ძმები გრიმები - ოქროს გასაღები

 (ხმები: 19)



ზამთრის ერთ სუსხიან დღეს, ღარიბი ბიჭი თავისი ციგით ტყეში შეშის მოსატანად წავიდა. მას ძალიან უჭირდა მუხლებამდე თოვლში გზის გაკვლევა. შეშის ფიჩხები მოაგროვა და ციგაზე დაალაგა. ხელ-ფეხი სიცივისაგან სულ გათოშილი ჰქონდა, გადაწყვიტა ცეცხლი დაენთო და ცოტა გამთბარიყო. ბიჭმა ადგილის გასუფთავება დაიწყო და უეცრად თოვლში პატარა ოქროს გასაღები იპოვა. ბიჭუნამ გაიფიქრა: თუ გასაღები არსებობს მაშინ საკეტიც უნდა არსებობდეს, რასაც ეს გასაღები მოერგებაო. მიწის ჩიჩქნა დაიწყო და პატარა ყუთი იპოვა, ყუთს სულ პატარა, თითქმის უხილავი საკეტი ჰქონდა. ბიჭმა გასაღები დაატრიალა და ყუთი გახსნა, ყუთში ცეცხლის პაწია ალი გიზგიზებდა. ბიჭმა ყუთი სახლში წაიღო და ამ დღის შემდეგ მას არასოდეს დასჭირვებია ტყეში შეშის მოსატანად წასვლა.

მთარგმნელი მარიამ შელეგია



Loading...

ტექსტის სანახავად გაიარეთ რეგისტრაცია.