ცოლ-ქმრობა ოჯახი

 (ხმები: 2)


"სარეცელთა ჩემთა ზედა ღამე ვეძებ, რომელი შეიყავრა სულმან ჩემმან"

ქებათა ქება

ცოლ-ქმრობა - ლაშა კარანაძე


კაცთმოყვარე ღმერთმა, დიდებული ნიჭი - სიყვარულისა მისცა ადამიანებს. საოცარი ისაა, რომ მისი მრავალი გამოვლინების საშვალება არსებობს. ამჟამად კი მსურს თქვენი ყურადღება შევაჩერო ერთ-ერთ მათგანზე. სიყვარულის ისეთ მგრძნობელობაზე, რასაც ცოლ-ქმრობა ჰქვია. არა ქალ-ვაჟური (თუმცა ამასაც შევეხებით) არამედ ცოლ-ქმრული, დაგვირგვინებული ღვთისგან უდიდეს მგრძნობელობად. რაც ადამიანში თავად ღვთისაგან, რიგითობით მეორე ერგო ადამსა და მისი სახით კაცობრიობას.
არსებობს ამგვარი გამოთქმა - „ცალმხრივი სიყვარული“, რაც ჩემის აზრით შეცდომაა, რადგან ამდაგვარ სიყვარულში- . ცალმხრივი არ არსებობს. ის უარყოფილი და დამცრობილია, რადგან სიყვარული არის იქ სადაც არის ერთობა. არა მხოლოდ ერთი მხრიდან გაურკვეველი გრძნობები, არამედ ორი ადამიანის ტრფიალება, შეტკბობა ,შეყვარება და შეკავშირება.
სიყვარულში უფრო ნაკლებადაა: მოწონება, სილამაზეში ტკბობა, - ეს ყოველივე მეორეხარისხოვანია. ნამდვილი სიყვარული მაშინაა, როდესაც ფიქრობ, რომ შენი ცხოვრების ნებისმიერ ბედნიერ წამსა და წუთში სხვა ვინმეც იქნეს შემოყვანილი. რომ ცხოვრების ეს მაამემლობა და სიხარული შენთან ერთად სხვამაც გაიზიაროს. ამგვარად სიყვარული იმგვარი რამაა როცა ბედნიერებას არა მარტო საკუთარ თავს არამედ სხვასაც განუკუთნებ, უნაწილებ, თუმცა ამით ხომ თვით ბედნიერებას არაფერი აკლდება. პირიქით უფრო ემატება, იზრდება, და ყოველგვარ საზღვარს სცდება.
ცოლ-ქმრობის დაულეველ სიყვარულში არ ხდება სიყვარულის მოკლება, ის უფრო იზრდება და უფრო ავსებს ერთმანეთის გულებს, მატულობს ყოველდღიურად, აწ უკვე შვილთა სხმითა და მათდამი დაუღალავი სიყვარულით.
ცოლ-ქმრობაში არაა წყენა, არაა ღალატი, აქ არავის დაამცრობენ, აქ არავის აატირებენ.
ამგვარი სიყვარულით შეკავშირება, წინარე პერიოდშიც შეიძლება, თუ ორი სული, ერთმანეთზე მზრუნველობას იჩენს. ამგვარი სიყვარულით შემტკბარ გულებს სჩვევია საკვირველებები, რომელთაც მხოლოდ ისინი მიხვდებიან, რომელთაც სიყვარული უპირველეს გრძნობად მიუღიათ და აურჩევიათ.
წარმოვიდგინოთ - შეუყვარდათ ბიჭსა და გოგოს ერთმანეთი, ჯერ რამხელა როიმანტიზმია, სიყვარული იწყებს დავანებას და იმ პატარა კვერცხის ჩადებას მათ გულებში, რომელიც მერმე გამოიბარტყებს. როდესაც მათ ერთმანეთი უყვარდებათ ეს ხომ იმას ნიშნავს, რომ კიდევ ერთი ახალი თავგადასავალი იწყება. - ახალი თავგადასავალი.
კიდევ ერთ ისტორიას ეყრება საფუძველი, კიდევ ერთი, „რომანი“ ემატება ცხოვრებას და არავინაა ამის დამშლელი, დამანაწილებელი. რადგან მას კრავს და აძლიერებს უდიდესი გრძნობა - სიყვარული.
ცოლ-ქმრობა რამხელა საიდუმლოა...
ჩვენ ხომ ვიცით, რომ ისინი ერთთიანდებიან, თითქოს ერთ სხეულად იკვრებიან, ამდენად ღრმაა ეს სულიერი კავშირი.
არხართ დაკვირვებული იმასაც, რომ ცოლ-ქმარი ერთმანეთს ემსგავსებიან კიდევაც წლების შემდეგ. ისინი ერთი ცხოვრებით ცხოვრობენ. ცხოვრობენ ისე, რომ უხაროდეთ ერთად ყოფნა და ეს ღვთაებრივი შეკავშირება და „შეერთმანეთი“. ყოველი ახალი დღეა ამის მტკიცებულებაა. იწყება გამოღვიძებით დავინც პირველი გაიღვიძებს, მძინარეს უცქერს თავის ნახევარს.
ერთმანეთს სუნთქავენ და არ უნდათ სხვა არაფერი.
რა კარგია, როდესაც საქმე გვაქვს გულწრფელ სიყვარულთან.
სთხოვს ბიჭი, გოგონას. „მარცხნივ დამიდექი!“ სანამ ვივლით არ მოშორდე მარცხენა მხარეს, არ გადაინაცვლო არც წინ, არც უკან და არც მარჯვნივ.
ვიაროთ ისე. რომ შენ სულ ჩემს მარცხნივ იდგე.
მარცხნივ - ყველაზე ახლოს გულთან.

ლაშა კარანაძე




ტექსტის სანახავად გაიარეთ რეგისტრაცია.