ქეთი ალასანია - ვერც კი წარმოიდგენთ როგორ მაძლიერებს

 (ხმები: 1)


ვერც კი წარმოიდგენთ როგორ მაძლიერებს
თქვენი სიყვარული და თბილი სიტყვები,
მინდა მოვიხარო ქედი თქვენს წინაშე,
ყოველთვის თქვენით და თქვენთვის ვიქნები,
ძალიან მიყვარხართ, გთხოვთ, რომ დამიჯეროთ,
და ამ სიყვარულით არ გადავიღლები,
მე ისე მიყვარს სიცოცხლის სურნელი,
სიკვდილის სუნთქვაშიც არ გარდავიცვლები,
იცით, რამდენჯერაც არ უნდა დავეცე,
მაინც წამოვდგები, არ დავინისლები,
თქვენ მე ოცნებების გზაზე დამაბრუნეთ,
ბოლომდე ჩავივლი ამ ბილიკს, გპირდებით,
მე ჩემს ნატერფალებს დავტოვებ მზის სხივზე
და ჩემი ლექსებით თქვენთვის დავიცლები,
მინდა, რომ ვიყვირო, მიყვარხართ ძალიან,
ჯერ ისევ აქა ვარ და დიდხანს ვიქნები...

/ქეთი ალასანია/

18.05.14.




ტექსტის სანახავად გაიარეთ რეგისტრაცია.