კუდიანი ვარსკვლავი - ნუნუ ქადაგიძე

კუდიანი ვარსკვლავი

- ყური მოვკარი, კუდიანმა ვარსკვლავმა უნდა ჩამოგვიქროლოს, - თქვა ვენერამ თავისი ნაზი, ნებიერად მოღუღუნე ხმით, - ერთ დროს მარსს ჭკუაზე რომ შლიდა.

- ეგ რომელი კუდიანი ვარსკვლავია. რა ჰქვია? საიდან მოჰქრის? - დაინტერესდა სიზუსტის დიდი მოყვარული მერკური.


პატარა ლურჯი ტალღა - ნუნუ ქადაგიძე

პატარა ლურჯი ტალღა

პატარა, ლურჯი ტალღა ისეთი ანცი და მოუსვენარი იყო, წამითაც არ შეეძლო მშვიდად ყოფნა. როდესაც დიდ, მრისხანე ზვირთებს გულის ძილით ეძინათ სადღაც სიღრმეში მიმალულებს, ზღვის მოსარკული ზედაპირი ხან აქ, ხან იქ ამოიბურცებოდა ხოლმე. ეს პატარა, ლურჯი ტალღა იყო. თევზივით შეჰკრავდა კამარას ჰაერში და იქვე ჩაყვინთავდა კვლავ ახალი ნახტომისათვის გამზადებული.

patara lurji talga nunu qadagidze


ნუნუ ქადაგიძე - ერთხელ


ერთხელ მივწვდი და ვაკოცე
თვალგაოცებულ მთოვარეს,
არცა ცდილობდა გასხლტომას,
ჩემს მკლავზე უხმოდ მკრთომარე.


nunu qadagidze kadagidze ertxel poezia


მზის ყვავილი - ნუნუ ქადაგიძე


დიდი ხნის წინათ დედამიწას ორი მზე დაჰნათოდა.

მზეები რიგრიგობით სუფევდნენ ცაზე, რათა დედამიწას არასოდეს მოჰკლებოდა მათი ნათელი. ჩავიდოდა თუ არა ერთი, მაშინვე მეორე ამოდიოდა.

ამიტომ დედამიწაზე არასოდეს ღამდებოდა.

nunu qadagidze mzis yvavili proza literatura nawarmoebi


სპარსი პოეტის 10 ცხოვრებისეული რჩევა

პოეტი, მისტიკოსი, თეოლოგი ჯალალ ედ-დინ რუმი სპარსეთში ცხოვრობდა და მოღვაწეობდა მე-13 საუკუნეში. წამოგიდგეთ მის ათ რჩევას, რომელიც აუცილებლად გამოგადგებათ.

შენ შესაძლებლობებით დაიბადე. შენ დაიბადე რწმენით. შენ ოცნებებითა და იდეალებით მოხვედი ამ ქვეყანაზე. შენ დაიბადე და ფრთები მოგყვა. შენ არ ხარ ძირს ფორთხვისთვის გაჩენილი! ისწავლე ფრთების გამოყენება და იფრინე!


"კაცის სხეულის ნაწილია ქალი, იგი ხდის კაცს მთლიანს” – კახი კავსაძე

"–ბელა! – ვეძახი უნებურად, ძველი ჩვეულებისამებრ… არავინ მეხმაურება. ან როგორ მიპასუხებს მარადისობიდან?! 54 წლისა წავიდა ამ ქვეყნიდან. მაშინ 57 წლის ვიყავი. მას შემდეგ ცალხელა დავდივარ, არა მთლიანი, არამედ – ნახევარი. კაცის სხეულის ნაწილია ქალი, იგი ხდის კაცს მთლიანს – ეს ქალის ფენომენის გაცხადებული საიდუმლოებაა.




ძმობილები - საბავშვო

ახლად გამოჩეკილ ბარტყს რაღაც უჩვეულოდ დიდი ფრთები დაჰყვა, მის და-ძმებზე უფრო დიდი. მთელს მათ გვარტომში, ჭაობის ბინადარ ფრინველთა შორის, შლამისჩიტათა სახელით რომ იყვნენ ცნობილნი, არც ერთს არ ჰქონდა ასეთი დიდი ფრთები. პატარა, მოკლე ფრთები მიჰკროდათ მხრებზე, რაც მხოლოდ იმისთვის იყო საკმარისი, რათა ჭაობში კოლბოხიდან კოლბოხზე ეხტუნავათ. ჰაერში ფრენა არ შეეძლოთ და არც სჭირდებოდათ. ჭაობი საკვების დაულეველი წყარო იყო მათთვის, ამავე დროს საიმედოდ იცავდა ყოველგვარი ჯურის მტაცებელი ცხოველისაგან.

dzmobilebi sabavshvo zgapari bavshvebistvis


მელია - საბავშვო ლექსები

ეს პატარა მელია
წიწილების მტერია,
თავს დაესხა კრუხ-წიწილს,
აადინა მტვერია.


melia es patara melia wiwilebis mteria sabavshvo leqsebi



ღამის რეისი

უჩვეულო დროის მგზავრები

ვერაფრით დავიძინე. ასეც იყო მოსალოდნელი, ჯერ ტელევიზორითა და კომპიუტერით გადავიტვირთე გონება, ამათი წყალობით დავიღლები და მალე მომეყვინთება- მეთქი, თქვენც არ მომიკვდეთ. შესაძლოა მიზეზი ერთი ჭიქა, მაგარი ყავა გახდა, მაგრამ აქამდე არ გამხდარა და ახლა რა მეტაკა?


როცა ვარსკვლავები წკრიალებენ

ზღაპარი - ფანტასტიკა

ჯერ კიდევ შეხვდებით ისეთ ადამიანებს, რომლებსაც სჯერათ, რომ ვარსკვლავები წკრიალებენ. სჯერათ იმის მიუხედავად, ოდესმე საკუთარი ყურით მოუსმენიათ თუ არა. ასეთი ადამიანების რიცხვში ერთი პატარა ბიჭუნაც ერია. ბიჭუნა ვიოლინოზე დაკვრას სწავლობდა, თუმცა სიმართლე რომ ითქვას, საკმაოდ გულგრილად ეკიდებოდა ამ საქმეს. მისი აზრით, ვიოლინოს ხმას ბევრი არაფერი ჰქონდა საერთო ნამდვილ მუსიკასთან, ვარსკვლავების წკრიალთან ხომ სახსენებელიც არ იყო. სავარჯიშოების დაკვრისას მუდამ იმ ციურ, ჰაეროვან მუსიკაზე ოცნებობდა, რომლის შესახებ მხოლოდ ზღაპრებში წაეკითხა.


შეჩერდეს!

ეს მოხდა მრავალი წლის წინ...

უეცრად ზარის ხმა გაისმა, მოხუცი შეცბა, ამ დროს, ღამის პირველ საათზე არავის ელოდა. წამოდგა თავისი საყვარელი სავარძლიდან, წიგნი გვერდზე გადადო და კარს მიუახლოვდა. ზარი შეუჩერებლად რეკდა. ქალმა როგორც კი კარი გააღო მყისიერად ვიღაც კისერზე ჩამოეკიდა და კოცნა დაუწყო...
- ტაია შენ ხარ? ძალიან შემაშინე, რა გჭირს, რა მოხდა?


ყველაზე ლამაზი

როგორ გახდა ბეღურა ყველაზე ლამაზი (ზღაპარი)

თვალებს ძლივს დაუჯერა ბეღურამ, როცა დღისით_მზისით ქალაქის ქუჩაში მოსეირნე ქორბუდა დაინახა. თვითონ ამ დროს პურის ნამცეცებს კენკავდა იმავე ქუჩის კუთხეში, თან ყვავს ეჩხუბებოდა მისი გულისთვის. ის პურის ნატეხი ამდენ ჩხუბად ნამდვილად არ ღირდა. სადმე კიდევ იშოვნიდა ბეღურა ისეთივე ნატეხს, ან ფანჯრის რაფებზე მოძებნიდა პურის ნამცეცებს, მაგრამ ყვავის უსინდისო საქციელმა გააბრაზა. ეს, მან, ბეღურამ იპოვა პურის ნატეხი, ყვავმა კი წართმევა დაუპირა. გამოენთებოდა ყვავი, გაფრინდებოდა ბეღურა. სანამ ყვავი ისევ მიუბრუნდებოდა პურის ნატეხს, ბეღურა უკვე იქ იყო და ასწრებდა სამიოდე ჩანისკარტებას. მერე ისევ თავიდან იწყებოდა ყველაფერი და იყვნენ ასე გაწევ - გამოწევაში.