იმ ადამიანს გაუმარჯოს - im adamians gaumarjos


ეს იმ ადამიანს გაუმარჯოს, ფრენას რომ ისწავლის, მზესთან მივა, სხივებს შეაგროვებს და თაიგულს გააკეთებს საყვარელი ადამიანისთვის.


სიყვარულის სადღეგრძელო - siyvarulis sadgegrdzelo


ეს იმ სიყვარულს გაუმარჯოს მასზე დანთებულ ღამეს რომ დაიფიცებ,
ბევრჯერ ეცდები მის დავიწყებას, მაგრამ ვერასდროს ვერ დაივიწყებ.


სამი გულის სადღეგრძელო - sami gulis sadgegrdzelo


მოდით სამ გულს გაუმარჯოს: ხელის გულს, რომლითაც ჩვენ ჩვენს გულისწორებს ხელით ვატარებთ; ფეხის გულს, რომელმაც საყვარელ ადამიანთან მიგვიყვანა; და იმ გულს, რომელშიც დაიბადა და მუდამ იცხოვრებს სიყვარული!!!


გრძნობის სადღეგრძელო - grdznobis sadgegrdzelo


იმ უთქმელ გრძნობას გაუმარჯოს, რომელსაც თქმა არასოდეს უწერია...


თვალების სადღეგრძელო - tvalebis sadgegrdzelo


ეს იმ თვალებს გაუმარჯოს, ენაზე მეტად რომ მეტყველებენ.


სიყვარულს გაუმარჯოს - siyvaruls gaumarjos


ზეცა-ფიროსმანის ლურჯი სუფრა,
ნეტავ მზის ყანები ვის ელიან?
ქუჩაში კოცნის გოგოს ბიჭი,
ვიღიმი თვალებში ნისლებია.
ისეთ სიყვარულს გაუმარჯოს
მე რომ არასოდეს მღირსებია.


მტრედს გაუმარჯოს - mtreds gaumarjos


ეს იმ ორ მტრედს გაუმარჯოს, ხეზე რომ ზიან და ქარს ელოდებიან, იქნებ ერთმანეთს შეგვაჯახოსო.


გაუმარჯოს - gaumarjos


დაუმთავრებელ წიგნს, აუნთებელ სანთელს და აუხსნელ სიყვარულს გაუმარჯოს.


პატარა გულს გაუმარჯოს - patara guls gaumarjos


ეს იმ პატარა გულს გაუმარჯოს, უდიდესი ოცნებების დატევა რომ შეუძლია, იმხელა ოცნებების მთელ დედამიწას რომ შემოუვლის და უსასრულობაში გაიჭრება.


სათუთ გრძნობას გაუმარჯოს - satut grdznobas gaumarjos


მე კოცნის ზღვაში დავიბადე გამიგონია,
მე კოცნის ზღვაში დავიხრჩობი ასე მგონია,
ამბობენ, თურმე კოცნა ლოთებს მოუგონიათ
მათ გაუმარჯოს რა სათუთი გრძნობა ქონიათ.


ეს გაუმარჯოს იმ წლებს - es gaumarjos im wlebs


ეს გაუმარჯოს იმ წლებს, იმ წამებს
გულში რომ დარჩა, როგორც თქმულება
და ტკივილს, ტკივილს, ტკივილს უმწარესს
რომლის ბადალიც არ მეგულება.
- ეს გაუმარჯოს უსიტყვო ტრფობას
ენაზე თრთოლვას და უძილობას
მეორე შემთხვევით გასროლილ ტყვიას
და მოურჩენელ მძიმე ჭრილობას.
- გრძნობას გაუმარჯოს ფიქრებში დაღლილს
სიყვარულს, სიყვარულს, თუ გინდ დაკარგულს,
- სიყვარულს გაუმარჯოს, ფიქრებს, სიკეთეს
ჩვენს გულში ფარულად, ბუდეს რომ იკეთებს,
- ნეტას გაუმარჯოს ყველგან დაფარულს
სიყვარულს გაუმარჯოს, თუნდაც დაკარგულს,
-თვალებს გაუმარჯოს, თვალებს სევდიანს
ერთი შეხედვით რომ ყველაფერს გეტყვიან,
-ეს გაუმარჯოს ცრემლიან თვალებს
უსიტყვო სევდას და უხმო ალერსს...


სითბოს გაუმარჯოს - sitbos gaumarjos


მზე რომ დახატო თბილი უნდა იყო, თბილი რომ იყო ვიღაცამ უნდა გაგათბოს, რომ გაგათბოს უნდა უყვარდე, რომ უყვარდე უნდა დაიმსახურო. მოდით ამ სითბოს სიყვარულს დამსახურებას და ღირსებას გაუმარჯოს.