მონატრებას გაუმარჯოს

მონატრებას გაუმარჯოს

(monatrebas gaumarjos)


მოდით იმ მონატრებას გაუმარჯოს, გვერდით რომ გეჯდეს და მაინც გენატრებოდეს!!!


შენზე ფიქრებს და ოცნებას გაუმარჯოს!

შენზე ფიქრებს და ოცნებას გაუმარჯოს!

(shenze fiqrebs da ocnebas gaumarjos)

მე შენს ოცნებას დავამყენი ოცნება ჩემი,
ნაჭრილობარზე დავადევი გულის ნაჭერი.
მერე ფიქრები მოვახვიე ნელ სინაზეთი,
ეწვეთებოდა ლაჟვარდების ცისფერი ზეთი.
მე ჩემს სიყვარულს სიყვარული ვუწოდე მყარი,
მაგრამ არ გაჩნდა კვირტი,რტოზე ამონაყარი.
შენს ოცნებაზე დავამყენი ოცნება ჩემი,
ნაჭრილობარზე დავადევი გულის ნაჭერი...
შენზე ფიქრებს და ოცნებას გაუმარჯოს!!!


სანატრი მხოლოდ ერთი მაქვს

სანატრი მხოლოდ ერთი მაქვს

(sanatri mxolod erti maqvs)


ფიქრებს მიზნებს გაუმარჯოს)
თმა გამითეთრდა მთლიანად
ჭვერშიც გამიჩნდა ჭაღარა
სიბერემ თავის სტატუსი
ნელ-ნელა შემომაპარა
აღარ მიხდება ოხუნჯი
აღარც ბაზარი ქურდული
ახალგაზრდობის კარებზე
დაედო რკინის ურდული
მუხლებში ძალა დამაკლდა
თვალში დამაკლდა ნათელი
საქმე თმის ბეწვზე მეტი მაქვს
სათქმელი ასი ამდენი
სანატრი მხოლოდ ერთი მაქვს
ერთი და ბოლო სათქმელი
მუშტად შეკრული მენახოს
სუყველა კუთხის ქართველი
მენახოს ყველა ქართველი
მუხლმაგარი და ჯამრთელი
აენთოთ ერთი სანთელი
ჰყავდეთ თავისი მართველი
მტერს მტრულად დახვდნონ მოკეთეს
ერთად გაუღონ კარები
მერე ჩემს მიწას საფიცარს
სიმღერით მივებარები


სიყვარული დამაჩოქებს თითის ტრიალით

სიყვარული დამაჩოქებს თითის ტრიალით

(siyvarui damachoqebs titis trialit)


მოდით, დამისხით ეს ღვინო ოხერტიალი,
უსიყვარულოდ არც მე მინდა დღეს ხეტიალი,
ამ სადღეგრძელოს დღეს მე დავლევ თიხის ფიალით,
ხვალ, სიყვარული დამაჩოქებს თითის ტრიალით.


პირადული დალოცვა

პირადული დალოცვა

(piraduli dalocva)


მინდა სასმისივით დაგეცალოს,
სადმე მტერი თუ გყავს ათიოდე,
ტკივილი სიხარულში გაგეცვალოს,
ამაყი,უდარდელი დადიოდე.
მინდა სიყვარულმა დაგაჯეროს,
უკუნი გაგინათონ კელაპტრებმა,
მიზანთან არაფერმა შეგაჩეროს,
აგიხდეს თუკი რამ გენატრება.
მინდა ბედნიერი (კაცი) (ქალი) იყო,
დარდმა არ დაგიმონოს მცირედმა,
გრძნობისგან არასოდეს დაცლილიყო,
ბოლომდე გიმეგზუროს იმედმა.
მინდა სასმისივით დაგეცალოს
სადმე მტერი თუ გყავს ათიოდე,
წუხილი სიხარულში გაგეცვალოს,
ამაყი,უდარდელი დადიოდე.


უფლის კურთხევით დავლოცოთ

უფლის კურთხევით დავლოცოთ

(uflis kurtxevit davlocot)

უფლის კურთხევით დავლოცოთ
ფიალით საქართველო,
ამ ჩვენს პატარა ქვეყანას
ლანგრით მივართვათ ლელო.
ოდითგან მისი მშვენებით
შური ახრჩობდა მტერს,
ეს ჩემი ქვეყნის ველები
გონს უბნელებდა სხვებს.
ვაი, რომ საქართველოთი
იწვოდა ჩვენი გული,
წუთისოფელს გვიმწარებდა
ყოველი უცხო რჯული.
ახ, საქართველოვ
ლომი იყავ ჩვენი მარადის,
ესე ღმერთს შევსთხოვ კიდევ გნახოთ
ნიკოფსიიდან დარუბანდამდის.


მეგობრების ძმაკაცების სადღეგრძელო

მეგობრების ძმაკაცების სადღეგრძელო

(megobrebis dzmakacebis sadgegrdzelo)


ძმაკაცების სიყვარულში
სანთელივით დავდნები
აღელვებულ ზღვაში შევალ
შუა ცეცხლში ჩავდგები
ატამივით ავყვავდები
შაქარივით დავტკბები
ჩემს მეგობარს სისხლს ვაჩუქებ
ლუკმას გავუზიარებ
წყლულზე წამლად დავედები
მოუშუშებ იარებს
არაფერზე არ გავყიდი
არავის არ ვაჭიდებ
სადაც ენა მიმიწვდება
სულ ვაქებ და ვადიდებ
მერე ძმობას შევთავაზებ
დავუნათესავდები
ძმაკაცების კაცობაზე
მე ვიქნები თავდები
ძმაკაცების სადღეგრძელო
როცა შემოპრინდება
გული გამიხალისდება
სახე გამიბრწყინდება
სანატრელი სახეები
სანთელივით ინთება
ძმაკაცებთან ჩახუტება
უფრო მეტად მინდება
ჩვენს მეგობრებს გაუმარჯოს
საძმაკაცოს დიდება.


მოდი გაუმარჯოს

მოდი გაუმარჯოს

(modi gaumarjos)


მოდი, იმ სიმღერებს გაუმარჯოს,
რომელიც შენთვის მიმღერია!...
მოდი, იმ სტრიქონებს გაუმარჯოს,
რომელიც შენთვის მიწერია!...
მოდი იმ ღამეებს გაუმარჯოს,
რომელიც ერთად გვითევია!...
მოდი ჩვენს სიყვარულს გაუმარჯოს,
რომელიც მთელ ქვეყანას მირჩევნია!...


სამშობლოს სადღეგრძელო.

სამშობლოს სადღეგრძელო.

(samshoblos sadgegrdzelo)


სხივმა ჩახია ღრუბლის კარავი
და ცამ ცისაფრად გადაიდარა,
არ გაიკარა გულმა არავინ,
არასდიდებით არ გაიკარა.
სამშობლო ბევრად უფრო მეტია,
ვიდრე ზღვაა და ვიდრე მდინარე,
სისხლთან ნაზავი ცრემლის წვეთია,
გაოფლილ მკერდზე ჩამომდინარე.
ბედს მიჯაჭვული ლპება ბორანი,
დღით დასიცხული ჭალა სისინებს,
ნამოსახლარზე ჯდება ყორანი
და თვალით თვალში მიყრის სიცივეს.
სამშობლო ბევრად უფრო მეტია,
ვიდრე სიცოცხლე კაცის სამყოფი,
ცად ავარდნილი ხსოვნის სვეტია,
სამურზაყანოს სულის გამყოფი..
ტალღა ქვიშაზე იწყებს ხეტიალს,
აზალიები თვალებს კვესავენ,
სამშობლო ბევრად უფრო მეტია,
ვიდრე გვგონია,თქვენი კვნესამე!
ცა ციცასავით მკლავზე დამიწვა,
დილამ ქოთქოთით გადაიდარა,
არ გაიკარა გულმა სხვა მიწა,
არასდიდებით არ გაიკარა.


ნეკნს გაუმარჯოს!

ნეკნს გაუმარჯოს!

(nekns gaumarjos!)


ნეკნს გაუმარჯოს! იმ ნეკნს, რომელიც ყოველთვის გვტკივა და თან გვსიამოვნებს. იმ ნეკნს გაუმარჯოს, რომელიც გვაკლია და ყოველთვის ჩვენს გვერდითა. მანდილოსნებს გაგიმარჯოთ. სულ ლამაზები და გახარებულები გვენახეთ. ჩვენი გაძლება გქონოდეთ.


არ გეგონოთ ცელქმა ღვინომ დამათრო

არ გეგონოთ ცელქმა ღვინომ დამათრო

(ar gegonot celqma gvinom damatro)


არ გეგონოთ ცელქმა ღვინომ დამათრო,
ბაგებს ცივი სითხე აღარ ეამათ,
მერიქიფევ ნუ ჩერდები, თამამად,
ჩამოასხი, ჩვენ დაგვენთე კელაპტრად,
მე მინდა რომ ეს ღვთიური სასმელი,
ლაპლაპებდეს მთვარის შუქზე კიაფად,
ყველას უყვარს ყველას მოსწონს საქები
ვინც დალია სამოთხეში იარა,
რომ დათვრები, გული მაშინ იღება,
გიყვარს ყველა არავინ გეზიზღება,
ყველას ეტრფი, აღმერთებ და ადიდებ,
საქართველოს ღვინის მადლით აღვიძებ.
მაგრამ მაინც იტყვის ზოგი ეული,
ღვინო არის კაცში ეშმაკეული,
გთხოვ არ გინდა ნუ შებღალავ საუნჯეს,
ქართველებმა თავი ხომ ვაზს დაუნთეს..


საქართველოს სადღეგრძელოს გაუმარჯოს

საქართველოს სადღეგრძელოს გაუმარჯოს

(saqartvelos sadgegrdzelos gaumarjos)

საქართველოს მიწას, მისგან ამოსულ ვაზს, ვაზისგან დაწურულ ღვინოს და ამ ღვინით დალეულ - საქართველოს სადღეგრძელოს გაუმარჯოს.