ქეთი ალასანია - ოღონდ ეს არა, ვინც გინდა იყოს

 (ხმები: 0)


ოღონდ ეს არა, ვინც გინდა იყოს,
ეს აზრი გვღუპავს, მაგრამ ვერ ვხვდებით,
მიზანი არა, ქაოსი გვიხმობს
და გაურკვეველ ლანდთან ვჩერდებით,
ყრუ-მუნჯს ვუსმენთ და ბრმის კვალს მივყვებით,
შუღლსა და ტკივილს ჩვენით ვეხებით,
ხსნის ნაცვლად, ისევ სატანჯველს ვიღებთ,
ვერც კი ვგრძნობთ, უფალს ისე ველევით,
ოცდაათ ვერცხლად ქვეყანას ვყიდით
ბნელ, ღრმა უფრსკულში,თავად, ვეშვებით,
ჩვენს შეცდომებზე ვერაფერს ვსწავლობთ
და ამიტომაც, ისევ, ვეცემით,
რატომ გვგონია, სხვისი ბრალია,
ის რომ, საკუთარ თავსაც ვერ ვშველით,
ეკლიან გვირგვინს, უფალს ვადგამთ და
მერე დემონის კალთას ვეხებით,
ღმერთო მოგვეცი ფიქრის უნარი,
სანამ უფრსკულში გადავეშვებით,
ხომ ხედავ, ისევ წრეზე დავდივართ
და ფუჭ იმედებს აღარ ვეშვებით,
მავანთა სიტყვებს ვისმენთ, ვიჯერებთ,
საცდურის ნისლში ისევ ვეხვევით,
თუ შეცდომებზე არ გვსურს ვისწავლოთ,
მაშინ, ნუ გვიკვირს, როცა ვეცემით...

21.03.15.

/ქეთი ალასანია/



Loading...

ტექსტის სანახავად გაიარეთ რეგისტრაცია.