დავით დეფი - David Dephy



თუ გინდა გეტყვი

(tu ginda getyvi)

მოგეხმარები, გინდა? ამოგახსნევინებ, ერთ საიდუმლოს, მე ხმა მომესმა შენი, მგონი მეძახდი, ღმერთი სამს უფლობს, სამ თავის სახეს, სამჯერ უთვალავს, თუ გინდ ვანებოთ ამ ღმერთსაც თავი, გახსოვს დღემ ღამეს რა შეუთვალა, როცა ვარსკვლავნი სულ გადავთვალეთ, თუ გინდა გეტყვი ცეცხლი სად ქრება, ან როგორ ჩნდება ჩვენ ტვინში სიტყვა, ვისაც ვპატიებ ის მე ვერ მხედავს, ვინც მე ვერ მიტანს ის უფრო მიყვარს, თუმცა არ არსებობს “უფრო” ან “ცოტა”, მიყვარს და მორჩა ეგაა სულ, თუ გინდა გეტყვი რაა სიმარტოვე, ან მარტოობაც მე განა მსურს? თუ გინდა გეტყვი ჭეშმარიტებას, გაგეცინება, თუ მას გაუძლებ, ზუსტი სიტყვისთვის დრო არ მჭირდება, როგორც სამიზნე, კოლტს ან მაუზერს, თუ გინდა გეტყვი ჩემ სახლის ნომერს, ან ჩემ ტელეფონს ან ჩემ იმეილს, თუ გინდა კითხვები ახლავე მომე, რასაც დავიტევ მარტო იმდენი, მარტინ იდენი გემახსოვრება, გახსოვს რას ამბობს როცა თავს იკლავს? შენ გაქვს იმედი, შენ გაქვს ოცნება, სიავე ჟამთა, ჟანრის კლასიკად თუ გინდა გეტყვი ერთადერთ სიტყვას და გავჩუმდები, თავს დაგანებებ, დღეს ღამე მიჰყვა, ღამეს დღეს მიჰყვა, მერიდიანებს ანდა განედებს გადაეფინა შუქი და ჩრდილი, მათ დამიტოვეს რაღაც სახსოვრად, ისე აღმოჩნდა მე როგორც ვთვლიდი, შენი სიტყვა ვარ სანამ გახსოვარ.



Loading...

ტექსტის სანახავად გაიარეთ რეგისტრაცია.