ნანა სელეპანოვა-შენი ნახვა მწადია » Literatura.Mcvane.Ge



ნანა სელეპანოვა-შენი ნახვა მწადია

 (ხმები: 3)


შენთან მოსვლა მწადია
და ამერია ქუჩები..
ცივ ზამთარში უშენოდ,
ყოფნა გამიჭირდება,
როცა ხეზე ბეღურებს
დააფიფქავს ფიფქები..
მე კი,შენთან მოვალ და
სულაც არ შემცივდება.

ბაგეს ფიფქი დააკვდა და
გამეყინა ფეხები,
ჩემს მაგივრად ფერდობზე
სრიალებენ განცდები,
ხან შეხვედრა მამხნევებს და
ხან ყინულზე ვეცემი,
ხელს,რომ შემაშველებდე,
სიამაყით დავდნები.

ფიფქებს სახე ავარიდე და
მეცემიან გირჩები..
სევდისფერი ფიქრები
გულმკერდს ეფინებიან..
როცა გნახავ გაიგებ და
უსათუოდ მიხვდები,
შენი ხილვა თუ, როგორ
ნატვრად გადამექცია..

შენ სითბოთი გამათბე,
მე ლექსს გეტყვი ვნებიანს..
ისეთ სიტყვებს მოგიძღვნი,რომ
წასვლა არ მოგინდება,
ვიცი, რომ შენც გიყვარვარ
ისე, როგორც შლეგიანს,
შენთან ყოფნა იცოდე,რომ
მხოლოდ მე მომიხდება.

შენი ნახვა მწადია
და ამერია ქუჩები..

ნანა სელეპანოვა




ტექსტის სანახავად გაიარეთ რეგისტრაცია.