ივან ბუნინი - მარტოობა


მხოლოდ ქარია, წვიმა და შავი ბინდი,
წამოქოჩრილან ტბის თავზე მღვრიე ტალღები.
გაზაფხულამდე ჩაკვდა სიცოცხლე ირგვლივ,
გაზაფხულამდე დაცარიელდნენ ბაღები.
ახლა მარტო ვარ მე აგარაკზე.
უკვე ბინდი ჩამოწვა.
ხეებში ქარი უსტვენს.


ივან ბუნინი - ჩაუმქრალი ლამპარი


ის დუმს, ის ეხლა მშვიდად არის, სიხარული კი
არ დაბრუნდება მასთან უკვე: მას შემდეგ, რაც მის
სატრფოს სამარეს მიაყარეს ნოტიო მიწა,
მწუხარე სახეს სიხარულის ღიმილი არ ცვლის.


ალექსანდრე ბლოკი - მოედანს, ქვაფენილს, ფარანს და აფთიაქს


მოედანს, ქვაფენილს, ფარანს და აფთიაქს
ანათებს უაზრო და მკრთალი ნათელი,
სიცოცხლეს ამდაგვარს სიცოცხლე არ ჰქვია,
თუგინდა გაძელი კვლავ ერთი ამდენი.


ალექსანდრე ბლოკი - ძერა


გაუთავებლად წრეებს რომ ხაზავს,
მდელოთა ზედა წრიალებს ძერა
და უკაცრიელ სათიბებს ზვერავს,
ქოხში შვილს დედა უმღერის ნაზად:
ჰა პური, აგერ, ჰა ძუძუ, წოვე,
იზარდე, დაცხრი, შენი გზა ჰპოვე.


ალექსანდრე ბლოკი - მე ბნელ ტაძარში შევდივარ კრძალვით


მე ბნელ ტაძარში შევდივარ კრძალვით,
წავიჩურჩულებ უბრალოდ ლოცვას,
ველი ხატებას მშვენიერ ქალის,
ბნელში სანთლები ციმციმებს როცა.


ალექსანდრე ბლოკი - რარიგ მძიმეა კაცთა შორის ისე იარო

იქ დაიფერფლა ადამიანი ფეტი

რარიგ მძიმეა კაცთა შორის ისე იარო,
ცრუობდე, თითქოს დაღუპული ჯერაც არა ხარ,
და ტრაგიკული ვნებებისგან დასმულ იარებს
მათ მოუთხრობდე, მომავლის რომ უწევთ დანახვა.


ალექსანდრე ბლოკი - რა საჭიროა


რა საჭიროა გემები, დაღლა,
კონცხი სიბნელემ წაშალა დღესაც,
მოცისფრო თოვლის ქსოვილზე ახლაც
პირობით ნიშანს ვკითხულობ შენსას.


ალექსანდრე ბლოკი - დივანის კუთხეში


თეთრი ბინდი. დანაცრული
ბუხარი.
სარკმლის მიღმა შუქი ქრება
მწუხარე.

ბედისწერა მიაქანებს
იალქნებს,
კვნესის წერო და დაღლილ ფრთებს
მიაქნევს.


ალექსანდრე ბლოკი - ჩუმად გადიან დღეები, წლები


ჩუმად გადიან დღეები, წლები,
უცნაურ სიზმარს დავეხსნა მინდა,
კვლავ შემომესმას ნაცნობი ხმები,
დრო გაქრეს, გულზე რომ მაწვა ბინდად.


ალექსანდრე ბლოკი - შენ არასოდეს არ იქნები ჩემი ან სხვისი


შენ არასოდეს არ იქნები ჩემი ან სხვისი,
აი, რამ შემძრა და უფსკრულთან რისთვის მოვედი,
უძირო დღეთა სიმძიმისგან ვერავინ მიხსნის,
აი, რატომ ვარ შენი ტყვე და შენი პოეტი.


ალექსანდრე ბლოკი - ფარანი, ქუჩა და აფთიაქი


ფარანი, ქუჩა და აფთიაქი,
ყვითელი შუქი გულგამბზარავი;
ბევრიც გატეხე ღამე ცრიატი,
ასე იქნება, ხსნა აღარ არი.


ალექსანდრე ბლოკი - სამწირველოში თუმც დროებით ვარ მიმალული


ნ. გუნს

სამწირველოში თუმც დროებით ვარ მიმალული,
მაგრამ მეზრდება ფრთები თანდათან,
დრო მოვა, სხეულს დაივიწყებს ფიქრი ფარული,
მოულოდნელად გამოჩნდება სივრცე ქარქათა.