და მაინც ყველაზე ერთგული ვიქნები!.....

და მაინც ყველაზე ერთგული ვიქნები!.....

(da mainc yvelaze ertguli viqnebi)


მეყოფა!... დღეიდან მოვალე აღარ ვარ,
უვალოდ დარჩენილ გრძნობებზე ვირევი,
დადებულ პირობებს უპიროდ დავარღვევ
და მაინც ყველაზე ერთგული ვიქნები!

ჰაერში სუნი დის დენთის და ფულისა, -
ჩექმებით ტოვებენ სისხლიან განაჩენს,
უჯიშო კაცების უსახო ომია...
და მტყუანს მართლისგან ვერაფრით გაარჩევ!

დღეიდან მე ყველა პირობას დავარღვევ,
რომ აღარ მომწამლოს უთქმელმა სიტყვებმა!
დღეს ჩემი დუმილი ღალატის ტოლია, -
სატანას უღმერთო ქვეყანა სჭირდება...

მეყოფა!... მე ყველა პირობას დავარღვევ!...
და, თუნდაც სიმართლე დამალონ გვამებმა!
ჩახშული სინდისის სამხილი ვიქნები.....
დღეს, ყველა ტყუილი ღალატით მთავრდება!


მე ხომ კენჭი ვარ

მე ხომ კენჭი ვარ

(me xom kenchi var)


მე ხომ კენჭი ვარ, კრიალა კენჭი
ზღვის ტალღას როგორ მანდე
იქნებ აგმიხსნა გულის კარები
მოვიკალათო სადმე.


რომ დაგარქვა შეყვარებული

რომ დაგარქვა შეყვარებული

(rom dagarqva sheyvarebuli)


მომეცი: შენი გული
სატარებლად სასიამოვნო იქნება,

მომეცი: ორი ხელი
რომ რო წავიქცე ამიყვანო,

მომეცი ორი მთვარე
ერთი დავტოვოთ,
(ორი გახდებიან)
ერთით გზა გავინათოთ.

მომეცი ორი სიტყვა,
რომ ერთი შევინახო,
მეორე დაგიბრუნო.

მომეცი ორი წუთი,
რომ ერთით გაგრძნობინო ის -
რაც მეორით ვერ გაგრძნობინე

მომეცი ორი წვიმა
ერთში დავსველდეთ,
მეორეში რომ დასველება მოგვინდეს ისე.

მომეცი ორი ბაგე
ორიც დახუჭული თვალი.


ვწუხვარ ძალიან

ვწუხვარ ძალიან

(vwuxvar dzalian)


ვწუხვარ ძალიან, მაგრამ მაინც უნდა დაგტოვო,

ჩანს მარტოობის ცივი სუსხი ჯერ არ გიგრძვნია,

შენ ერთგულება ვერ შეძელი, ჩემო ბატონო,

მე კი ღალატის პატიება ა რ შ ე მ ი ძ ლ ი ა !


სხვისი არაფერი მინდა

სხვისი არაფერი მინდა

(sxvisi araferi minda)


არც სხვისი ცხოვრებით მიცხოვრია,
არც სხვის ნაკვალევზე გამივლია,
არც სხვისი სიყვარული მომიპარავს,
ჩემი არასოდეს დამითმია..


სიცოცხლე უნდა ქარიშხალს ჰგავდეს

სიცოცხლე უნდა ქარიშხალს ჰგავდეს

(sicocxle unda qarishxals gavdes)


სიცოცხლე უნდა ქარიშხალს ჰგავდეს,
მეხის გავარდნას ჰგავდეს სიკვდილი,
მტერიცა გყავდეს, მოყვარეც გყავდეს,
მაგრამ არც ერთთან სჭამო სირცხვილი..
სიცოცხლე უნდა მადლობა იყოს,
ღვთისადმი შენგან კრძალვით მიძღვნილი,
ისე ლამაზად უნდა იცხოვრო,
მზის ჩასვლას უნდა ჰგავდეს სიკვდილი!..


ცეკვის დროა, გაიშალე თმა

ცეკვის დროა, გაიშალე თმა

(cekvis droa, gaishale tma)


ცეკვის დროა, გაიშალე თმა
ისრიმისფერს მოქარგავენ ტანგოს
ლურჯი ქარი და შადრევნის ხმა
თმები წელზე ქამარივით , კარგო
ფეხშიშველი მე ვიქნები ქარი
შენ შადრევნის გამახსენე მღერა,
ლურჯა ქარი სუსხის მოისარი,
შემოდგომის ცეცხლით შეიფერა.
ნუ იდარდებ, გული ნუ დაგწყდება,
თუ მშვენება მხოლოდ სიზმრად ფეთქავს
მტევანივით ყველაფერი კვდება,
სისხლი თვრება, ცა ისრიმებს ხეთქავს
თეთრი მკერდი მთვარით მოგიქარგო
ცეკვის დროა, გაისჰალე თმა
შუაგამით ასრულებენ ტანგოს
ცივი ქარი და შადრევნი ხმა


სულ შენთან ვიქნები...

სულ შენთან ვიქნები...

(sul shentan viqnebi)


აუუ, როგორ ბოლავენ,
ქარაფებზე ნისლები,
ზეცა თავზე დამხარის
შენი ოცნებისფერი...
უბეს იხნის ნებივრად,
არაგვს გაღმა ცისკარი,
დილასავით სუფთა და
შენი ღიმილისდარი...
აუ, როგორ მოჰქუხან,
მთათაშუა ხევები,
თმას მიწეწავს ნიავი,
როგორც შენი ხელები...
აუუ, როგორ ბოლავენ
ხეობებში ნისლები,
მე ვერ გავძლებ, ჩამოვალ
და სულ შენთან ვიქნები...


ოჰ, ეს დოქები!

ოჰ ეს დოქები!

(oh es doqebi)


ოჰ ეს დოქები! თვალიც დალევს სველი ხელადით,
და მე რაღა ვარ, მეც შემივსეთ ერთი ფიალა,
ჩემი მიჯნური სხვასთან იყოს, თვალით ვხედავდე,
ქვევრებით დავლევ აწი ღვინოს, ყანწით კი არა.

ძმანო ლოთებო! მინდა იყოს ყველა ლამაზი,
რომ ტრფიალებამ ერთნაირად კარი გააღოს,
უსიყვარულოდ ვიღუპები, ღვინო დაასხით,
იქნებ ბახუსის ნაპერწკლებმა დარდი გაალღოს


მე შენში მიყვარს ღმერთი!

მე შენში მიყვარს ღმერთი!

(me shenshi miyvars gmerti)


მე შენში მიყვარს ღმერთი!
შენ, რა იპოვე ჩემში ?!
შენ - წმინდა სანთლის ღვენთი.
მე - გაფანტული ხრეში.

მე შენში მიყვარს ღმერთი!
შენში ის თავს გრძნობს კარგად.
ჩემში კი სველი დენთი
- აღარ ღირს დროის კარგვად.


მე შენში მიყვარს ღმერთი!
ტერფებთან გინთებ სანთლებს . . .
და თუ ასეა - წვეთი,
ნამუსი მაინც მმართებს . . .