სამი განძის ზღაპარი - კავკასიური თქმულებები და ზღაპრები

 (ხმები: 2)



ოდესღაც ერთი ცოლ-ქმარი ცხოვრობდა. ჰყავდათ ერთადერთი ვაჟი.
მას შრომა არ უყვარდა; ერთთავად ამხანაგებთან დადიოდა, სად რა ეჭამა
და ესვა, მხოლოდ იმაზე ფიქრობდა. ასე გადიოდა დღეები, წლები.
მშობლები ბერდებოდნენ და დარდობდნენ, ჩვენ რომ აღარ ვიქნებით,
ამას ვინ შეინახავსო. ერთხელაც მამა ავად გახდა, დაუძახა შვილს და
უთხრა:
_ მე ვკვდები, მაგრამ შენი დარდი მიმყვება. დაიმახსოვრე: როცა
მოვკვდები, შენი ქონება სულ შეჭამე და მერე თავი მოიკალიო.
მოკვდა მამა, დარჩა დედა-შვილი. ვაჟი დღე და ღამე ქეიფობდა და მთელი ქონება გაანიავა.
გავიდა დრო, ვაჟს აღარაფერი დარჩა გასაყიდი. ამხანაგები აღარ დადიოდნენ მასთან, ის კი არადა, ზედაც აღარ უყურებდნენ. ვაჟი ძალზე
დადარდიანდა.
_ როგორ შევაჭამე მამის ქონება ამხანაგებსო, _ ნანობდა.
ერთხელ დედასთან მივიდა და უთხრა:
_ როგორც მამაჩემმა მიანდერძა, ისე უნდა მოვიქცე. თავი უნდა
მოვიკლაო.
დედას შეეშინდა:
_ ოღონდ თავს ნუ მოიკლავ და სამ გადანახულ განძსაც მოგცემ. წაიღე
სამივე, გაყიდე, გამოიყენე და მერე რაც გინდა, ისა ჰქენიო.
დედამ ვაჟს სარკე, ბეჭედი და სამაჯური მისცა. რაც კი ქვეყანაზე ხდებოდა, იმ სარკეში ყველაფერი ჩანდა; ბეჭედი და სამაჯური კი ისეთი იყო,
რომ დედამიწის ზურგზე იმისთანა არავის არაფერი ენახა.
ვაჟმა აიღო, დიდხანს უყურა, მერე ჩაფიქრდა და დედას უთხრა:
_ მე სამოგზაუროდ მივდივარ და თუ ბედს მაინც ვერ ვეწიე, მაშინ კი
თავს მოვიკლავ. სანამ საჭმელ-სასმელი ბლომად მქონდა, ამხანაგიც ბევრი მყავდა, ახლა კი, როცა აღარაფერი მაქვს, აღარავის ვჭირდები. ჰოდა,
ახლა აქედან მივდივარ.
დედამ საგზალი გაუმზადა და გაუშვა.
ვაჟმა მრავალი ქალაქი მოიარა. ერთხელაც ერთ დიდ ქალაქში შევიდა.
ხედავს, ერთ კოშკთან ხალხი შეგროვილა. გაუკვირდა და იკითხა, რა ამბავიაო. უპასუხეს:
_ ამ კოშკში ერთი მზეთუნახავი ცხოვრობს, თორმეტი მოახლე უვლის.
ძალიან მდიდარია. ვისაც მისი ნახვა უნდა, ფული უნდა გადაიხადოს, ნახვით კი ბევრს უნდა მისი ნახვაო.
ბიჭმა იფიქრა: ახლა ან ჩემი აღსასრულის დღე დადგა, ან იმ ქალს ვნახავო.
იმ კოშკთან დაიდო ბინა. გათენებამდე უროს ურტყამდა გრდემლს და
არ დააძინა არც ქალი, არც მისი მოახლე გოგოები.
როგორც კი გათენდა, მზეთუნახავმა მოახლეები გაგზავნა:
_ გაიგეთ, ვინ გაბედა ჩემი შეწუხებაო!
მოახლეები ვაჟთან მივიდნენ და ჩხუბი აუტეხეს. მაშინ ვაჟმა ბეჭედი
აჩვენა და უთხრა: მთელი ღამე ამას ვაკეთებდიო.
მოახლე გოგოები განცვიფრდნენ, ასეთი ბეჭედი არასდროს ენახათ.
მივიდნენ მზეთუნახავთან და გაკვირვებულებმა მოახსენეს, რაც ნახეს.
მზეთუნახავმა უთხრა:




ტექსტის სანახავად გაიარეთ რეგისტრაცია.