მერაბ სალუქვაძე – ნუ მოიხედავ –

 (ხმები: 1)


ნუ მოიხედავ!
შენი წარსული მოგტირის უკან
და თბილი ვარცლი
დედის კალთაა მარადიული,
სავსეა ცრემლით,
მოგონება აწგარდასული...
თუმცა, ვიღაც ხომ მიდის,
ვიღაც ხომ რჩება
და ვინ იცის, რამდენი რამე,
ყველა მათგანზე მიბმული ხარ,
მიჯაჭვული და ხშირად,
თვალწინ გიფრიალებენ
იმ სილამაზეს რომელიც
ბავშვობაში შენ რომ ჩაგაცვეს...
*
ნუ მოიხედავ!
თუ კაცი ხარ, ისე იარე, ფრთხილად,
ყველა მათგანი ღრუბელია
ცაზე ბედგადაკრული,
შენ იმ ღრუბლიდან გამოიწურე,
შენ მოგავლინა
ღმერთმა განგებამ ადამიანად...
*
ნუ მოიხედავ!
თუ ბიჭი ხარ, ნუ მოიხედავ!
ცოლი და შვილი მოგტირის უკან
და თბილი ვარცლი – დედის კალთა
სავსეა ცრემლით..



Loading...

ტექსტის სანახავად გაიარეთ რეგისტრაცია.