ნანა მეფარიშვილი - გული დავიწურე

 (ხმები: 1)


გული დავიწურე,
უკვე ნათქვამს რაღა დავამატო,
სისხლიც ავიდუღე,
გრძნობამ ჩაითრია ყველა მყესი,
ჩემზე ნუ იდარდებ,
მუდამ დავდიოდი ასე მარტო,
ახლა მოიგონე, რამე
გაცილებით უკეთესი.

თვალში დამაკლლდები,
გულზე რომ აღარ ვთქვა ნათელია,
ისე კარგად მიცნობ,
უკვე შემოხედვაც აღარ გინდა,
მე კი ვილექსები,
ალბათ ეს ლექსებიც სათქმელია,
ღელვა დააცხრე და
ვხედავ აღტკინებაც განაპირდა.

შენ არ დაიბრალო,
შენ არ წაიყოლო სადარდელი,
ალბათ ეს ოხერი,
ჩემი შემოდგომის თუა ბრალი,
გულს არ დავუჯერე,
მისი ძახილია მანამდელი,
ვიდრე შეშლილივით
კარებს დამიმსხვრევდა გრძნობის ქარი.

ვიცი გავწვიმდები,
ზეცას შევასკდები და ნაქუხარ
გულში შეგიფარებ,
რადგან იგი უკვე გაგიყავი,
აღარ მომახედო,
ჩემი სიყვარული მართლა თუ ხარ,
არა, უფრო სწორად
ასე უნდა მეთქვა თუ იყავი.

/ნანა მეფარიშვილი/




ტექსტის სანახავად გაიარეთ რეგისტრაცია.