ბალაშოვი ალექსანდრე - Balashov Alexander

 (ხმები: 0)


ჩვენ დავიძინებთ

ჩვენ დავიძინებთ როცა წამოვა წვიმა
გამოვიღვიძებთ როცა ისევ იქნება ბნელი
ჩვენ წამოვდგებით როცა უკვე წამოვა თოვლი
როცა უკვე იქნება გვიან
როოცა უკვე იქნება სულერთი

შენ ისეთი ლამაზი მხრები გაქვს

შენ ისეთი ლამაზი მხრები გაქვს
ისეთი ლამაზი, სასაცილო სიზმრები
ფრთხილად დააბიჯე
დაეშვი მიწაზე

მხოლოდ მაშინ

მხოლოდ მაშინ როცა მოხდება ასე
ცივი ზაფხული
ზაფხული წვიმიანი
როცა გაიზრდება ყვავილები
გაფითრებული ბოზების მსგავსი
როგორც უღმერთო ცა
ავადმყოფი ყვავილები
ეს ყვავილები შენთვისაა.

ზეცაში ღმერთია

ზეცაში ღმერთია
ზეცაში შემთხვევითი არაფერია
ანგელოზები
მიტომაც მოფრინავენ აქ
ყველა აქ გროვდებიან - კაფეში
მაღაზიებში, მანქანებში, მეტროში
ამ ქალაქში
რომ უყურონშემთხვევით ბედნიერებას.

გაღვიძებულებს უჭირთ ადგომა

გაღვიძებულებს უჭირთ ადგომა
როგორც სიტყვებად დარჩენა სიტყვებს
სიყვარულზე ნათქვამს
წამოკიდებულს ერთს მეორეზე
როგორც სხეულებს
როგორც ჩვენ ყველას
ამ დილის გადატანა.

ანგელოზებს დიდი და ფაფუკი ფრთები აქვთ

ანგელოზებს დიდი და ფაფუკი ფრთები აქვთ
მაგრამ იცი,
შენ ხედავ, რომ ის ანგელოზია
მაშინ როცა ზურგს შეგაქცევს
როცა უკვე გვიანია

ესაა ანგელოზების პოლიტიკა.

ქალაქის თავზე

თეთრი ძაღლივით
მოიკუნტა ცაში
ამოსვრილი მთვარე.

ქალაქის თავზე - 2

უსახლკარო თეთრი ძაღლივით
ცაზე გაიღვიძა მთვარემ
არ ქროდა ქარი
ქარი არ ტიროდა
ძაღლი წკმუტუნებდა.

მტკიცება

ღრუბელი
კიდე ერთი ღრუბელი
უბრალოდ - ორი ღრუბელი მილის თავზე
ვფიქრობ ასეც არის
უბრალოდ
ღმერთი არის
და აქ არიან ანგელოზებიც
ისე უბრალოდ




ტექსტის სანახავად გაიარეთ რეგისტრაცია.