ამსტერდამელი უფოლოგი პროფესორი იან დერ მეერი თვლის, რომ თუ დედამიწაზე არამიწიერი ცვილიზაცია ჩამოფრინდება, ის დაინტერესდება უპირატესად სამი რამით: წყლით, ალკოჰოლით და ... რით?

აშშ-ში და ამ ბოლო დროს უკვე ჩვენთანაც სასწრაფო დახმარების მანქანებს გვერდებზე და უკან აწერიათ სიტყვა Ambulance. რა აწერიათ ამ მანქანებს წინიდან?

1910 წელს კალაშნიკოვის ლუდისსახარშმა ქარხანამ რეკლამის წყალობით თავისი პროდუქციის წარმოება ორჯერ გაზარდა. მაინც რაზე იყო გამოსახული ეს რეკლამა, თუ მისი ტირაჟი 500 000 ერთეულს აღწევდა?

დეილ კარნეგი ამერიკელებს სთავაზობს, რომ მძიმე წუთებში ჯიბიდან ამოიღონ აბრაამ ლინკოლნის პორტრეტი და კარგად დააკვირდნენ მას. კარნეგის აზრით ლინკოლნის სახეს დამაწყნარებელი ეფექტის მოხდენა შეუძლია. სად და როგორ შეუძლიათ ამერიკელებს იშოვნონ ლინკოლნის პორტრეტი?

ქალაქ როსტოვში ერთ-ერთი მიწისქვეშა გადასასვლელის კედელზე არის პეტრე პირველისადმი მიძღვნილი უზარმაზარი პანო. ამ ნახატზე გამოსახულია დიდი მეფე, რომელსაც ფერხთით დაყრილი აქვს თევზი, კარტოფილი, ხახვი, პომიდორი, უზარმაზარი გოგრები და სხვა საკვები. რა არის ამ ნახატში ისეთი, რაც მისი ავტორის ისტორიულ უვიცობაზე მეტყველებს?

ლუდვიგ ბერნი ამბობდა, რომ სახელმწიფო ხომალდია, ხალხი ქარია და დრო ზღვაა... რა არის ამ ხომალდის აფრები?

მარკ ტვენის სიტყვები: “... მის გამო ერთმანეთს ცემენ, ლანძღავენ და ომობენ.” რომელი ცნობილი ანდაზით იწყება ეს გამონათქვამი?

აფრიკელებმა პირველად რომ ნახეს ტანკი, მას უწოდეს “ფარუ”, რაც ერთ-ერთი ტომის ენაზე ნიშნავს ცხოველს, რომელსაც ასე თუ ისე ჩვენც ვიცნობთ. რომელი ცხოველია ეს?

ბისმარკის “ამის” წონა იყო 1,965კგ, ბეთჰოვენის - 1,750კგ, კანტის - 1,600კგ. ყველაზე დიდი “ამის” მფლობელი კი აშშ-ში მცხოვრები მარკ უილსონია. 1998 წლისათვის მისი წონა 2,300კგ-ს შეადგენდა. რაზეა საუბარი?

ლეგენდის თანახმად პირველი ევროპელი რომელმაც ნახა ისინი იყო მაგელანი. დიდმა მოგზაურმა მათ უცნაური ბატები უწოდა. რას ვუწოდებთ მათ ჩვენ?