ნანა სელეპანოვა - იმ ქალაქში

 (ხმები: 1)


იმ ქალაქში, ახლა იქნებ, წვიმაა და თოვლი,
მზე შორსაა გარიყული და ვარსკვლავთა ხომლი,
მაგრამ,მაინც გული თვრება მათრობელა თრობით,
შორეული სიყვარული, შორიდან რომ მოდის.

იმ ქალაქში, სხვა ქარი ჰქრის, თმებს სხვაგვარად წეწავს,
ზღვის ჰორიზონტს თოლიების თეთრი ფრთები კვეთავს,
ღამით მთვარე სანაპიროს ნარინჯისფრად ღებავს
და ჩემამდე, ასე აღწევს მისი გულის ფეთქვა.

იმ ქალაქში, სადაც მტკვარი კასპიის ზღვას ერთვის,
საიდანაც ყოველ ღამით ქვითინის ხმა გესმის,
სად ლექსებით ერთი ქალი სიყვარულზე მღერის,
იცოდე, რომ შენ ის ქალი მოუთმენლად გელის.

ის ქალაქი, ჩემ ქალაქთან, იქნებ, ახლოს არის?
მესმის, როგორ დაჭრიალებს მისი სახლის კარი,
მზეც ახლოა,ზღვის ტალღებიც,ქარიც აღმა დაჰქრის,
იმ ქალაქშიც, ჩემ ქალაქშიც - სიყვარული ჰყვავის.




ტექსტის სანახავად გაიარეთ რეგისტრაცია.