გიორგი გიგაური - ალგეთელ ლეკვთა მშობელო!..



ალგეთელ ლეკვთა მშობელო!..

/ეძღვნება დედაჩემს - ნარგული აკაკის ასულ გაგოშიძეს და ყველა დედას.../


ალგეთელ ლეკვთა მშობელო,
დედავ, მიცვნიხარ ღმერთადა,
შენ იხსენ ჩემი მამული,
ენა და რწმენა - ერთადა!

შენა ხარ წმინდა ნინო და
ქართლის მომქცევი, რწმენითა,
ქეთევანიც ხომ შენა ხარ,
მტრის ნაწამები, ვნებითა...

მზეთამზე თამარიც შენ ხარ,
რუსთველის სტროფში მბრწყინავი,
ცხრა გმირი ხერხეულიძის
დედაც შენა ხარ, მგმინავი...

ამომავალი მზეც შენ ხარ,
პირთეთრი ბადრი მთვარეცა,
დედა ენისა მეკვლე და
ვინცა, მე - ხმალად ამლესა!

უკვდავებისა წყარო ხარ,
ხატზე მდინარი მირონი,
შენს შვილთა ნამოღვაწარი -
უკვდავნი და საგმირონი!

ღვთისმშობლის მადლით მოსილო,
ქართვლის დედისა სადარო,
მთელი სამყარო მგონიხარ -
შენ კიდევ ვის შეგადარო?!

ალგეთელ ლეკვთა მშობელო,
დედავ, მიცვნიხარ ღმერთადა,
შენ იხსენ ჩემი მამული,
ენა და რწმენა - ერთადა!

გიორგი გიგაური



Loading...

ტექსტის სანახავად გაიარეთ რეგისტრაცია.