მანანა ბოჭორიშვილი - რად მიყვარხარ, განა გასაკვირია?

 (ხმები: 0)


რად მიყვარხარ, განა გასაკვირია?!
ვინ გაუძლებს მაგ სიტურფეს, სინაზეს,
რომ იცოდე რა დიდ გასაჭირში ვარ,
რა იქნება შენც ჩემსავით გიყვარდე.
კაცი აბა რას გაუგებს სიყვარულს,
თავად გსტუმრობს, არაფერს გეკითხება,
დაგიკარგავს სიმშვიდეს და სიხარულს,
გულის ვარდზე სულ მუდამ გეფიქრება.
თავს ევლები ფიქრითა და ოცნებით,
დღე და ღამე შენთვის ერთნაირია,
გიყვარს, ფიქრში რეალობას მოსწყდები,
კიდევ თუ ხარ ჭკვაზე ვერ გაგიგია.
გიყურებ და გამოვცადე ჩემს თავზე,
რა ძალა აქვს მოგიზგიზე სიყვარულს.
ვოცნებობ და ვნატრობ შენც რომ გხედავდე
სიყვარულით ფრთაშესხმულს და გაბადრულს.
უფალს შევთხოვ გაიმეტოს ჩემთვისაც,
დრო და ჟამი სიყვარულით აღვსილი,
დამეხმაროს, წამაშველოს ხელი და
მაგ შენს გულშიც იყოს ჩემთვის ადგილი.
შეაგებე ამ სიყვარულს შენც გრძნობა,
გავაჩაღოთ სიყვარულის ხანძარი,
ჯერჯერობით ეგ ღიმილიც მეყოფა,
რომ დავმშვიდდე, თავს ვგრძნობდე ვით ზღაპარში.
ქალი ვარო შენ უნდა სთქვა ძვირფასო,
გიყურებ და თვალს ვეღარ გწყვეტ,შეგხარი,
შემიყვარე, ამ გულმაც რომ იხაროს,
ღმერთო ჩემო რა შორია შენამდის!
რა ძნელია გიყვარდეს და იწვოდე,
ცრემლს და ტკივილს არა ჰქონდეს საზღვარი,
არ გამწირავს ღმერთი, შენზე ვილოცებ,
დასრულდება კარგად ჩემი ამბავი.
ყველაფერი სიყვარულის ბრალია,
უფლის ნებით საწადელსაც მივაღწევ,
შემიყვარებ და ვიხარებთ ძალიან,
ყველასი და ყველაფერის ჯინაზე.

/მანანა ბოჭორიშვილი/




ტექსტის სანახავად გაიარეთ რეგისტრაცია.