ნანა სელეპანოვა - აკაციებთან

 (ხმები: 2)


ახლა, ქალაქში აიტაცებს
ფოთლებს ქარები,
დღესაც საგრძნობლად აცივდება,
მზე არ ამოვა,
მაგრამ თებერვლის უსაშველო,
ამ ცივ ღამეში,
ციდან მეგზურად სავსე მთვარე,
მაინც ჩამოვა.

გულია, თორემ სულს არ უნდა
ვნებით იწვოდეს,
შენი ბრალია, გაზაფხულივით,
რომ ვიკონკები,
დღეს თუ ვიღაცა ახანგრძლივებს
ჩემში სიცოცხლეს,
ხვალ შეიძლება სანატრელი
გახდეს კოცნები.

მივდივარ, სადაც ანჩისხატთან
ლოცვით ადიან,
აკაციები, სად მხვდებიან
თეთრი ჩოხებით,
დღეს შენში მინდა,სამუდამოდ
ფესვი გავიდგა
და გავაღვიძო ვნებით
მთვრალი ყარაჩოხელი.




ტექსტის სანახავად გაიარეთ რეგისტრაცია.