ნანა სელეპანოვა - წელი გასულა..

 (ხმები: 1)


წელი გასულა ოცი.. და ოცი
და კიდევ ათი
და კიდევ ექვსი,
არ გითხოვია ჩემთვის ეს ლექსი,
მაგრამ ულექსოდ მე ვერას გეტყვი.
წელი გასულა ოცი.. და ოცი
და კიდევ ათი
და კიდევ ექვსი,
ამ წელთა თვლაში უთუოდ შევცდი,
რადგან გაიყო დღეს ჩვენი გზები.
წელი გასულა ოცი.. და ოცი
და კიდევ ათი
და კიდევ ექვსი,
ჩვენს განშორებას ვერაფრით ვერ ვხსნი,
როგორ ვიარო ურწმუნო რწმენით.
წელი გასულა ოცი.. და ოცი
და კიდევ ათი
და კიდევ ექვსი,
ტრფობა დასრულდა..ახლა ნუ მეტყვი,
და რომ სამყაროს ცალ-ცალკე შევრჩით.
წელი გასულა ოცი.. და ოცი
და კიდევ ათი
და კიდევ ექვსი,
ო, როგორ მინდა, (მოწმეა ღმერთი),
რომ ახლა ვიყო ისევ შენს გვერდით.
წელი დამდნარა ოცი.. და ოცი
და კიდევ ათი
და კიდევ ექვსი,
ვერ მოვასწარი სიტყვის თქმა ერთის,
მიყვარხარ ძლიერ და მეყვარები.




ტექსტის სანახავად გაიარეთ რეგისტრაცია.