ნანა სელეპანოვა - დამთავრდა

 (ხმები: 3)



აღარ მეცრემლება
თვალნი შორებელზე,
ალბათ,ფიქრი მასზე,
დროში დამეკარგა,
ნუღარ დამიხატავ
წარსულს გობელენზე,
ვიცი, ჩემი წასვლა,
უფრო გაგეხარდა.
ისე მოგეკედლე,
როგორც უთვისტომო,
თურმე, მომეჩვენა გული,
რომ მეძახდა,
მინდა მოგონება
ჩემზე დაგიტოვო,
რადგან სიყვარულმა
ფრთები ჩამოყარა.
აღარ დაგანახებ
თვალებს გაწვიმებულს,
ჩემი გულიც შენთვის
უცხო წალკოტია,
ისევ ძველებურად
გხედავ გაღიმებულს,
შენ ხომ ჩემზე დარდი,
არც კი გაგყოლია.




ტექსტის სანახავად გაიარეთ რეგისტრაცია.