მე სხვა სასწაულს სამყაროში ვერ მივაგენი

მე სხვა სასწაულს სამყაროში ვერ მივაგენი

(me sxva saswauls samyaroshi ver mivageni)

მე სხვა სასწაულს სამყაროში ვერ მივაგენი,
დასაკვდომელი დარდუბალით დამღრღნის ბაგენი,
იქნებ ბაგენი უბადაგო დაგვამ დალილოს,
მომეცით ჯამი!
მე ანგელოზებს საყვარლის ცრემლში ფეხი უნდა ჩავაბანინო.

ჩემი მძვინვარე მუხამბაზი არ იმღერება,
ამ დუდუკებმა რა იღონონ ან იმ ხელებმა,
ვერც გულს მოიფხან,
ვერც იბღავლებ,
ვერც იხარხარებ,
განტოტვილი ვარ, გაფანტული ცხრაჯერ ცხრა მხარეს
მე რასაც ვტირი, არასოდეს არ იმღერება!.....

ზურაბ გორგილაძე


დუმბაძე ნოდარ - ხაზარულა

ხაზარულა


(xazarula nodar dumbadze)

ხეს რომ დაველაპარაკე პირველად 14 წლისა ვიყავი, თვითონ ბებერი იყო, 55-60 წლისა, თითქმის ჩემი ბებიის ხნის. ხე ვაშლისა გახლდათ და სახელად ხაზარულა ერქვა.

მახსოვს, ადრე მისი ნაყოფი ბებიას ზამთრობით თბილისში ჩამოჰქონდა, დილით რკინიგზის სადგურიდან მოსული, სოფლის სურნელად აყვავებული და დაღვრილი, გულში ჩამიკრავდა, მუშტისოდება ცივ, შეუხედავ, შემჭკნარ ვაშლს ლოგინში შემომიგორებდა და მეტყოდა:


ნოდარ დუმბაძე - Nodar Dumbadze


დუმბაძე ნოდარ - Dumbadze Nodar ( ძაღლი )

ძაღლი

(Dzagli)


ეს ამბავი 1941 წლის აგვისტოში დაიწყო და ზუსტად ორი წლისთავზე გათავდა. ომი სულ რაღაც ორი თვის გამოცხადებული იყო, მისმა სუსხმა რომ ჩვენს სოფელს მოაღწია. ასეა თუ ისე, შეძლებულ ცხოვრებას მიჩვეულმა გლეხმა უცებ ვერ აწონა ქვეყნად მომხდარი საშინელება, უცებ ვერ დააგდო ხელგაშლილი ცხოვრება და უკვე აგვისტოში, ბევრის ბეღელი, ჭური და სალარო დაცარიელებული აღმოჩნდა, ყოველ შემთხვევაში, ჩვენს ოჯახს ასე დაემართა.

წყალმანკით დაუძლურებული და ძვალგაციებული ბაბუაჩემი სპირიდონი დღედაღამ ბუხართან იჯდა და მთელი ოჯახის სიმძიმე მე მაწვა კისერზე. სხვას რომ თავი დავანებოთ, მარტო ტყიდან შეშისა და ფიჩხის თრევას ვერ ვუთავდებოდი, რათა ძვალგაციებულ ბაბუას ბუხარი არ გაპარვოდა.

1941 წლის 25 აგვისტოსთვის ყველაფერი გაგვითავდა. ბაბუაჩემმა განჯინიდან თავზე ტაროს ნაქურჩლებით დაცობილი, მისი ღვიძლის მომნელებელი, არყით სავსე ათლიტრიანი ბოცა გამომატანინა და მითხრა:


ნოდარ დუმბაძე - Nodar Dumbadze




დუმბაძე ნოდარ - Dumbadze Nodar ( თქვენც სუ და ჩვენც სუ )

თქვენც სუ და ჩვენც სუ

(tqvenc su da chvenc su)


იქნებ ყველა მანდილოსნისთვის არც არის ცნობილი, რომ საზოგადოების განვითარების რომელიღაც ქვედა საფეხურზე მამაკაცი არ იყო ქალის თანასწორი. ეს ამბავი ადამიანის გონების დანისვლის იმ დაწყევლილ პერიოდს მიეწერება, როდესაც დედაკაცი იყო მამაკაცი და პირიქით. ამას მატრიარქატი ერქვა. ეს იყო დრო, როდესაც არ არსებობდა ცნება ”შინაბერა”, ქალების მისამართით, ხოლო შინდარჩენილ გაუთხოვარ გონჯ და დაფეხვილ ვაჟებს მშობლები და შუამავლები ათასნაირი მოტყუებითა და შანტაჟით აღხოვებდნენ სოფლის ვაჟკაც დედაკაცებზე. ყველა ამ სიკეთესთან ერთად იყო ვაჟების მოტაცებაც, ძალადობაც და, წარმოიდგინეთ, ფიზიკური შეურაცხყოფაც კი.



ნოდარ დუმბაძე - Nodar Dumbadze


დუმბაძე ნოდარ - Dumbadze Nodar ( ზუსტად 8 საათზე )

ზუსტად 8 საათზე

(zustad 8 saatze)


პატარაზე გაუღეს თუ არა კარი, ევროპა თავქუდმოგლეჯილი შემოვარდა წინა აზიაში: მოკლე კაბებით, ვიწრო შარვლებით, მოკასინებით, შეკრეჭილი და სტაფილოსფრად შეღებილი თმებით, წვრილი ქუსლებით, მცირეგაბარიტიანი ავეჯით მაგნიტოფონებით, ლუი ამსტრონგებითა და ჩაო–ჩაო ბამბინოებით.მე კი „მოპრმა“ რომ მამაჩემს ოცდარვა წელს არტელ „ანტიბურჟუის“ მიერ გამოშვებუი პატეფონი აჩუქა, ისევ ის მიდგას სახლში. კარგია მერე ეს?
ევროპაში ნამყოფი ჩემი მეგობრები დილით თურქული ყავითა და OC–ის მარკის კონიაკებით საუზმობენ. მე კი ისევ მურაბიანი ჩაითა და ცეკავშირის ყველით ვსაუზმობ.

ნოდარ დუმბაძე - Nodar Dumbadze


დუმბაძე ნოდარ - Dumbadze Nodar ( HELLADOS )

HELLADOS


-
ჯემალ, სკრიპკა!
- იანგული, ლაწირაკო!
- ჯემალ, ქამო!
- იანგული, წუწკო ბერძენო!
- ჯემალ, წირპლიანო!
- პატარების ყოჩო!
- ვირისთავო!
- ვირის მწყემსო!
- გოგოების მაჩალკა!

ნოდარ დუმბაძე - Nodar Dumbadze


დარბაისელი ნინო - Darbaiseli Nino

სამარხვო ტორტი

(samarxvo torti)


არა,რა!
ეს მარხვა-აღსარება-ზიარება ამისი საქმე არ იყო.
ღმერთისა როგორ არა სწამდა, სახარებასაც კითხულობდა ხანდახან, სანთლებსაც ანთებდა. არც მაინცადამაინც ცუდი საქმეების ჩადენზე იყო დაგეშილი , მაგრამ , რაღაცნაირად, თან ეღიმებოდა , თან სული ეხუთებოდა , თავსაფრიანი ნამეტანი მორწმუნეები ყველა ’’ძნელ’’ კითხვაზე ერთნაირად რომ პასუხობდნენ, ჩემს მოძღვარს შევეკითხები და მერე გეტყვიო.
ეკლესიაში ,,შეტყუება,, ბევრჯერ დაუპირეს დაქალებმა. ეშმაკი გიბორკავს ფეხებს , რომ მადლს აგარიდოს, უნდა სძლიოო. ამ ერთხელ წაჰყვა. ჯერ წირვას დავესწროთ, მერე კარგ სამარხვო მარწყვის ტორტზე ვართ დაპატიჟებულიო.


დარბაისელი ნინო - Darbaiseli Nino

ოკრიბული პროგრამა

(okribuli programa)


- კარგი, ახლა, ნუ მეიკლავ თავს! კაცია და გაკრავს საცხა ფეხს, აბა რას იზამს! ოჯახი მაგის გულობიზა რომელ ჭკვიანს დოუნგრევია!
- გასაგებია, მაგრამ მე არ უნდა დამმართოდა ეს ! - დაბეჯითებით დავიწყე და - მე ხომ, მე ხომ ...მე უარ... - წკმუტუნ-კნავილივით გამომივიდა.
- დიდაია! მე არ უნდა დამმართოდაო?! არ ხარ შენ პირველი. მეუღლე რაა, შეყვარებულის ღალატის ამბავსაც რომ გეიგებს, არაა ადამიანი, მასე რომ არ ფიქრობდეს. დამიჯერე მე.
პირველათაა ყოლიფერი ასე ძნელი, თვარა მერე ...


დარბაისელი ნინო - Darbaiseli Nino

ბატის ფრთის ფერადი ვარდები

(batis frtis feradi vardebi)


კიდევაც კარგი ვარ! შენ რამდენისა ხარ? ჰო! მე რომ შვიდისა ვიყავი, უკვე სტუდენტიც იქნებოდი . ვზივარ ერთხელ ჩემთვის , მოწყენილი, ხვალის გაკვეთილები უკვე მოვამზადე, გარეთ სათამაშოდ ვერ გავდივარ, ზამთარია, შემოდის მამაჩემი და მეუბნება:
- შენთვის კარგი ამბავი მაქვს. ერთმა ლამაზმა დეიდამ დაბადების დღეზე დაგპატიჟა, აბა,გამოიცანი, ვინ!
რა გამოცნობა უნდოდა!


დარბაისელი ნინო - Darbaiseli Nino

ამპულა (ოპუსი N ?)

(ampula (opusi N ?)


ენაცვალოს ბაბო! წუხელ ისეთი მოვიდა, ტუფლების გახდის თავიც არა ჰქონდა. ტახტზე მიეგდო, ცოტა, ტელევიზორს ვუყურებო და ეგრევე ჩაეძინა. დილაადრიან თვალდახუჭულმა გაიპარსა წვერი და გავარდა.
ან რასა ჭამს, ან რასა სვამს მთელი დღე ! სუ დაიავადებს იმ კუჭ-ნაწლავს. დილდილობით ჰერკულესის ფაფას ვუხარშავ და კოვზით მივდევ, მაგრამ გამასწრებს ხოლმე.
ცხრისაც არ იყო, მამამისი ნეფრიტით რო კვდებოდა. რეანიმაციიდან ვერ გამოგვყავდა, იქ ედგა თავზე. მერე ვიღაცას წამოსცდენია, ერთი წამალი უშველის, ერთი საავადმყოფოს მთავარ ექიმს ის ამპულა სეიფში აქვს ჩაკეტილიო.
გაგვეპარა. შესულა კაბინეტში და უთქვია. მამა მიკვდება, მე ვიცი,იმის გადასარჩენი წამალი მარტო თქვენა გაქვთ, აი ფული, ჩემი მოგროვილია, კაცურად მიშველეთ, ჯერ პატარა ვარ, გავიზრდები,მეც კაცი გავხდები და გამოგადგებითო. იმასაც მიუცია და ფულიც არ გამოურთმევია, მაგრამ რაღა, რა! გვიანი იყო.