ქეთი ალასანია - შენ ჩემი სიგიჟე მოგწონს და გიზიდავს

 (ხმები: 1)


შენ ჩემი სიგიჟე მოგწონს და გიზიდავს,
ღიმილით მიყურებ, თითქოს მაკვირდები,
მე შენში ვიპოვნე ჩემი ორეული
და ახლა ორივე ერთად გავგიჟდებით,
ბაგიდან მოგტაცებ ღიმილს და ვიჩუქებ,
მერე მზის სხივებად შენში გავიშლები,
მძინარე ოცნებას ისევ გავაღვიძებ,
შენს გულთან თამაშით მე არ დავიღლები,
შეშლილ ზღვას გაჩუქებ, ჩემო სიხარულო,
როცა, სიყვარულით, შენში ჩავიღვრები,
თვალებს დაგიკოცნი და ბილიკს ბაგემდე,
ღიმილით დავიპყრობ, სულ არ დავიბნევი,
რა დროს სიმშვიდეა, უნდა შევიშალოთ,
შეშლილი ქარივით ზღვაში გავიშლებით,
მერე მზის სხივებით გადავწვავთ ჰორიზონტს
და შეშლილ ტალღებზე ერთად გადავწვებით,
შენი სიმშვიდე რომ შევშალე არ ვნანობ,
ასე გადარეულს, ჩუმად გაკვირდები,
შენში მე ვიპოვნე ჩემი ორეული
და ახლა ორივე ერთად გავგიჟდებით...

27.06.15.

/ქეთი ალასანია/



Loading...

ტექსტის სანახავად გაიარეთ რეგისტრაცია.