მერაბ სალუქვაძე – თეთრი სიჩუმე –

 (ხმები: 0)


– თეთრი სიჩუმე –

ისევ დუმილით სავსე ოთახი,
როგორც დაღვრილი თეთრი სიჩუმე..
გუშინ თუ ვინმეს გულით ვლოცავდი,
დღეს იმ ვინმესთან ბევრი ვიჩხუბე..

გარეთ ცა არის ღრმა და უძირო,
ოთახში ღამე დნება ფიქრებად,
ვარ მოწყენილი,
ვის გავუცინო?!
მცირე იმედიც თუ გამიქრება..

თუ ატირდება მიწაზე წვიმა,
შენი თვალების მუქი ჩეროდან,
კვლავ გავახსენებ რაც იყო წინათ,
ის რაც მჯეროდა, თუკი იქნება..

მე ყველაფერი გულში დავმარხე,
თუმცა ნიავი ისევ ჩურჩულებს..
ისევ დუმილით სავსე ოთახი,
ბნელში ჩაღვრილი თეთრი სიჩუმე..



Loading...

ტექსტის სანახავად გაიარეთ რეგისტრაცია.