ვერულავა თენგიზ - Verulava Tengiz



რატომ ხდება ასე?
ასე იმიტომ ხდება რომ...
რომ რომითაა გაბრუებული და რომი ულან-ბატორში ეშლება.
რატომ არის რომი რომი და რატომ წყდება სიტყვა რომით?...

ტვინში საშლელით გადაშალა უზედამხედველო აზრები და ისევ დაიბრუნა ცარიელი, თეთრი დაფა. მეწყერსაც წაუღია შავი კვადრატის საკაცობრიო ტკივილები.
თეთრი და სუფთა. ერთი წერტილიც კი არ დარჩა ნერვის დატოტვილი ხაზის.
ფრანცისკ ასიზელიც ალბათ, ამიტომ გაშიშვლდა ქალაქის შუა მოედანზე. ყველას თვალწინ ჩამოიშორა აბნეულ სულს მოტმასნილი მძიმე სამოსელი. უკან მოიტოვა უპასუხოდ დარჩენილი წუთისოფლის ფარდობითი კითხვები და გაშორდა, გადავიდა საზღვარს.
საზღვარს შემდეგ არაფერი აღარ ხდება. არც არაფერს აღარ აქვს კითხვა. ყველაფერი არის ისე როგორც არის და არც არაფერს აღარ აქვს მიზეზის ჯაჭვი. ყველაფერი უნებლიედ მოდის. ყველაფერი უნებლიედ სადღაც მიდის. არც არავინ გეკითხება, შენც ნურაფერს მოიკითხავ.

დაკიდულა სადღაც, ბნელში უსასრულოდ მბრუნი მრგვალი აბლაბუდა. ბრუნავს, დაუკითხავად და უპასუხოდ თავისთვის ბრუნავს.
რატომ ხდება ასე?
ისევ?
ისევ ასე იმიტომ ხდება რომ თეთრი, სუფთა დაფაც უნებლიედ ძველდება და შავდება .



Loading...

ტექსტის სანახავად გაიარეთ რეგისტრაცია.