მერაბ სალუქვაძე – გახეთქილ გულთან ახლოს – » Literatura.Mcvane.Ge



მერაბ სალუქვაძე – გახეთქილ გულთან ახლოს –

 (ხმები: 0)


– გახეთქილ გულთან ახლოს –

ეს გული გასკდა
როგორც ასი წლის ქვევრი
შენ ხომ შიგ იჯექ,
იგრძენი რამე?!
იქნებ გეტკინა, გეწყინა,
ან იქნებ შენთან მოსვლა დავაგვიანე..
ვგრძნობ გული გწყდება,
რადგან ჩემი სათქმელი
ბოლომდე ვერ გაგიმხილე..
ქარს, ცაში აუტაცნია (აუსხლეტია)
ნაგლეჯ– ნაგლეჯ სიმების ნაფლეთები,
გაცვეთილ გულის სარქველს
ქარი ათამაშებს ზემოდ, ქვემოთ,
მიმოუფანტავს დანაწევრებული
დარში, ავდარში, წვიმაში..
რაც ოდესმე გვიფიქრია, გვისაუბრია,
საკინძეზე აუკინძია მალულად
ყველა ჩვენი ნაფიქრალი..
იქნებ გადაგავიწყდი?
იქნებ გადამავიწყდი,
ან იქნებ ჩემს გვერდით ხარ,
შენთან ახლოს
თუმცა მე ვერ გხედავ!
ვერ გხედავ როგორც
მწოლიარეს, მგლოვიარეს, სინათლეს..
კარგად ვგრძნობ ახლა
რომ ამოსვრილხარ სისხლში,
წითელი ბუშტულები დღესაც
ამჩნევია ჩემს სამოსელს,
სისხლნარევი გუბეები
წვიმამაც ვერ გადარეცხა..
დღეს, აღარ უკრავს ისე ლამაზად
თავნება მოძველებული როიალი,
აღარ მატკბობს მისი მზერა,
აღარ შემოდის გულში, სულში
მისი საოცარი ჟღერადობა,
ვეღარ ვგრძნობ უკვე
ხის რტოებთან
შენი გულის ძგერას, სუნთქვას..
რა სიცივეა,
რა სიბნელეა მაისის
მწვანე ცვარიან
გადაფოთლილ გარიჟრაჟზე..

*
ეს გული გასკდა,
როგორც მოძველებული
ასი წლის ქვევრი,
გულის სიღრმეში იჯექ სულდა
ახლა რა შეიგრძენი?
ან იქნებ დავაგვიანე და მიბრაზდები,
ცოტა რამ მითხარი შენზე,
ხომ არ გეტკინა,
ხომ არ გეწყინა?
მხოლოდ ჩემგან
ასე მწარედ, ასე მტკინვნეულად
რომ აღმიქვი და ტკივილებში
მოულოდნელად გარდამეცვალე..
მე ისევ ვინატრებდი
ამ ტკივილის განმეორებას
და შენს მონატრებას დავარქმევდი
ზედმეტსახელად..




ტექსტის სანახავად გაიარეთ რეგისტრაცია.