viqtorina viktorina gamoicanit ra sad rodis yvelaze chkviani gamocanebi ვიკტორინა რა სად როდის ჭკვიანი გამოცანები
ავტომობილიზმის გარიჟრაჟზე ახალბედა მძღოლებისთვის მთავარ საფრთხეს ცხენები წარმოადგენდნენ. ცხენებს ავტომობილის ძალიან ეშინოდათ და მათ დანახვაზე ისინი ორ ფეხზე დგებოდნენ და წინა ფეხებით მანქანას აზიანებდნენ. რისი ეშინიათ თანამედროვე ცხენებს დღეს ქუჩაში სიარულისას პარიზის საგზაო სამმართველოს მონაცემებით?

ინგლისელ მეფეებს იაკობ I-ს, ვილჰელმ III-ს, ჯორჯ I-ს და მწერალ ჯოზეფ კონარდს ჰქონდათ ერთი ნაკლი, რომელიც ძალიან მცირე რაოდენობის ინგლისელებს თუ ახასიათებთ. რა ნაკლია ეს?

III ადგილი - მოსკოვი - 256 კმ;
II ადგილი - ლონდონი - 430 კმ;
I ადგილი - ვაშინგტონი - 612 კმ.
რაზეა საუბარი?

XX საუკუნის 70-იანი წლების ბოლოს აშშ-ს ერთ-ერთ საბაჟოზე მოხდა ასეთი შემთხვევა: მებაჟეებმა ქვეყანაში არ შეუშვეს იაპონიიდან მომავალი ტვირთი, რომელიც მომცრო ყუთს წარმოადგენდა. ამერიკელმა მებაჟეებმა ეს ნივთი სექსუალურად გასარყვნ საშუალებად ჩათვალეს, რადგან ყუთზე ეწერა “გასართობი (სასიამოვნო) ჯოხი”. რა იდო ამ ყუთში სინამდვილეში?

ითვლება, რომ მსოფლიოში ყველაზე გავრცელებული ინფექციური დაავადებაა სურდო. რომელია მსოფლიოში ყველაზე მეტად გავრცელებილი არაგადამდები ინფექციური დაავადება?

2 წლის წინ ჟურნალ “Forbes”-ის გამოკვლევების თანახმად მამაკაცები თავისი ცხოვრების მანძილზე დაახლოებით 5 კგ ასეთ პროდუქტს მიირთმევენ. მართალია თავად პროდუქტს ნაკლებად შეიძლება მიენიჭოს საკვების სტატუსი, მაგრამ იგი ერთ-ერთი მონაწილეა იმ პროცესისა, რომელიც ზოგიერთი მეცნიერის აზრით სასარგებლოა ჯანმრთელობისათვის. რა “პროდუქტზეა” საუბარი?

მთელი ფილმის მსვლელობისას მისი მთავარი სუპერგმირი წარმოთქვამს არაუმეტეს 40 სიტყვისა, რომელტაგან ერთი მესამედი ცეცხლსასროლი იარაღების ჩამონათვალია, ხოლო მეორე მესამედი - ერთი და იგივე სახელის გამეორება. რომელი მსახიობი ასრულებს ამ გმირის როლს?

იტალიის ქალაქ ლივორნოს მცხოვრებნი, რომელნიც ტურისტების ნაკლებობას განიცდიან, ოცნებობენ იმ დღეზე, როცა მათს მეზობელ ქალაქში დატრიალდება ის უბედურება, რომელსაც საუკუნეებია ელიან. მაინც რა ტრაგედია იგულისხმება?

ერთ დროს იყო სურვილი, რომ მათ შემდეგი სახელები დარქმეოდათ: ლენინის, მარქსის, რევოლუციის, სვერდლოვის, საბჭოთა კონსტიტუციის, ჭირნახულის აღების, დიდი რევოლუციის, მშვიდობის, ენგელსის, სტალინის და კომუნიზმის. სახელი არ უნდა შეცვლოდა მხოლოდ მეხუთეს. დაასახელეთ მეხუთის ის სახელწოდება, რომლოთაც მას ჩვენ მოვიხსენიებთ.

1993 წელს დირაკს მიანიჭეს ნობელის პრემია, მაგრამ იგი მის მიღებაზე უარის თქმას აპირებდა, რადგან რეკლამა თვალის დასანახავად ეჯავრებოდა, თუმცა რეზერფორდმა ძალზე მარტივად და ოსტატურად გადაათქმევინა გადაწყვეტილება. რა უთხრა მან დირაკს?