია,
ასეთი თვალები თუ ვინმეს ჰქონია,
მართლაც ლამაზია ეგ შენი თვალები
თუ მე მიყვარხარ და მიტო მგონია?


მიმოიფანტა დღეები თეთრი.....

მიმოიფანტა დღეები თეთრი.....

(mimoifanta dgeebi tetri)


მიმოიფანტა დღეები თეთრი.....

დარჩა თბილისი როგორც ტაძარი.......

ჩვენ კი ერთმანეთს ისე დავშორდით,

დამშვიდობებაც ვერ მოვასწარით.....

და მე არ ვიცი თუ რატომ ვდუმდი...

ვიცოდი მხოლოდ რომ თავს მერჩიე.....

მე შევეჩვიე ყველაფერს ქვეყნად

და უშენობას ვერ შევეჩვიე......


აბლაბუდებით ვქსოვე სიზმარი

აბლაბუდებით ვქსოვე სიზმარი

(ablabudebit vqsove sizmari)


აბლაბუდებით ვქსოვე სიზმარი,
ღამემ სული და ძილი შემიძრა...
და მაშინ როცა გიპოვე თითქმის
სასაცილოა...გამომეღვიძა.
ნაცნობი ოთხი კუთხე კედლისა
სუნი ნაცნობი,ფარდა და კარი
და ჩემს მაგივრად დაუყვედრებლად
საწოლზე ვიღაც ტიროდა ღამით.
ხმაური ქუჩის ჩუმი და მკვეთრი
ოთახში ეგდო როგორც ხალიჩა,
დილამ დახედა სიზმარს ღიმილით
გაათრია და გარეთ დახლიჩა.
ვერ მოვასწარი ზმანება ჩემი
დამეხატა ან წიგნად მეკინძა
და დამენანა ეს მერამდენედ
შენს გარეშე, რომ გამომეღვიძა.


ქვეყნად მოველ, როგორც დილის ნამი

ქვეყნად მოველ, როგორც დილის ნამი

(qveynad movel, rogorc dilis nami)


ქვეყნად მოველ, როგორც დილის ნამი,
დავეწვეთე გაყვითლებულ ფურცლებს,
წვიმა მზრდიდა დღისითა თუ ღამით,
ავდარს ალბათ ასე მიტომ ვუძლებ.
მზე ნათელი არ მინახავს წამით,
თორემ ალბათ ამაშრობდა უცებ.


ჩვენ ერთმანეთი გვიყვარდა ძლიერ

ჩვენ ერთმანეთი გვიყვარდა ძლიერ

(chven ertmaneti gviyvarda dzlier)


ჩვენ ერთმანეთი გვიყვარდა ძლიერ
მაგრამ ჩვენს შორის სიშორე ჩადგა...
მე დავიჩაგრე ცხოვრების მიერ
და გადაწყვეტის საკითხი დადგა...
დრო გადიოდა, მე შენ გელოდი...
მჯეროდა ოდესმე დაბრუნდებოდი...
დრო გადიოდა, შენ კი არ ჩანდი...
წინ მენგრეოდა ცხოვრების ხიდი...
მთელი ამ დროის განმავლობაში
მე შენ გიხსენებ, ფიქრებით ვტკბები...
"ნუთუ არასდროს არ დაბრუნდები?"
თავს ვიტანჯავდი მე ამ კითხვებით...
თვალები ცრემლით მევსება ნელა...
მერამდენდეზერ, ვინ მითვლის ნეტავ?
მე აღარ მინდა აჩრდილის დევნა...
დამიბრუნდები მე ამის მჯერა...


თუ არ გიყვარვარ ნუ მოხვალ წადი...

თუ არ გიყვარვარ ნუ მოხვალ წადი...

(tu ar giyvarvar nu moxval wadi)


სხვამ დამიჩოქა, მე შენ გარჩიე,
ბედნიერებას ტანჯვა ვარჩიე,
ჩემს თვალებს ცრემლი რად შეაჩვიე,
რომ შენ მიყვარხარ, რომ შენ გარჩიე?
ვერვინ მოკრიფა უეკლოდ ვარდი,
მე ფუფუნების არა ვარ ხარბი,
ცოდვაა თუ კი შენ შემიყვარდი?
ცოდვა? რომ შენში სიყვარულს ვრგავდი?
მე ვეღარაფერს, არავის ვგავდი,
როცა მაჩუქე ტანჯვა და დარდი,
შენ ჩემს წინაშე არა გაქვს ვალი,
თუ არ გიყვარვარ ნუ მოხვალ წადი...


ბედნიერებას იმ დღეს ეცვა უბრალო კაბა

ბედნიერებას იმ დღეს ეცვა უბრალო კაბა

(bednierebas im dges ecva ubralo kaba)


ბედნიერებას იმ დღეს ეცვა უბრალო კაბა,
მხრებში მოხრილი მოდიოდა პატარა შუქით,
თვალებში ედგა უჩვეულო პატარა შუქი,
რაღაცა ძნელი სიხარული მიჰქონდა ალბათ.
ჩავუარე და არ შევჩერდი,არ გავყევ უქან,
მხოლოდ ღიმილი შევაგებე თავაზიანი
მივიხედე,და დადევნება იყო გვიანი
უქვე გაევლო გასასვლელი პატარა შუკა


რა დამაძინებს

რა დამაძინებს

(ra damadzinebs)


რა დამაძინებს, რა დამაძინებს

უსაშველოა წუხილი ჩემი

შენი თვალები ზღვაში ჩავძირე

იმედისა და ოცნების გემი

ვერ დამათრობდა კარგი თამადაც

ერთი ღიმილით შენ რომ დამათვრე.

რატომ შემხედე ასე თამამად

თვალები რატომ შემომანათე


თუ კი ოდესმე

თუ კი ოდესმე

(tu ki odesme)



თუ კი ოდესმე ისევ შეგხვდები,

ცხოვრების გზაზე შემთხვევით გნახავ,

გეტყვი,რომ კვლავაც შენზე ვოცნებობ

და ძველებურად ისევ მიყვარხარ.


სიყვარულისთვის

სიყვარულისთვის

(siyvarulistvis)


სიყვარულისთვის ყველა მსხვერპლი დასაშვებია,
სიყვარულისთვის არ არსებობს წონა... ასაკი...
გიყვარდეს, მაგრამ მის წინაშე ნუ დაეცემი,
შენ შეგიძლია სიყვარულით იყო ამაყი.
თუ შეგიძლია სიყვარული - ბედნიერი ხარ,
რადგან ამ ქვეყნად უნიჭონიც იბადებიან,
მთელი ცხოვრება თამაშობენ სიყვარულობას
და სიყვარული არ იციან ისე კვდებიან..