ნანა სელეპანოვა - მე მაპატიე

 (ხმები: 2)


ამ გაზაფხულზე ბაღში ვერხვები
და ენძელები, რომ აყვავდება,
მე მაპატიე, თუ ვერ შევძელი
შენი თვალების გადაყვარება.

ხან საზღვრებიდან, ისე გადიხარ,
მიახლოვდები და იკარგები,
მე მაპატიე, თუკი ახლიდან,
თუკი თავიდან შემიყვარდები.

თუ ოცნებები დარდებად მექცნენ,
შენ ასეთ ყოფას,რას დაარქმევდი?
მე მაპატიე, როცა შენს ქცევებს
გადარეულს და შმაგს ვარქმევდი.

შენც ბოლო იმედს,თუკი წამართმევ,
გამიჭირდება ბოლოს გამხელა,
მე მაპატიე, რომ ვეღარ დაგთმეს
ჩემმა გულმა და ჩემმა თვალებმა.




ტექსტის სანახავად გაიარეთ რეგისტრაცია.