მერაბ სალუქვაძე – მინდა ღრუბლებში აფრენა

 (ხმები: 0)


– მინდა ღრუბლებში აფრენა -

– მე მინდა აფრენა ზემოდ, სადაც რატომღაც იქ არასოდეს მეპატიჟებიან..
– მე მინდა გაფრენა მეცხრე ცაზე ლაჟვარდოვან ღრუბლებთან, სადაც ვიღაც უცხო მეგზური შემომხვდება და შორეულ გზას მიმასწავლის.. სადაც მეტი სითბოა, ყურადღებაა თუმცა რაც შეიძლება მინდა მეტი სიშორე ადამიანებისგან, ადამიანებისგან რომლებსაც დღეს აღარც ვეძახი, აღარ ვუშვებ ახლოს ჩემს სიახლოვეს..
– მე მინდა წასვლა მიწისქვეშეთში, სადაც უკან აღარასოდეს ბრუნდებიან, სადაც ჩემი ახლობლები განისვენებენ, სადაც ყველაზე მეტი სიცივეა, თუმცა კარგად ვიცი მხოლოდ მარტო ჩემთვის იქნება სითბო..
– მე მინდა რაღაც, მაგრამ არ ვიცი რა მინდა დღეს..
სამწუხაროდ დიდი ვერაფერი გავარკვიე, იქნებ ვამძიმებ ამ არემარეს, სამყაროს სხვისას, იქნებ თავი მოვაბეზრე ვიღაცას, რაღაცას, ან თუნდაც იქნებ ზედმეტია პატიოსანი, გულიანი ადამიანები დღეს ამ წუთისოფელში..
თუმცა ჯერ ბევრი რამ კიდევ არ ვიცი, დავიღალე ყველაფრისგან უფალო! ––
დამღალა ფიქრებმა, დამღალა უფერულმა ნაღვლიანმა ცხოვრებამ!
დღეს კარგად ვერ გამიგია ამ სიცოცხლის არსი, ღირდა? – კი ამდენი ადამიანის შეწუხება, შფოთვა, ალიაქოთი ამქვეყნიურ უაზრო სასუფეველში, ღირდა? კი ამ მიწაზე ამდენი მიხვეულ – მოხვეული გზების უშინაარსო, უაზროდ გადაკვეთა..
ღირდა? – კი ამდენი, ამდენი სჯაბაასი ადამიანებო! ერთი მტკაველი მიწისთვის, რატომ, რისთვის ვტკენთ ერთმანეთს გულს, ვფიქრობ, ვფიქრობ და ვერაფერი გამიგია..
– მე მინდა აფრენა დღეს ზეცაში, სადაც რატომღაც არ მეპატიჟებიან, ალბათ ჯერ არ მელოდებიან.. ტკივილი, სევდა მიპყრობს და ღამით უძინარ პოეტს თეთრ ფურცლებზე გადამაქვს ყველა ჩემი ნაფიქრალი..
მე მინდა გაფრენა მეცხრე ცაზე ლაჟვარდოვან ღრუბლებთან, სადაც ცაში ვიღაც უცხო მეგზური დამხვდება და შორეულ გზას მიმასწავლის..
მინდა გარიყული ვიყო სულ მარტოდმარტო, სადაც ადამიანები აღარასოდეს შემაწუხებენ..
– მე მინდა მესამე სრულად ახალი რამ, სიცოცხლესა და სიკვდილს შორის რაღაც სხვა, სხვა თუმცა რა, დღეს ვერაფრით გამიგია..

" ამ ცხოვრებიდან მიმავალს დამემსხვრა ფრთები და გვიან ვაწყობ გულში ყველა ნაფიქრალს "..

/ მერაბ სალუქვაძე /




ტექსტის სანახავად გაიარეთ რეგისტრაცია.