ნანა სელეპანოვა - აკრძალული თამაშები

 (ხმები: 7)


რას იტყვი? დადგა დრო,
დავუშვათ აფრები,
გულები დავაწყოთ
სასწორის პინაზე,
მოდი შენც უგულო
თამაშში ამყევი,
უგულოდ დავემხოთ
ღმერთების წინაშე.

გიყვარდა, ო, როგორ
გიყვარდა ზღაპრები,
ხან კომბლე იყავი,
დევებსაც მიბაძე,
მე ჯინს მიგამსგავსე
ჯადოსნურ ზრახვებით,
შენი არსებობით
ღმერთების ვიწამე.

თანდათან ერთმანეთს
ხელიდან ვეცლებით,
შენ მეთამაშები,
მეც გაგეთამაშე,
ვშორდებით...და მაინც,
და მაინც ვერ ვხვდებით,
ბევრი შეწირვია
ამნაირ თამაშებს.

მაშ, მოდი, უგულოდ
ჩავაქროთ რამპები,
უგულოდ ვიაროთ
ცვარიან მიწაზე,
უგულო სიტყვებით,
უგულო განცდებით,
უგულოდ დავმარცხდეთ
ღმერთების ჯინაზე.




ტექსტის სანახავად გაიარეთ რეგისტრაცია.