გოგო და ბიჭი სადღეგრძელო (ლეგენა) - gogo da bichi sadgegrdzelo (legenda)


"ერთხელ დედამიწაზე ანგელოზი ჩამოფრინდა და დაინახა ხელჩაკიდებული გოგო და ბიჭი: ამას მეგობრობა უწოდა... მეორედ რომ ჩამოვიდა დაინახა გოგო და ბიჭი ჩურჩულებდნენ: ამას ერთგულება უწოდა... ხოლო მესამედ რომ ჩამოვიდა დაინახა ორი საფლავის ქვა გვერდიგვერდ: ამას მარადისობა უწოდა".


სიყვარული ეკითხება მეგობრობას - siyvaruli ekitxeba megobrobas


სიყვარული ეკითხება მეგობრობას: რატომ ხარ სამყაროში საჭირო შენ როცა ვარსებობ მე? ..... მეგობრობა პასუხობს: იმიტომ, რომ დავტოვო ღიმილი იქ, სადაც შენ ტოვებ ცრემლს.....


სიყვარულის სადღეგრძელო - siyvarulis sadgegrdzelo


თუ სიყვარულის სადღეგრძელოს ყანწით ვერ დალევ
და სანუგეშოთ ვერ ჩააქსოვ ოხვრას ნაღვლიანს
თუ სიყვარულში, სიყვარულით არ დაიწვები,
მაშინ ნეტავი უკეთესი რა შეგიძლია?!
თუ ლამაზ თვალებს კოცნით ცრემლებს ვერ ამოუშრობ!
ვერ აგრძნობინებ სიყვარული თუ რა ძნელია!
თუ უნაზეს და ლამაზ თვალებს ვერ აათრთოლებ
ნეტავ იცოდე უკეთესი რა შეგიძლია?!
სხვისი ტკივილი შენებურად თუ არ გიგრძვნია,
და სხვისი დარდი სიხარულად არ შეგიცვლია
გაწვდილ ხელისთვის თუ კი ხელი არ გაგიწვდია
მაშინ ნეტავი უკეთესი რა შეგიძლია?!


სიყვარულის სადღეგრძელო - siyvarulis sadgegrdzelo


მოდით იმ სიყვარულს გაუმარჯოს, იმ მოფერებასა და ალერსს, იმ გრძნობის მოზღვავებას გაუმარჯოს ცრემლით რომ აგვივსებს თვალებს. მოდით ზღვის იმ ტალღას გაუმარჯოს, იმ გრიგალებს და ნიავს, რომელსაც საალერსო სიტყვები გულიდან გულთან მიაქვს. მოდით იმ ღრუბლებს გაუმარჯოს იდუმალ მოჩურჩულე ღამეს გაღებულ სარკმელთან, მოწყენილ გოგონას, წარსულზე რომ ეტყვის რამეს. იმ მზეს იმ მთვარეს გაუმარჯოს, იმ შენი ცხოვრების ორ გზას, ჯერ უთქმელ სადღეგრძელოს გაუმარჯოს და საყვარელი კაცის კოცნას ..


ერთ წუთს გაუმარჯოს - ert wuts gaumarjos


იმ ერთ წუთს გაუმარჯოს, იმ ერთ ულამაზეს წუთს მთელი ცხოვრების სამყოფ სიყვარულს და ბედნიერებას რომ მოიცავს.


პირველ სიყვარულს გაუმარჯოს - pirvel siyvaruls gaumarjos


ეს იმ პირველ სიყვარულს გაუმარჯოს, რომელიც მეორეზე არ გაფიქრებინებს და ეს იმ მეორე სიყვარულს გაუმარჯოს, რომელიც პირველს დაგავიწყებს.


სიყვარულის სადღეგრძელო - siyvarulis sadgegrdzelo


მე ვადღეგრძელებ იმ დიდ სიყვარულს ჩუმად, უსიტყვოდ გულში რომ კვდება,
მე ვადღეგრძელებ იმ მონატრებას, რომლის შეგრძნება არასდროს ქრება.


ქალის სადღეგრძელო - qalis sadgegrdzelo


ეს არის ქალის, ზოგადად სილამაზის სადღერძელო.. დამერწმუნებით ალბათ რომ, მცენარეებში ყველაზე ლამაზი არის ვარდი, ცხოველებში კი ლამაზს გამოვარჩევთ ცხენს "თეთრ რაშს", ადამიანში კი რა თქმა უნდა ქალი.. ხოდაა მოდით გაუმარჯოს ცხენზე ამხედრებულ ქალს, რომელსაც ვარდი უჭირავს ხელში..


სიყვარულის სადღეგრძელო - siyvarulis sadgegrdzelo


მოდი იმ სიყვარულს გაუმარჯოს
ობლად, უეცრად რომ გაჩენილა
მოსვლა არავის არ უთხოვია,
მაგრამ ვიღაცისთვის გაჩენილა.


სიყვარულს გაუმარჯოს - siyvaruls gaumarjos


სიყვარულს გაუმარჯოს ჩუმსა და აუხსნელს,
გული რომ ვერ ამბობს და თვალი რომ გაუგებს
სიყვარულს გაუმარჯოს ჩუმსა და აუხსნელს,
გოგო რომ ვერ ამბობს და ბიჭი გაუგებს


სიყვარულის სადღეგრძელო - siyvarulis sadgegrdzelo

ჭიქას დახედა შავი თვალებით,
მთვრალი იყო და მაინც დალია,
თავი დახარა... თქვა დანანებით:
...ეჰ, სიყვარულო, შენი ბრალია...
ისევ შემთხვევით, ეს მერამდენედ,
ერთმანეთს შეხვდნენ ჩვენი თვალები,
რა პატარაა ეს დედამიწა,
სიყვარულს ვერსად დაემალები..


სადღეგრძელო ლექსად - Sadgegrdzelo leqsad

ღვინოს ვსვამ

(gvinos vsvam)


ღვინოს ვსვამ და მე კი მაინც არ ვთვრები,
გულს ვიკლავ და მეკი მაინც არ ვკვდები
დარდი მჭამს და მე კი მაინც ვხალისობ
სხვა კი იტყვის ჩემძე - "ავად არისო".

სხვამ რა იცის რად არ ვთვრები, რა არ მკლავს,
იქნებ იმას გულის დარდიც არა ჰყავს,
მე რად ვუძლებ თუ გაძლება ძნელია.
ის სხვა იტყვის: - "წავა, არაფერია"

თურმე ხალხო მე ეს დარდი მახარებს
ვეღარ ვიგებ სად წავიდე, რა მხარეს
ღვინის დოქსაც ვნახავ გამოცლილია
სიყვარულში ისიც გამოცდილია.