ძველად არაბეთში ამ ტიტულით მოიხსენიებდნენ წარჩინებული გვარის წარმომადგენლებს, ტომის ბელადებს, ისლამის გავრცელების შემდეგ კი ასე უწოდებდნენ მუჰამედის შთამომავლებს. მაგრამ დღეს ჩვენში ეს სიტყვა გაიგივებულია სამართალდამცავ პირთან, რომელიც დიდ ბრიტანეთში სამეფო ხელისუფლების მიერ ინიშნება, ხოლო აშშ-ში მოსახლეობის მიერ ირჩევა. დაასახელეთ ეს ტიტული.

ამ ორ ცნობილ სურათს ერთმანეთისგან მხოლოდ ფერთა გამა განასხვავებს. ისინი იმდენად მარტივი შესაქმნელია, რომ მისი ასლის დახატვა ბავშვსაც შეუძლია. დაასახელეთ მწერალი, რომლის ერთ-ერთი ყველაზე ცნობილი ნაწარმოების სახელი ამ სურათების სახელწოდებებს უკავშირდება.

სიყვითლე, ნდობა, პლასტიკა. ამ სამი სიტყვიდან ერთ-ერთი გადათარგმნეთ ლათინურად, აწარმოეთ მიღებული არსებითი სახელებისგან ზედსართავი სახელები და დაასახელეთ, თუ რა სატყვა აერთიანებთ მიღებულ ეპითეტებს.

მისი დაბადება ძალიან სწარაფდ მოხდა - სულ რამოდენიმე კვირაში. დაახლოებით 3 წლის ასაკში იგი თავში ჩაუდგა 9 შვილიან ოჯახს. ამ ცხრიდან ზოგიერთი თავის მხრივ წარმოადგენს ოჯახის თავს, თანაც ზოგი საკმაოდ მრავალრიცხოვანის. დღეს კი მისი ასაკი 60-65 წელი იქნება. დაასახელეთ იგი.

ჩვენ ამას, ჩვეულებრივ, დღეში მინიმუმ ერთხელ მაინც ვაკეთებთ. მიკი მაუსი კი ერთ-ერთ ფილმში ამბობს, რომ არითმეტიკის ცოდნა ნიშნავს შეგეძლოს ოცამდე ისე დათვლა, რომ ეს არ გააკეთო. რაზეა საუბარი?

ბრიტანეთში 1878-1896 წლებში მოქმედი კანონის შესაბამისად, ქუჩაში შეიძლებოდა დაგენახათ წითელი დროშებით ხელში მიმავალი ადამიანები. რისი დანახვა შეიძლებოდა მათგან რამოდენიმე მეტრში?

ერთი ანეკდოტის თანახმად, საპატენტო ბიუროში მიიტანეს გამოგონება, რომელიც კედელში გასვლის საშუალებას იძლეოდა. რა ერქვა ამ გამოგონებას?

ამ ცნობილი პოლიტიკოსის სამი გატაცება შეიძლება სამი სიტყვით მოვიხსენიოთ, რომლებიც ერთმანეთისგან მხოლოდ ერთი ასოთი განსხვავდებიან. ორ მათგანზე ძალიან უყვართ საუბარი ჟურნალისტებს, ხოლო რაც შეეხება მესამეს, ჟურნალისტები არც მასზე საუბარზე ამბობენ უარს, მაგრამ თავად პოლიტიკოსს ეს სულაც არ სიამოვნებს. დაასახელეთ ეს სამი სიტყვა.

გერმანიაში არსებული ამ კლუბის ერთ-ერთი ძირითადი ამოცანა მისი წევრების თეატრის პირველი სამი რიგის ბილეთებით უზრუნველყოფაა. ვინ არიან ამ კლუბის წევრები?