მერაბ სალუქვაძე - ღამის წყვდიადში

 (ხმები: 0)



– ღამის წყვდიადში

შეყვარებულნი ლამპიონებთან,
გალაღებულნი წერდნენ ბარათებს,
ვერ აუხსნიათ რისთვის ილტვოდნენ,
ან რა უნდოდათ, რისთვის მოსთქვამდნენ..

იქ, სადღაც სხვენთან, – დაბერა ქარმა,
აუკიაფდათ თავზე ვარსკვლავი..
მათ ლამაზ გრძნობებს ღამის წყვდიადში,
ჩასძინებია ტრფობით დამთვრალი..

სადღაც ქუჩიდან ისმოდა ჟღერა
და როალის ტკბილი ჰანგები,
მათი შემყურე ტკბებოდა ყველა,
ბავშვი, მოხუცნი, მხეცნი ცბიერნი..

დრო სწრაფად ისევ, მიჰქროდა თითქოს,
მათ სილაჟვარდეს აედგა ენა,
ხანშიშესულნი დღეს ლამფის შუქზე,
ხელიხელ ახლა ითხოვდა შველას..

ჩამოიარეს ერთხელ ქუჩაზე
და მათ სიბერეს დაეტყოთ ღრობა,
მაგრამ წლების წინ მათი სიცოცხლე,
გადაავიწყდათ ამქვეყნად ყველას..



Loading...

ტექსტის სანახავად გაიარეთ რეგისტრაცია.