საბავშვო ლექსები

 (ხმები: 4)


ალია, მალია, რა ლამაზი თვალია,
ათასფერად ბრჭყვიალებს, როგორც ნატვრისთვალია,
თითქოს ერთად შეყრილან იაგუნდი, ლალია,
პაწაწინა თამუნამ
ვერ მოსწყვიტა თვალია
განა მართლა თვალია,
ზურმუხტი ან ლალია,
ქორფა, მწვანე ფოთოლზე
ერთი წვეთი ცვარია...

ბესო

პაწაწინა ბესო
გაგვინაწყენესო,
ძმაბიჭებმა სათევზაოდ
არ წაიყვანესო.
ჯერ ძალიან პატარა ხარ
ასე აუხსნესო.
მერე რა, რომ პატარა ვარ
იცრემლება ბესო,
წამიყვანეთ, მეც დავიჭერ
სულ პატარა თევზსო

ხაჭაპური

ხაჭაპურებს აცხობს ბებო,
აქეთ კვერცხი,
იქით ერბო,
სათითაოდ გვიხმობს ყველას:
ჩქარა, ჩემო პაწიებო!
ყველას შეხვდა ხაჭაპური:
გიას, მზიას, დათოს, სერგოს,
ფისუნია პირს ილოკავს,
ერთი ლუკმა მასაც ერგო




ტექსტის სანახავად გაიარეთ რეგისტრაცია.