ნანა სელეპანოვა - ახლა მინდა იყოს ზამთარი და თოვდეს ...

 (ხმები: 5)


ახლა მინდა იყოს
ზამთარი და თოვდეს..
კარი არ გაგიღო
შენ შემოსვლას მთხოვდე.
ამოვარდეს ქარი,
რომ გააღოს კარი,
ათრთოლებულ სხეულს
ვნების სუნი ასდის.
ჩამოწვება ღამე,
დაიბნევა მთვარე,
შენს სხეულზე ხალებს
ვითვლი,ვერ დავთვალე.
მარჯნისფერი ზეცა,
მიბნედილი მზერა,
ხალიანი ბაგე
შემომეკოცნება.
აჩუხჩუხდა სისხლი,
ჩაიღვარა სითბო,
აწყვეტილი ღილი
საფერებლად მიხმობს.
პულსი არ ისინჯება,
კაპილარი გასკდა,
ჩამჩურჩულებ, ჩქარა,
ამერია თავგზა.
ჩქარა, ჩქარა, ჩქარა,
უკვე დილა დადგა,
საოცარი სიზმარი
წყალში ჩამეყარა.

ნანა სელეპანოვა



Loading...

ტექსტის სანახავად გაიარეთ რეგისტრაცია.