ნანა სელეპანოვა - ეს ადრე იყო

 (ხმები: 1)


არ გააღმერთო ის,
ვისაც ღმერთად,
შენს საუფლოში
ყოფნა არ უხდება,
ვინც მიჯაჭვულა
საკუთარ კერას,
ვინც წავიდა და
აღარ დაბრუნდება.
უცხო ბილიკები,
სავსე გვირილებით,
წვიმიან შარაგზას
სხვები დატკეპნიან,
საით ისწრაფოდი,
ასე გამალებით?
მიტომ სიყვარული
ვეღარ დაგეწია.
და შენც დაუწერელ
სტროფებს გააბრუებ,
ხელით მოცარულით,
კალამს ეჭიდები,
ცაში აჭრილ იმედს,
რაღა დააბრუნებს,
მალე მის სიზმრებშიც,
ვეღარ შეიჭრები.
სიტყვა გაიცრიცა,
თორემ ბევრს დაწერდი,
იქნებ, უფრთხილდები,
ოღონდ არ იტიროს,
ეს ადრე იყო,
რიჟრაჟს, რომ ასწრებდი,
ახლა, აღარ იცი,
ვისთვის გაიღვიძო.




ტექსტის სანახავად გაიარეთ რეგისტრაცია.