ნანა სელეპანოვა - გაზაფხულდა

 (ხმები: 1)


გაზაფხულდა, მოდი, ცეცხლი გავაჩაღოთ,
დავიწვათ და ორივ ერთად დავიფერფლოთ,
მოდი, წყენა, სიძულვილი დავამარცხოთ,
რომ მარადჟამს სიყვარული გულში გვენთოს.

გაზაფხულდა, შენზე ფიქრებს ქარი ლეწავს,
მკერდს მიღეღავს სიო მთიდან მონაბერი,
ოღონდ ახლა, გაზაფხულს ნუ დამილეწავ,
შენი სუნთქვით და ცრემლების მონადენით.

გაზაფხულდა, სულში ბარტყად დამიბერდი,
სინანული გულს პეპლებად გადვიყარე,
მეკითხები, გულს რა უნდა? დავიბენი,
გულს რა უნდა?.. განცდები და ცოტა რამე.

გაზაფხულდა, მოდი, სული შემიბერე,
მომაგებე ცისარტყელას შვიდი ფერი,
შენი მოსვლით სიხარული გამიბევრე,
მეტი რაღა? მეტი რაღა, ყველაფერი.




ტექსტის სანახავად გაიარეთ რეგისტრაცია.