წმინდაო მარიამ

დედაო ღვთისავ, მზეო მარიამ,
ფიქრი მომაწვა ღამე მთვარიან,
ვუყურებ მტკივა, რადგან გარშემო
ისევ წყეული ეშმაკნი არიან.
წუთი არ გავა ცუდი არ მოხდეს,
კეთილს უჭირდეს, ბოროტს ულხინდეს,
ცრემლით აღსავსე თვალებით ბავშვი
ქუჩაში მდგომი რომ არა სწუხდეს...
ნეტავ ოდესმე თუ დასრულდება?!
უსამართლობა თუ გაქრება?!
ადამიანთა მოდგმაში ისევ,
ნათელი მზე თუ გამონათდება?!
შენ გარდმოჰხედე ყოვლად წმინდაო,
გესმის?! შეგთხოვენ შველა გვინდაო,
არ მიგვატოვო გთხოვ გასაჭირში,
წმინდა დაჰბადე შენს შვილთა გულში...