"ადამიანი რომ ყოვლისშემძლე იყოს..."

 (ხმები: 2)


საქმე იმაშია ვინ როგორ მოაწყობდა ირგვლივ ყველაფერს ყოვლისშემძლე რომ იყოს. ბევრს ვფიქრობ ადამიანური ბუნების უკიდეგანო შესაძლებლობებზე. ეს ბუნებაა სწორედ ხანდახან რომ იპყრობს მთლიანად ადამიანის მთელს არსებას და ისეთ რამეზე მოაწერინებს ხელს რასაც საღად მოაზროვნე ადამიანი არასოდეს ჩაიდენდა. ხოდა ადამიანის ხელით შექმნილ სამყაროს აუცილებლად განაპირობებდა მისი ის არაადამიანური ბუნება, ანუ „მეორე მე“ ოღონდ ის მეორე მე სულ სხვაა და არა ჩვეულებრივი მეორე მე რადგან ეს ის შემთხვევა იქნებოდა, როდესაც ეს „მე“ ყოვლისშემძლე არსებად იქცეოდა და ამ განუზომელი ძალაუფლების პატრონს ძირითად მესთან ჭიდილი კი არ მოუწევდა გადაწყვეტილების მისაღებად, არამედ თავად განაგებდა ყოველივეს. მიცდია კიდეც წარმომედგინა როგორი იქნებოდა სამყარო, იმ მოთხოვნილებების მიხედვით რომ შექმნილიყო, რაც უიშვიათესი ჯიშის ცხოველს - ადამიანს გააჩნია, მაგრამ რამდენჯერაც წარმოვიდგინე ეს უკანასკნელი ყოველთვის ერთ გარდაუვალ ჭეშმარიტებას წავაწყდი, ეს იყო უსაზღვრო უსამართლობა და ქაოსი, რადგანაც ერთი ადამიანის ინტერესი ყოველთვის მეორესას კვეთდა და პირიქით. ალბათ სწორედ ესაა იმის მიზეზი, რომ სამყაროში ადამიანს ერთი უბადრუკი არსების ადგილი უნდა ეჭიროს და არა „კანონმდებლისა“. ადამიანი რომ ყოვლის შემძლე იყოს? - ჰმ...

კობა შათირიშვილი



Loading...

ტექსტის სანახავად გაიარეთ რეგისტრაცია.