მერაბ სალუქვაძე – ფიქრებთან –

 (ხმები: 0)


– ფიქრებთან –

გეალერსებით,
გეალერსებით
გაიხმაურეს ცივმა ქარებმა..
დანამულია სისხლით
ჩემი თეთრი პერანგი,
მე მხოლოდ,
ჩემი მარტოობა მეალერსება..

*
მომენატრებით,
მოგენატრებით,
ჩემი სიცივე მიახლოვდება,
თუმცა,
ვინმეს მაინც დავენანები,
მოკვდა კაცი
სწორედ ახლა აქვს
ამქვეყანაზე
ყველაზე დიდი ფასი..

*
გამაცილებენ,
გადმოვიხედავ,
წუთით გადუფრენს
სევდა ფრთამალი..
შემდეგ,
მეც ხომ ყველას დავავიწყდები..

*
გეალერსებით
გეალერსებით,
გადაიქროლეს ცივმა ქარებმა..
გადაღლილია სევდით
ჩემი სამყარო,
მე მხოლოდ,
მიწა ქართული მეალერსება..

*
გაიხმაურეს ცივმა ქარებმა..
დანამულია სისხლით
ჩემი თეთრი პერანგი,
მე მხოლოდ,
ჩემი მარტოობა მეალერსება..




ტექსტის სანახავად გაიარეთ რეგისტრაცია.