ერთხელ რომის იმპერატორი კალიგულა

ერთხელ რომის იმპერატორი კალიგულა და ცნობილი მსახიობი აპელესი იდგნენ იუპიტერის ქანდაკებასთან. კალიგულამ ჰკითხა აპელესს: "ვინ არის უფრო მაღალი? მე თუ ეს ღმერთი?" წამიერი დუმილის შემდეგ აპელესმა უპასუხა: "რა თქმა უნდა, შენ, იმპერატორო!" კალიგულამ დაუყოვნებლივ გასცა ბრძანება აპელესის სიკვდილით დასჯის შესახებ. რატომ?



პასუხი: იმიტომ რომ აპელესი პასუხის წინ დაფიქრდა.


ეს საგანი შეგიძლიათ ნახოთ ნებისმიერ ავტომობილში ...

ეს საგანი შეგიძლიათ ნახოთ ნებისმიერ ავტომობილში. მძღოლების ერთი კატეგორია მას არასოდეს არ ტოვებს მანქანაში. თუმცა, თუ თქვენ გყავთ ავტომობილი, თქვენ აზრადაც არ მოგივათ ამ საგნის გამოტანა. რა საგანზეა საუბარი?




პასუხი: საუბარი იყო საჭეზე (თუ თქვენ გიდევნებიათ თვალყური "ფორმულა-1"-ის რბოლებისთვის, ალბათ შეამჩნევდით, რომ მძღოლები ბოლიდიდან გამოსვლის წინ ხსნიან საჭეს, ვინაიდან სხვანაირად ვერც გამოეტევიან მანქანიდან).


ერთმა ინგლისურმა კომპანიამ ...

ერთმა ინგლისურმა კომპანიამ დაიწყო კომპიუტერზე მომუშავეთათვის ახალი აქსესუარის გამოშვება, რომელსაც უკვე დიდი ხანია იყენებენ მძღოლები. მაგრამ, თუ მძღოლებისათვის ეს აუცილებელი ატრიბუტია, კომპიუტერზე მომუშავეთათვის ეს მხოლოდ აქსესუარია, რომელიც აძლევთ მათ საშუალებას მუშაობისას არ მოწყდნენ თავიანთ საქმეს. რა აქსესუარია ეს?


პასუხი: უკანა ხედვის სარკე.


ძველი ჩინური მათემატიკური ამოცანა

ძველი ჩინური მათემატიკური ამოცანა, რომელიც თარიღდება ძვ. წ. 27-ე საუკუნით:
გალიაში მოთავსებულია ხოხობები და კურდღლები. მათ ერთად აქვთ 35 თავი და 94 ფეხი. რამდენი ხოხობი და რამდენი კურდღელია გალიაში?



პასუხი: 23 ხოხობი და 12 კურდღელი.


გინესის წიგნის მონაცემებით

გინესის წიგნის მონაცემებით, შობადობის ყველაზე დიდი კოეფიციენტი იყო დაფიქსირებული კენიაში 1980-1985 წლებში. რომელი ქვეყანა დგას ამ სიის ბოლოში ყველაზე პატარა კოეფიციენტით?



პასუხი: ვატიკანი (ნულოვანი კოეფიციენტით).


ბრონქსი, ბრუკლინი, ქუინსი ....

ბრონქსი, ბრუკლინი, ქუინსი, სთეითენ-აილენდი, ... დაასახელეთ მეხუთე.




პასუხი: მანჰეტენი.


დიდ ჰიპოკრატეს ერთხელ კითხეს

დიდ ჰიპოკრატეს ერთხელ კითხეს: "მართალია, რომ გენიალურობა - ავადმყოფობაა?"
"დიახ, - უპასუხა ჰიპოკრატემ - ეს იშვიათი ავადმყოფობაა და, სამწუხაროდ, იგი არ არის..." დაასრულეთ ბრძენი ჰიპოკრატეს სიტყვები.




პასუხი: "... გადამდები".


2000 წელს დიდი ბრიტანეთის ვეტერინართა ასოციაციამ ...

2000 წელს დიდი ბრიტანეთის ვეტერინართა ასოციაციამ ჩაატარა გამოკითხვა, რომლის თანახმადაც ბრიტანელთა 93% თურმე საშობაოდ თავიანთ საყვარელ ცხოველებს ჩუქნიან საჩუქრებს, ხოლო მათგან 60% საჩუქრის გარდა ჩუქნის თავის ოთხფეხა მეგობარს ისეთ რაღაცას, რასაც დღესასწაულებზე ადამიანები ჩვეულებრივ ჩუქნიან ერთმანეთს, მაგრამ ცხოველთათვის ის აბსოლუტურად გამოუსადეგარია. რა არის ეს?




პასუხი: მისალოცი ბარათი.


ადამიანთა რომელი ჯგუფის ჩამოსვლას ...

ადამიანთა რომელი ჯგუფის ჩამოსვლას მიეძღვნა 1998 წლის ზაფხულში გაზეთ "იზვესტია"-ში გამოქვეყნებული სტატია სახელწოდებით "ქვათაცვენის მოლოდინში"?


აშშ-ს ზოგიერთ შტატში ...

აშშ-ს ზოგიერთ შტატში ამ ბოროტმოქმედების ჩადენის მცდელობისათვის ჩვეულებრივ სჯიან. მიუხედავად ამისა, ყველა ის, ვისაც წარმატებით ჩაუდენია ეს ბოროტმოქმედება, დარჩა დაუსჯელი. რა ბოროტმოქმედებაზეა საუბარი?


წყნარ ოკეანეში მობინადრე ერთ-ერთ მოლუსკს

წყნარ ოკეანეში მობინადრე ერთ-ერთ მოლუსკს ქვია ლამაზი სახელი "არისტოკრატი". მას აქვს ისეთი რამ, რითიც იგი გამოირჩევა ყველა სხვა ცოცხალი არსებისაგან და რაც ნაწილობრივ გამოიხატება მის სახელში. რა არის ეს?


ლეგენდის მიხედვით ...

ლეგენდის მიხედვით, ერთხელ სერ ჰიუ ბივერი, რომელიც ლუდისსახარში კომპანიის ხელმძღვანელი იყო, სანადიროდ მეგობრებთან ერთად წავიდა. იგი ცნობილი იყო, როგორც კარგი მსროლელი და ამიტომაც ძალზედ შერცხვა, როდესაც ერთ პატარა ჩიტს ესროლა და ააცილა. მან მეგობრებთან თავი იმით იმართლა, რომ ეს ჩიტი მსოფლიოში ყველაზე სწრაფად დაფრინავსო. რა ერქვა მის ლუდისსახარშ კომპანიას?