ლეილა რატიანი

 (ხმები: 0)


„ ს ი ყ ვ ა რ უ ლ ი ს დ ე ფ ი ც ი ტ ი „

ვუძღვნი სიყვარულს გალაკტიონის ლექსისადმი

"უსიყვარულოდ"

* * * *

რამდენჯერ მითქვამს,
კიდევ ვიტყვი ასჯერ, ათასჯერ,
რაც უნდა შექმნა,
უმთავრესი სიყვარულია,
უნდა გიყვარდეს დამნაშავეც,
სწორად განსაჯე,
არ გიწყენს, არვინ ითაკილებს
სიტყვას გულიანს...
უსიყვარულოდ
არ მოსულა ქვეყნად არავინ,
მერე აცივდა,
ბევრ ჩვენთაგანს დარდით უვლია,
და თუ ვინმესთვის
გაგვიშლია გულში კარავი,
ჩვენი სითბოთი
სამუდამოდ დამუხტულია.
და ჩვენ თავადაც რაც გვჭირდება,
ესაა სითბო,
თორემ სხვა ბევრიც თუ გვაკლია,
მაგას ავიტანთ,
ყველა პრობლემას მართალია,
ვაგვარებთ თვითონ,
მაგრამ ლოდინში ყურადღების
წლები გავიდა...
უსიყვარულოდ
ვერ აივლი კიბეს აღმართზე,
სადაც ოცნებას
ბროლის კოშკი უნდა აუგო,
გიყვარსო, გული
არნახული ძალით აგავსებს,
შეგაძლებინებს,
ძველ ოცნებებს კარი გაუღო.
უსიყვარულოდ
ვერ იქნები ადამიანი,
და შენ ნაბიჯებს
არ მოჰყვება საქმე კეთილი,
უნდა გიყვარდეს და სიყალბეს,
შურსა და ღალატს,
სამართლიანად
დაესმევა წამსვე წერტილი.
უსიყვარულოდ
უმიზეზოდ ხდება კამათი,
რადგან სიტყვები ცივი არა,
გაყინულია,
და ერთმანეთთან მისასვლელად
არა შარბათი,
უფრო საჭირო
სიყვარულით სავსე გულია.
უსიყვარულოდ
ვერ აიტან მეგობარს ხვალ-ზეგ
და მასთან ყოფნა
შეიქმნება უსიხარულო,
დასანანია,
შეიცვლება ფიქრები მასზე
და ყველაფერი
ჩანაცრდება უსიყვარულოდ...
უსიყვარულოდ
არ დატოვო ჭირის მნახველი,
სითბო აჩუქე,
გული იქნებ რამით გაუთბო,
არ დაივიწყო,
ღვთისშვილია მისი სახელი,
შენი სიცოცხლე
სანთელივით უნდა დაუნთო.
ვინც სიყვარული ამჯობინა
გაბოროტებას,
კაცი ისევე კაცია და
ქალიც ქალურობს,
უსიყვარულოდ
მოსაწყენი ხდება ცხოვრება,
რადგან სიცოცხლე
სიკვდილია უსიხარულოდ...
მართლაც, სულ სხვაა შემოდგომა,
როცა შენ გვერდით,
შენი ცხოვრებით,
არსებობით ვინმე ხალისობს,
მაშ, გაუმარჯოს, ვინც ჩვენ გვიყვარს,
ვისაც ვუყვარვართ,
ვინც სიყვარულზე ამბობს, დიდი
გ რ ძ ნ ო ბ ა
ა რ ი ს ო !

ლეილა რატიანი



Loading...

ტექსტის სანახავად გაიარეთ რეგისტრაცია.